U Łatvii pamior biełaruski čyhunačnik
Uviečary 1 kastryčnika 2023 hoda ŭ 19:00 u pakoi doma adpačynku łakamatyŭnych bryhad depo Daŭhaŭpiłs DAT «Łatvijskaja čyhunka» (Latvijas dzelzceļš) u nieprytomnym stanie byŭ znojdzieny 43-hadovy pamočnik mašynista ciepłavoza łakamatyŭnaha depo Połack (TČ-17) Biełaruskaj čyhunki Andrej Jeramiejeŭ, paviedamlaje belzhd.site.
Vyklikanyja ŭ pakoj miedycynskija rabotniki praviali šerah reanimacyjnych dziejańniaŭ, ale heta nie dało vyniku.
Urešcie była kanstatavanaja śmierć Andreja Jeramiejeva, mierkavanaj pryčynaj jakoj stała vostraja sardečnaja niedastatkovaść.
Čyhunačnik znachodziŭsia ŭ pakoi na adpačynku paśla pajezdki z hruzavym ciahnikom pa maršrucie Połack — Daŭhaŭpiłs.
Belzhd.site nahadvaje, što heta nie pieršy za apošni čas vypadak śmierci faktyčna na pracoŭnym miescy rabotnikaŭ, ad jakich niepasredna zaležyć biaśpiečnaja i bieśpierabojnaja ekspłuatacyja čyhunačnaha transpartu.
Paŭtara miesiaca tamu prosta na pracoŭnym miescy pa anałahičnaj pryčynie ŭ pracesie viadzieńnia ciahnika pamior mašynist matorvahonnaha depo Minsk.
Čytajcie taksama:
10 hadoŭ «Štadleru»: raboty niama, a inžynieraŭ vyvoziać u Jeŭropu i Kazachstan
