Ministr Kubrakoŭ palacieŭ u Emiraty
U paniadziełak ministr unutranych spraŭ Ivan Kubrakoŭ sustreŭsia z namieśnikam premjer-ministra — ministram unutranych spraŭ AAE šejcham Saifam bien Zaidam Al Nachajanam.
Fota: MUS
Kiraŭniki viedamstvaŭ dźviuch krain padpisali pahadnieńnie ab supracoŭnictvie ŭ halinie biaśpieki i procidziejańnia teraryzmu i miemarandum ab uzajemarazumieńni pa pytańni ŭzajemnaha pryznańnia i abmienu paśviedčańniaŭ kiroŭcy. Baki taksama damovilisia ab partniorstvie pa inšych aktualnych napramkach pravaachoŭnaj dziejnaści, cikavych dla Biełarusi i AAE, paviedamlaje pres-słužba MUS.
Kubrakoŭ zaŭvažyŭ, što zamiežnaja palityka, jakaja pravodzicca aficyjnym Minskam, tradycyjna aryjentujecca na ciesnaje kanstruktyŭnaje supracoŭnictva z krainami Blizkaha Uschodu.
«Mnohija padychody Abjadnanych Arabskich Emirataŭ da vyrašeńnia mižnarodnych prablem suhučnyja našamu bačańniu, — padkreśliŭ ministr. — Krainy majuć nievyčerpny patencyjał dla raźvićcia ŭzajemadziejańnia pa ŭsich aktualnych pytańniach, u tym liku ŭ vyrašeńni zadač biaśpieki i pravaparadku.
Pavodle słoŭ kiraŭnika biełaruskaha MUS, hety vizit jość vydatnaj mahčymaściu paznajomicca z dośviedam emirackaha boku ŭ procidziejańni złačynnaści i pieraniać najlepšyja inicyjatyvy. Jon akcentavaŭ uvahu, što ŭ AAE zachoŭvajecca vielmi nizki ŭzrovień złačynnaści, niahledziačy na značny prytok emihrantaŭ i raznastajnaść nacyjanalna-etničnaha składu nasielnictva.
