Na Mahiloŭščynie 11-hadovy chłopčyk pakaštavaŭ kaŭstyčnuju sodu, a 4-hadovy — srodak ad hryzunoŭ
U abodvuch vypadkach dziaciej, dziakuj bohu, udałosia vyratavać.
Fota: Dziaržaŭny kamitet sudovych ekśpiertyz
U pačatku vieraśnia ŭ piedyjatryčnaje adździaleńnie Słaŭharadskaj balnicy trapiŭ 11-hadovy chłopčyk z dyjahnazam «chimičny apiok ślizistaj abałonki rota», paviedamlaje Dziaržaŭny kamitet sudovych ekśpiertyz.
Vyśvietliłasia, što dzicia, kali pryjšło sa škoły, było adno doma i pačuła niejki huk — nibyta z haspadarčaj pabudovy. Chłopčyk pajšoŭ pravieryć. Jon zalez unutr — tam uvahu pryciahnuła płastykavaje viadro, jakoje jon adkryŭ i ŭbačyŭ biełaje rečyva.
Padumaŭšy, što heta cukar, chłopčyk uziaŭ jaho na palec i liznuŭ — adrazu adčuŭ haračyniu ŭ rocie i vyplunuŭ, potym pramyŭ rot vadoj. Praź niekatory čas baćki advieźli jaho ŭ balnicu, dzie školniku akazali miedycynskuju dapamohu i praź niekalki dzion vypisali.
Rečyva, jakoje dzicia pryniało za cukar, było jedkaj ščołačču — hidraksidam natryju (kaŭstyčnaja soda). Baćka rastłumačyŭ, što zachoŭvaŭ kaŭstyčnuju sodu dla apracoŭki invientaru i vullaŭ.
Takaja soda adnosicca da vysokaniebiaśpiečnych pa stupieni ŭździejańnia na arhanizm rečyvaŭ. Pry traplańni na skuru, u vočy, lohkija, straŭnikava-kišečny trakt vyklikaje chimičnyja apioki, a śmiarotnaj dozaj pryjomu ŭnutr ličacca 10-20 h.
Druhi vypadak adbyŭsia z 4-hadovym małym.
Chłopčyk byŭ z mamaj u haściach u babuli i dziaduli, znajšoŭ pad šafaj upakoŭku sa srodkam suprać hryzunoŭ i pakaštavaŭ adnu tabletku, pryniaŭšy jaje za cukierku.
Chutkaja reakcyja darosłych i špitalizacyja dapamahli paźbiehnuć prablemaŭ.
Čytajcie taksama:
U Kamianieckim rajonie chłopčyk upaŭ pad motakultyvatar, jaki pracavaŭ
U Biarozaŭskim rajonie piensijanierka atruciłasia apieńkami. Jak tak stałasia?
11 hadoŭ bachuru? A pavodziny jak na 4