U Łas-Viehasie praz 27 hadoŭ zatrymali padazravanaha ŭ zabojstvie repiera Tupaka Šakura
Zatrymany pa padazreńni ŭ zabojstvie — 60-hadovy były hanhstar i narkahandlar Duejn Devis, viadomy taksama jak Keefe D. Jamu ŭžo vystavili abvinavačańnie ŭ zabojstvie z vykarystańniem zbroi, paviedamlaje Associated Press.
Tupak Šakur
Za dva miesiacy da zatrymańnia palicyja praviała pieratrus u domie Devisa ŭ ramkach rasśledavańnia zabojstva Tupaka.
Tupaka zastrelili ŭ Łas-Viehasie ŭ vieraśni 1996 hoda: pa aŭtamabili, u jakim jon znachodziŭsia, adkryli ahoń ź inšaj mašyny. Repieru było 25 hadoŭ.
U svaich miemuarach Duejn Devis raskazvaŭ, što znachodziŭsia na piarednim pasažyrskim siadzieńni «Kadyłaka», ź jakoha stralali pa Šakuru. Hanhstar śćviardžaŭ, što Šakura zabiŭ jahony plamieńnik Arłanda Andersan, jaki mieŭ kanflikt z repieram.
Andersan, jaki zahinuŭ praz dva hady paśla hetaha, abviarhaŭ svajo dačynieńnie da zabojstva Šakura.
Čytajcie taksama:
