Nobieleŭskaja łaŭreatka, ubačyŭšy siońnia telefanavańnie ź nieznajomaha zamiežnaha numara, nie stała pierapyniać lekcyju i zdymać słuchaŭku

An ŁJUie. Fota: mfa.org

Łaŭreatami Nobieleŭskaj premii pa fizicy 2023 hoda stali Pjer Ahaścini, Fierenc Kraŭz i An ŁJUie. Najvyšejšuju ŭznaharodu navukovaha śvietu jany atrymali za ekśpierymientalnuju raspracoŭku technałohii zvyškarotkich łaziernych impulsaŭ, jakaja dazvalaje zazirnuć ŭnutr atama, piša Bi-bi-si.

Siabry Nobieleŭskaha kamiteta rastłumačyli, što ŭ 2001 hodzie navaśpiečanyja łaŭreaty niezaležna adno ad adnaho praviali paśpiachovyja ekśpierymienty, jakija faktyčna zakłali asnovu novaha navukovaha napramku — atasiekundnaj fiziki.

Atasiekunda — adna tryljonnaja dola siekundy. U takich mikra-mikravieličyniach davodzicca vymiarać pracesy, jakija adbyvajucca z materyjaj na ŭzroŭni atamaŭ i elektronaŭ.

Pryčym, ubačyŭšy zvanok ź nieznajomaha zamiežnaha numara, An ŁJUie nie stała pierapyniać lekcyju i zdymać słuchaŭku. Heta telefanavaŭ Nobieleŭski kamitet.

Z 1901 hoda Nobieleŭskuju premiju ŭ halinie fiziki prysudžali 116 razoŭ, jaje łaŭreatami stali 222 čałavieki.

Letaś Nobieleŭskuju premiju pa fizicy padzialili francuz Alen Aśpiet, amierykaniec Džon Kłaŭzier i aŭstryjec Anton Cajlinhier — jaje prysudzili za daśledavańni ŭ halinie kvantavaj miechaniki, jakija ekśpierymientalna dakazali, što navat vialiki Ejnštejn moža pamylacca.

Heta druhaja Nobieleŭskaja premija, uručanaja sioleta. Napiaredadni Katalin Karyko ź Vienhryi i Dru Vajsman z ZŠA atrymali premii ŭ halinie miedycyny i fizijałohii — za adkryćci, jakija dazvolili raspracavać novy typ vakcyn na asnovie RNK.

U sieradu nazavuć nobieleŭskaha łaŭreata pa chimii, a ŭ čaćvier (14:00) — pa litaratury.

Čytajcie taksama:

Nazvanyja pieršyja łaŭreaty nobieleŭskaj premii

Nobieleŭskuju premiju pa fizicy raździelać try čałavieki

Nobieleŭskaja premija miru i pa litaratury: na kaho staviać bukmiekiery

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH