Znajści
Ałharytmičny łacinski varyjant
03.10.2023 / 09:372RusŁacBieł

Pucin moža abviaścić pra svajo vyłučeńnie ŭ prezidenty ŭ listapadzie — miedyja

Vybary prezidenta Rasii pryznačanyja na 17 sakavika 2024 hoda.

Uładzimir Pucin. Fota: Contributor / Getty Images

Uładzimir Pucin moža abviaścić pra start prezidenckaj kampanii i svoj udzieł u joj na mižnarodnaj vystavie-forumie «Rasija», jakaja adkryjecca 4 listapada na VDNH, piša «Kommiersant» sa spasyłkaj na krynicy, blizkija da Administracyi prezidenta.

Vybary prezidenta pryznačanyja na 17 sakavika 2024 hoda.

Pryznačanyja jany pavinny być nie raniej čym za 100 dzion i nie paźniej za 90 dzion da hetaj daty, heta značyć u termin z 8 pa 18 śniežnia.

Publična Pucin pra svajo vyłučeńnie pakul nie abviaščaŭ, ale administracyja prezidenta Rasii razhladaje scenar, pry jakim heta moža adbycca ŭ ramkach mierapryjemstva (vystavy), na jakim buduć pradstaŭlenyja ŭsie rasijskija rehijony.

Sa słoŭ krynic «Kommiersanta», adnym z asnoŭnych pasyłaŭ kampanii stanie tema Rasii.

«My vialikaja kraina sa svajoj identyčnaściu, cyvilizacyja, my zmahajemsia za svaje kaštoŭnaści, siamja pieradusim. Vorahi sprabujuć nas adoleć, ale my nastolki kansalidavanyja, što ŭ ich hetaha nie atrymajecca», — cytuje «Kommiersant» surazmoŭcu.

U ahulnym vyhladzie «ideałahičnaja ramka» kampanii, jak piša «Kommiersant», farmulujecca tak: «Rasija — asobnaja cyvilizacyja, «siamja siemjaŭ», dla jakoj važnyja tradycyjnyja kaštoŭnaści, jaje atakujuć vorahi, ale dziakujučy kansalidacyi hramadstva jany ničoha nie dabjucca». Pra temu vajny padčas kampanii budzie havarycca «roŭna stolki, kolki treba».

Vystava, na jakoj Pucin moža abviaścić pra svajo vyłučeńnie, pravodzicca «ŭ metach demanstracyi najvažniejšych dasiahnieńniaŭ RF u roznych halinach ekanomiki» i «stanoŭčaha vopytu raźvićcia subjektaŭ RF». «Faktyčna heta — dasiahnieńni Uładzimira Pucina», — kaža jašče adzin surazmoŭca, kali tłumačyć kancepcyju vystavy.

Pucin kiravaŭ Rasijaj z 2000 pa 2008 hod, z 2008-ha pa 2012-ty prezidentam byŭ Dźmitryj Miadźviedzieŭ. Pucin kiruje Rasijaj z 2012 hoda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
4
Ого
0
Сумна
0
Абуральна
3
0
mikola/adkazać/
03.10.2023
Dauno baczna -zvar*jaceu....idyiot...
0
Fotohraf/adkazać/
03.10.2023
Foto sdiełano kak caŕ vypołniajet dieła hosudarstviennoj važnosti sidia na fiekalnom čiemodančikie.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930