Znajści
Ałharytmičny łacinski varyjant
03.10.2023 / 10:112RusŁacBieł

U pryharadzie Minska pradajecca niezvyčajny katedž z ułasnym chvajovym lesam

Hety katedž u Kałodziščach cikavy svaim niezvyčajnym vonkavym vyhladam. Vykanany jon u futurystyčnym styli, sa spałučeńniem kreatyŭnych architekturnych rašeńniaŭ i sučasnych materyjałaŭ. Jašče adna detal — z katedža jość vychad prosta da chvajovaha lesu. Realt pakazvaje, jak jon vyhladaje i kolki kaštuje.

Budaŭnictva hetaha enierhaefiektyŭnaha doma zaviaršyłasia sioleta. Jon byŭ uźviedzieny pa indyvidualnym architekturnym dyzajn-prajekcie. Ahulnaja płošča abjekta składaje 308,6 kvadrataŭ.

Usiaho ŭ katedžy šeść pakojaŭ. Jon dvuchuzroŭnievy. Na pieršym paviersie — žyły pakoj z kuchonnym abstalavańniem, kabiniet, harderobnaja, sanvuzieł i terasa. Tut ža jość ułasnaja palilnia z nadvorjezaležnaj aŭtamatykaj. U joj ustanoŭleny hazavy kacioł z bojleram i radyjatary.

Na druhim uzroŭni — piać spalniaŭ, harderobnaja, sanvuzieł i terasa.

Vyšynia stolaŭ — 3,91 mietra. Ścieny zrobleny z sarakasantymietrovych kieramzitabietonnych błokaŭ, ucieplenych minieralnaj vataj i ablicavanych dekaratyŭnaj tynkoŭkaj i klinkieram. Va ŭsim domie — sistema ciopłaj padłohi.

U katedžy stajać panaramnyja enierhaźbierahalnyja škłopakiety z łaminacyjaj. Taksama zroblena padśvietka fasada.

U katedžy praviedzieny ŭsie nieabchodnyja kamunikacyi: jość elektryčnaść, aciapleńnie — hazavaje, vadapravod — centralny, kanalizacyja — miascovaja. Praviedzieny internet, ustanoŭleny sistema «razumny dom», videanazirańnie i videadamafon z addalenym dostupam praz smartfon.

Prysiadzibny ŭčastak płoščaj 25 sotak pakryty hazonam i tratuarnaj plitkaj. Na im ustanoŭlena dekaratyŭnaje aśviatleńnie.

Abjekt raźmieščany na pieršaj bierahavoj linii «Lasnoha voziera», pobač — chvajovy les i Hlebkaŭski bijaśfierny zakaźnik.

Za katedž prosiać 750 000 dołaraŭ. U abjavie paznačana, što mahčymy torh.

Čytajcie taksama:

U Drazdach pradajuć katedž pa šalonaj canie. Što ŭ im?

Z kaminam, piłonam i sa śviatłamuzykaj. U Viciebsku pradajecca ŭnikalny haraž

U «Novaj Baravoj» źjaviacca kvatery płoščaj usiaho 20 «kvadrataŭ». Jakaja cana?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
zatoniepaźniak/adkazać/
03.10.2023
Kab nie žyć u nienavisnaj dyktatury, biełarusy pradajuć samyja lepšaje, što ŭ ich tut było. Adnojčy z chunty i ŭsich jaje pamahatych na karyść takich biełarusaŭ budzie spahnana ŭ 10-kratnym pamiery.
0
Josik/adkazać/
03.10.2023
Haspadar dumaŭ žyć 200 hadoŭ, što taki internat budavaŭ? Ci siamja vialikaja? 5 spalnia, navošta? Viedaju adno, što vielmi ciažka pradać, a prosiać šmat, prajekt pad siabie. Voś kali maryć, što ja Mašanski ci Baskaŭ (Piatrucha, a nie niedabramnik-lizun), nie baču tutaka, za što voka by začapiłasia, nu mo tolki ziamla, na jakim hety hmach ustalavali.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031