Znajści
Ałharytmičny łacinski varyjant
03.10.2023 / 10:483RusŁacBieł

Jak vyhladaje interjer za 100 tysiač dalaraŭ u nievialikaj kvatery ŭ Minsku

Prajekt u nievialikaj kvatery sa svabodnaj płaniroŭkaj u Minsku zrabiła studyja Vae design & architecture. Na 57 kvadratach treba było źmiaścić sanvuzieł, spalniu, abjadnanuju kuchniu-haścioŭniu-stałovuju i — hałoŭnaje pažadańnie klijenta — vialikuju harderobnuju. Dyzajniery stvaryli interjer u asnoŭnym u dvuch adcieńniach, piša Realt. Pahladzicie, jak vyhladaje kvatera z ramontam za 100 tysiač dalaraŭ.

Da dyzajnieraŭ źviarnułasia ŭładalnica kvatery ŭ ŽK «Kamfort Park». Jana chacieła zrabić na płoščy ŭ 57,38 m² niekalki pakojaŭ, prastornuju harderobnuju i sanvuzieł z haspadarčaj častkaj u vyhladzie šafy, dzie buduć stajać pralnaja i sušylnaja mašyny, a taksama bojler.

Źjadać i biez taho nievialikuju prastoru vialikaj kolkaściu ścien nie chaciełasia, tamu dyzajniery vyrašyli pytańnie zanavańnia z dapamohaj šklanych kanstrukcyj.

— Važnaj zadačaj prajekta było zrabić śvietłaj asnoŭnuju zonu. Pry hetym spalniu i harderobnuju my prapanavali zrabić u ciomnych tonach. Užo ŭvasoblenaja ŭ prajekt ideja vielmi spadabałasia zamoŭcy, — dzielicca kiraŭnik dyzajn-studyi Jaŭhien Varkovič. — Jašče adzin važny elemient u interjery źjaviŭsia na zapyt klijentki. Jana chacieła, kab u kvatery była lapnina, jakaja padkreślivała b jaje status. Tak atrymaŭsia sučasny interjer z kłasičnymi notkami ŭ vyhladzie naściennych mołdynhaŭ, stolevych razietak i kłasičnych karnizaŭ.

Biudžet prajekta skłaŭ kala 100 tysiač dalaraŭ. U košt uvachodzić poŭnaja realizacyja interjeru: materyjały, praca budaŭnikoŭ, tekstyl, bytavaja technika, mebla i inšaje.

Kuchnia-haścioŭnia (26,68 m²)

Pakolki ŭ kvatery ŭsiaho tolki try akny, varyjantaŭ płanirovak było niašmat. Dyzajniery vyłučyli dva akny pad asnoŭnuju zonu i jašče adno — pad spalniu.

— Haścioŭnia stała miescam, dzie možna raźmiaścić haściej abo pasiadzieć na kamfortnaj kanapie la televizara. U abiedziennuju zonu my pastavili rassoŭny stoł, i, pakolki ŭ haspadyni šmat pryhožych kuflaŭ i vazačak, prapanavali varyjant šklanoj vitryny.

Kuchnia ŭ prajekcie dastatkova kampaktnaja. Ale dla adnaho-dvuch čałaviek u joj chapaje miesca.

Piaredni pakoj (5 m²)

Piaredni pakoj, jaki płaŭna pierachodzić u haścioŭniu, taksama zrabili śvietłym. Tut dyzajniery raźmiaścili šafu dla vierchniaha adzieńnia, pastavili nievialikuju łavu i vialikaje lusterka.

Spalnia (11,67 m²)

Šklanyja kanstrukcyi adharodžvajuć asnoŭnuju zonu ad spalni. Było vykarystana škło z taniroŭkaj antracytavaha koleru.

— Kali znachodzišsia ŭ ahulnym pakoi, nie vidać, što adbyvajecca ŭ spalni. Frahmient ściany dapamahaje zachavać pryvatnaść.

Spalnia vykanana ŭ ciomnych tonach nie prosta tak. Pa słovach Jaŭhiena, u pryhłušanych adcieńniach značna pryjemniej zasypać. Akramia łožka ŭ pakoi jość tualetny stolik i televizar. Dla taho kab spalnia, harderobnaja i łodžyja nie vyhladali asobnymi zonami, zrabili ich u adnym kolery.

Harderobnaja (4,73 m²)

Harderobnaja była zroblena maksimalna vialikaj, i ŭ joj zachavali minimalna dapuščalnyja i kamfortnyja pry pieramiaščeńni prachody. Kali śviatło ŭ harderobnaj vyklučana, to bačnyja tolki nievialikija siłuety adzieńnia.

Sanvuzieł (6,37 m²)

Pamiaškańnie sanvuzła ŭ prajekcie nievialikaje. Hałoŭnym zapytam zamoŭcy było arhanizavać prastoru tak, kab zadziejničać kožny santymietr z karyściu. Było pryniataje rašeńnie pastavić duš zamiest vanny. Za košt hetaha źjaviłasia mahčymaść raźmiaścić šafu, u jakoj schavali pralnuju i sušylnuju mašyny, bojler, kanalny kandycyjanier. Taksama ŭ zašyŭcy instalacyj raźmiaścili sistemu dla zachoŭvańnia patrebnych rečaŭ.

Čytajcie taksama:

U Drazdach pradajuć katedž pa šalonaj canie. Što ŭ im?

Samuju darahuju kvateru ŭ žniŭni pradali ŭ domie Čyža. Voś jak jana vyhladaje

Biełarus zdavaŭ u arendu nieruchomaść, ale padatkovaja znajšła parušeńni. Štraf taki, što nie kožnaja majomaść akupić

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Satan/adkazać/
03.10.2023
Lepnina... jopt.... status... Lepnina eto ž vaŝie treš, zaškvar kakoj-to.
0
Ram/adkazać/
03.10.2023
Dizajniery osvoili tiechniku sozdanija "žurnalnych" intieŕjerov i stali doiť obieśpiečiennych buratin, nie imiejuŝich poniatija o sootnošienii cieny i kačiestva, a takžie o sostavlaŝich komfortnoho proživanija v kvartirie.
1
Josik/adkazać/
03.10.2023
Što b nie kazali, ale kuchnia-haścioŭnia-stałovaja budzie zaŭsiody mieć vodar katlet, ryby ci šče jakich straŭ.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031