U Słavakii aštrafavali ŭładalnika mašyny, jaki pasadziŭ u kresła kiroŭcy svajho sabaku
Na zdymku, jaki apublikavała ŭ svaim fejsbuku słavackaja palicyja, bačny sabaka z raskrytaj paščaj, jaki siadzić na kreśle kiroŭcy ŭ mašynie marki «Škoda», piša Bi-bi-si. Parušeńnie trapiła ŭ abjektyŭ kamiery kantrolu chutkaści.
Fota: POLICIA SR
«Palicyjanty nie mahli pavieryć svaim vačam, — skazana ŭ paviedamleńni. — Zamiest kiroŭcy ŭ kamieru pryhoža ŭśmichaŭsia karyčnievy palaŭničy sabaka».
Uładalnik aŭtamabila śćviardžaŭ, što jahony hadavaniec pa mianušcy Chavina ŭ toj momant, maŭlaŭ, raptam zaskočyŭ da jaho na kaleni. Ale palicejskaja kamiera nie zafiksavała jakich-niebudź rezkich ruchaŭ ŭnutry aŭtamabila. U vyniku sabačaha haspadara aštrafavali na miescy za parušeńnie pravił darožnaha ruchu. Jak kankretna było kvalifikavana parušeńnie — nie paznačajecca.
Palicyja źviarnułasia da kiroŭcaŭ z zaklikam fiksavać svaich hadavancaŭ padčas kiravańnia. «Navat nievialikaja žyviolina moža pastavić pad pahrozu vašaje žyćcio i zdaroŭje padčas kiravańnia», — papiaredzili ŭ palicyi.
Čytajcie taksama:
U vioscy pad Hrodnam znajšli zialonaje kaciania. I heta jaho naturalny koler
