Biełarus z rekordam vyjhraŭ marafonski zapłyŭ u samym hłybokim kańjonie Jeŭropy
Asablivaść hetaha zapłyvu ŭ tym, što na praciahu 20 kiłamietraŭ płyŭcam davodzicca płyć suprać ciačeńnia raki, i heta vielmi ciažka.
Leanid Karabiejnikaŭ. Fota z fejsbuka
Biełaruski płyviec Leanid Karabiejnikaŭ staŭ pieramožcam marafonskaha zapłyvu SulakRace ŭ Sułakskim kańjonie ŭ Dahiestanie, jaki źjaŭlajecca samym hłybokim u Jeŭropie, piša BiełTA.
Spartsmien z Oršy prapłyŭ dystancyju praciahłaściu 27 km za 7 hadzin 1 chvilinu i 28 siekund — heta rekord zapłyvu, jaki ładziŭsia ŭžo piaty raz. Asablivaść hetaha ciažkaha zapłyvu ŭ tym, što na praciahu 20 km płyŭcam davodzicca płyć suprać płyni raki, i heta vielmi składana.
Na dystancyi 11,5 km druhim finišavaŭ minčuk Alaksandr Makovič, jaki pakazaŭ vynik 2 hadziny 46 chvilin i 50 siekund. Hod tamu jon byŭ pieramožcam na hetaj dystancyi. Hetym razam pieršynstvavaŭ Arturas Kantaŭskas z Sankt-Pieciarburha. Jašče adzin biełaruski spartsmien Dzianis Bynda ź Minska zaniaŭ treciaje miesca na dystancyi 3,6 km (vynik — 1 hadzina 6 chvilin 56 siekund). Pieramoh tut Siarhiej Kałyčaŭ z Samary.
Sułakski kańjon. Fota: Wikimedia Commons
SulakRace uvachodzić u marafonskuju sieryju Grand Swim Series razam z zapłyvami na Bajkale (35 km), Isyk-Kuli (45 km), Bałchašy (38 km), u Bałtyjskim mory niedaloka ad Kuršskaj kasy (35 km) i inšymi.
Hłybinia Sułakskaha kańjona dasiahaje 1920 m, heta na 63 m hłybiej za Hrand-Kańjon u ZŠA i voziera Bajkał, maksimalnaja hłybinia jakoha 1642 m.
