Znajomaja Vitolda Ašurka zrabiła tatuiroŭku ŭ jaho honar
Tatuiroŭkaj na svajoj ruce žurnalistka i siabra rady ruchu «Za svabodu» Volha Bykoŭskaja ŭviekaviečyła pamiać jaje zahinułaha ŭ kałonii siabra, palitviaźnia Vitolda Ašurka, piša radyjo «Racyja».
Volha Bykoŭskaja. Fota: radyjo «Racyja»
— Heta ja zrabiła amal adrazu paśla śmierci Vitolda. Pabačyła malunak u internecie. Jen padaŭsia tym, što vielmi pasuje, bo tam byŭ Vitold u vobrazie hładyjatara ź simvałami vyšyvanki, miačom i bieł-čyrvona-biełym ściaham. Davoli chutka znajšła aŭtara malunka. I hety aŭtar mnie jaho i nabiŭ. Dla mianie heta było vielmi važna. Faktyčna za adzin dzień my hetuju vializnuju tatuiroŭku nabivali. Było realna baluča, — skazała Volha.
Vitold Ašurak byŭ asudžany na piać hadoŭ kałonii. 21 maja 2021 hoda jon pamior pry zahadkavych abstavinach u kałonii pad Škłovam. Jaho śmierć stała šokam dla hramadskaści.
Zatoje Maksim Fiłataŭ, jaki asudziŭ jaho, pryznačany sudździoj Viarchoŭnaha suda.
Čytajcie taksama:
Sudździu, jaki asudziŭ Ašurka i Aŭtuchoviča, pryznačyli ŭ Viarchoŭny sud
Los Vitolda Ašurka prymiaraŭ na siabie kožny, abo Jak vyžyć u kałonii
Byłaja doktarka z kałonii, dzie zahubili Vitolda Ašurka, pajšła na pavyšeńnie
Kolki palitviaźniaŭ pamierła ci źviało rachunki z žyćciom praź nievynosnyja ŭmovy za kratami
