Znajści
Ałharytmičny łacinski varyjant
01.10.2023 / 18:27RusŁacBieł

Kolki dzion možna prapuskać škołu biez daviedki i ci možna nie płacić za padručniki ŭ kiepskim stanie

Papularnyja pytańni pra vučobu zadali čynoŭnicy.

Na pytańni «Minsk-Navinam» adkazavała namieśnica staršyni Kamiteta pa adukacyi Minharvykankama Volha Śmirnova. Pryvodzim niekatoryja z adkazaŭ.

Kolki dzion zapar možna prapuskać škołu biez daviedki?

— Propusk zaniatkaŭ biez dakumienta, jaki paćviardžaje pavažlivaść pryčyny, niedapuščalny. U pieryjad uzdymu zachvorvańnia SOVID-19 vučniu dazvalałasia adsutničać u škole da 5 dzion biez pradastaŭleńnia daviedki. Ciapier hetyja rekamiendacyi Ministerstva achovy zdaroŭja admienienyja, i my abapirajemsia na dziaržaŭny školny standart. Kali dzicia zachvareła i nie pryjšło na ŭroki, pa jaho vyzdaraŭleńni nieabchodna pradastavić adpaviedny miedycynski dakumient.

Propusk zaniatkaŭ mahčymy i pa damoŭlenaści z administracyjaj. Naprykład, kali ŭ školnika nazirajecca karotkačasovaje niedamahańnie (1-2 dni), baćki prynosiać va ŭstanovu adukacyi zajavu.

Vosiem urokaŭ u dzień — heta narmalna?

— U školnym raskładzie takaja kolkaść vučebnych zaniatkaŭ niedapuščalna. Adnak kali jana atrymałasia šlacham składańnia nie tolki ŭrokaŭ, ale i, skažam, kłasnaj abo infarmacyjnaj hadziny, fakultatyva, tady heta mahčyma.

Na zaniatkach smartfon pad zabaronaj. A na pierapynku?

— Padčas pierapynku mabilnym telefonam možna skarystacca vyklučna dla apieratyŭnaj suviazi ź blizkimi svajakami ŭ vypadku nieadkładnaj nieabchodnaści. Heta značyć, što słuchać muzyku, rabić fota, prahladać miesiendžary, hulać u hulni i hetak dalej školniku na pierapynku nie dazvolena.

Akramia taho, treba pamiatać: znachodziačysia va ŭstanovie adukacyi, dzicia pavinna adklučać huk hadžeta. Kanfiskacyja ŭ vučniaŭ mabilnych telefonaŭ na pierapynkach nie praduhledžana. Choć u staličnych ustanovach adukacyi jość prykłady, kali na baćkoŭskich schodach mamy i taty prymali kalehijalnaje rašeńnie ab tym, kab dzieci zdavali smartfony na ŭvieś čas vučoby.

Ci pavinna dzicia naviedvać šosty školny dzień?

— Abaviazak naviedvać mierapryjemstvy šostaha školnaha dnia nie ŭstanoŭleny, kali havorka nie idzie pra fakultatyŭnyja zaniatki. Apošnija mohuć pravodzicca pa raskładzie ŭ subotu.

Dziciaci ŭ himnazii vydali staryja padručniki, jakija da jaho vykarystoŭvali ŭžo piać školnikaŭ. Niekatoryja dapamožniki źleplenyja skotčam ŭzdoŭž i upopierak. Ci majuć baćki prava nie płacić za ich i zapatrabavać zamieny?

— Pastanovaj Ministerstva adukacyi Respubliki Biełaruś № 107 zaćvierdžana Pałažeńnie ab paradku padrychtoŭki i vypusku vučebnych vydańniaŭ i ich vykarystańnia. U adpaviednaści z dakumientam termin ekspłuatacyi dapamoh, jakija vykarystoŭvajucca adzin (paŭtara) raz u tydzień, składaje šeść hadoŭ. Taksama zakonny pradstaŭnik navučenca maje prava źviarnucca ŭ školnuju biblijateku z pytańniem ab zamienie asobnych padručnikaŭ abo ŭsiaho kamplekta. Alternatyvu prapanujuć pry najaŭnaści dadatkovych asobnikaŭ u fondzie. 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
4
Ха-ха
0
Ого
1
Сумна
0
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera