Byli milicyjanierami, a stali dalnabojščykami ŭ ES
«Biełpoł» raspavioŭ pra niekatorych byłych supracoŭnikaŭ milicyi, jakija adznačylisia padčas pratestaŭ, a ciapier znachodziacca na terytoryi ES. Jak praviła, jany pracujuć tam, dzie nie patrabujecca śpiecyjalnych navykaŭ. Naprykład, dalnabojščykami.
Adzin z takich byłych siłavikoŭ — Skarabahaty Dźmitryj Ivanavič. Da niadaŭniaha času jon byŭ namieśnikam načalnika milicyi hramadskaj biaśpieki (MHB) Centralnaha RAUS Homiela.
Skarabahaty Dźmitryj Ivanavič. Skrynšot videa: belpolnews / YouTube
Pa źviestkach «Biełpoła», padpałkoŭnik milicyi Skarabahaty kiravaŭ zatrymańniami ŭ Homieli 19 červienia 2020 hoda. Asabista — zatrymańniami ŭ Centralnym rajonie horada.
Ciapier Skarabahaty pracuje ŭ Polščy kiroŭcam vielikahruzaŭ.
Pokuc Aleh Siarhiejevič. Skrynšot videa: belpolnews / YouTube
U ES taksama byŭ zaŭvažany Pokuc Aleh Siarhiejevič. Jon pracavaŭ u RAUS Centralnaha rajona Homiela — načalnikam adździeła pa narkakantroli i supraćdziejańni handlu ludźmi.
Major milicyi, śćviardžaje «Biełpoł», udzielničaŭ u razhonie mirnych akcyj pratestu 29 žniŭnia ŭ Homieli.
Ciapier Pokuc prachodzić navučańnie dla nastupnaha pracaŭładkavańnia ŭ ES kiroŭcam vielikahruza.
Čytajcie jašče:
Ad 4 da 14 jeŭra za hadzinu na ruki. Jakuju pracu prapanujuć biełarusam u ES
