U Biełarusi šukajuć uładalnika samaj vialikaj pryvatnaj biblijateki
Hałoŭnaha knihaluba krainy šukaje sietka Oz da svajho 24-hodździa. Rekardsmienu padorać roŭna 1 999 rubloŭ na kuplu ŭ Oz — hetaja ličba supadaje z hodam zasnavańnia handlovaj sietki. A vyznačać pieramožcu buduć pa pamierach jahonaj asabistaj biblijateki.
Źmiest knih značeńnia nie maje: heta moža być jak kłasika, tak i sučasnaja litaratura. Naroŭni z ramanami, apovieściami, apaviadańniami i vieršami padličać knihi pa samaraźvićci, dapamožniki i navučalnyja dapamožniki.
Važnaja i načytanaść uładalnika knihazboru. Jaho mohuć spytać, pra što lubimy tvor ź jaho biblijateki, abo paprasić nazvać aŭtara pa naźvie ramana. Pryjarytet addaduć tym, chto źbiraŭ knihi ŭsio svajo žyćcio i šanuje ich jak viernych siabroŭ.
Nievialikija, ale cikavyja biblijateki zaachvociać za aryhinalnaść. Arhanizatary aceniać kreatyŭny padychod da farmiravańnia asabistaha zboru i najaŭnaść idei.
Dla ŭdziełu ŭ konkursie treba da 15 kastryčnika zapoŭnić zajaŭku i dasłać fota asabistaj biblijateki.
Knihazbor abaviazkova pavinien być pryvatnym. Fota z publičnych biblijatek abo internetu prosiać nie dasyłać — arhanizatary buduć praviarać infarmacyju.
Pieramožcu konkursa padorać 1 999 rubloŭ na kuplu knih u Oz. Jašče piać pryzioraŭ atrymajuć pa 100 rubloŭ kožny. Ich možna budzie vydatkavać na lubyja pakupki, u tym liku i na novyja knihi.
Čytajcie taksama:
Nobieleŭskija premii miru i pa litaratury: na kaho staviać bukmiekiery
Lepiej ničoha nie rabi dla Biełarusi, čym zroblenaje vymučanaje — Śviatłana Kurs
