Znajści
Ałharytmičny łacinski varyjant
02.10.2023 / 11:3116RusŁacBieł

U prapahandysta Mukavozčyka spytali, čamu jahonaja dačka pracuje ŭ ZŠA

Dzieci niekatorych dziaržčynoŭnikaŭ i prapahandystaŭ časam žyvuć, vučacca i pracujuć na Zachadzie, jaki niemiłaserna krytykujecca ich baćkami. Pazicyju pa hetym pytańni adnaho ź ich — Andreja Mukavozčyka — sprabavali rastłumačyć viadučyja YouTube-kanała «Partyzanskaja chvala», piša BAŽ.

Aŭtary YouTube-kanała nahadali, što Maryja, dačka ad byłoha šlubu Andreja Mukavozčyka, vučyłasia ŭ ZŠA, a ciapier pracuje tam chimikam.

— Čamu jana nie choča viarnucca ŭ Biełaruś? — spytaŭ Uładzisłaŭ Bochan (mastak i prankier, jaki zapomniŭsia akcyjami pa razyhryvańni nastaŭnikaŭ biełaruskich i rasijskich škoł).

— Ja b vam patłumačyŭ… Ale vam razumieć — niama čaho, — pa zvyčcy staŭ adniekvacca supracoŭnik «Savieckaj Biełarusi». — Užo nie atrymajecca. Kali z 2020-ha da 2023-ha nie atrymałasia, nu jakija šancy dalej? Nijakich…

Padčas razmovy surazmoŭca prapahandysta zadavaŭsia pytańniami, čamu, maŭlaŭ, dačka nie razumieje, što ciapierašniaja Biełaruś — kraina dla žyćcia; nie bačyć pierśpiektyŭ i roskvitu navuki. Niaŭžo na radzimie nielha chimijaj zajmacca?

— Možna… Čamu nielha? — uzdychnuŭ Andrej Mukavozčyk.

Adnak razvažać na hetuju temu jon faktyčna admoviŭsia i prapanavaŭ zadać pytańni niepasredna dačce.

— Ja jak baćka — patryjot i ŭsio astatniaje. I što? Vy niazdolnyja zrazumieć navat takich prostych rečaŭ, da čaho i jak, — praciahnuŭ znosiny ŭ charakternaj maniery prapahandyst. — Nie atrymlivajecca rastłumačyć. Vam by dakałupacca…

Na sajcie i staronkach prapahandysckaha vydańnia rehularna vychodziać paskvili za podpisam Andreja Mukavozčyka, u jakich jon krytykuje Zachad, pradstaŭnikoŭ biełaruskich demakratyčnych sił, nie curajecca pierachodu na asoby i pramyja abrazy.

— Śviet spažyvańnia varjacieje, sprabujučy i nas z vami źvieści. Karotkačasova ci ŭžo nazaŭždy. Treba ŭpiracca, nie paddavacca, bierahčy honar z rańnich hadoŭ, kali ŭžo na toje pajšło! — niadaŭna pavučaŭ čytačoŭ aŭtar.

A litaralna niekalki dzion tamu za aŭtarstvam Andreja Mukavozčyka była raźmieščana publikacyja, u jakoj jon apraŭdvaŭ rašeńnie CVK pazbavić mahčymaści hałasavać biełarusaŭ, jakija žyvuć za miažoj.

— A nam cikava: čamu ludziam, jakija nie žyvuć u krainie, naohuł dajecca mahčymaść kahości vybirać? — aburaŭsia jon. — Chaj jany i nie zdradniki, a vielmi navat hodnyja. Ale ž jany daŭno ničoha nie viedajuć pra toje, što treba Biełarusi.

Čytajcie taksama:

Palitołah raskazaŭ, chto i kali spynić Azaronka i Mukavozčyka

Ivulin prajhraŭ zakład i pazvaniŭ Mukavozčyku — paprasicca na pracu ŭ «SB» i viarnucca ŭ Biełaruś

«Nie dapuskajecca niezakonnaje abmiežavańnie svabody ŚMI». Mininfarm nie pabačyŭ parušeńniaŭ zakona ŭ Mukavozčyka, Azaronka i «Žoŭtych źlivaŭ»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Maksim Dizajnier/adkazać/
02.10.2023
Kak tam poživajet v Ńju Jorkie triždy vzamužiem Nataška Pietkievič?I zdieś v Drozdach nie biedstvovała, no vidno mało było. Tiepieŕ hollivudit na zarpłatku prikorytnoho nomienkłaturŝika.
0
Yvelines/adkazać/
02.10.2023
Mukavozčyk nie źjaŭlajecca ščyrym jabaćkam, bo publična nie admoviŭsia ad svajoj dački - zdradnicy. Mukavozčyku naležyć zabaranić pracavać u dziaržaŭnych ŚMI jak asobie jakaja straciła davier.
0
Fyva/adkazać/
02.10.2023
Maksim Dizajnier, život rastiet ot niekačiestviennoj jedy. Na normalnuju u nich nietu ni dienieh, ni mozhov
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031