Znajści
Ałharytmičny łacinski varyjant
04.10.2023 / 07:326RusŁacBieł

Pałata pradstaŭnikoŭ ZŠA ŭpieršyniu adpraviła śpikiera ŭ adstaŭku

Pałata pradstaŭnikoŭ ZŠA ŭ aŭtorak prahałasavała za adchileńnie śpikiera Kievina Makarci ad zajmanaj pasady. Za inicyjatyvu vykazalisia 216 kanhresmienaŭ, 210 — vystupili suprać, piša «Radyjo Svaboda».

Kievin Makarci. Fota: J. Scott Applewhite / AP

Pastanova pryniataja na fonie sprečak pamiž kalehami Makarci ŭ Respublikanskaj partyi, jakuju jon taksama pradstaŭlaje. Sprečki pryviali da dalejšaha chaosu ŭ Kanhresie ŭsiaho praź niekalki dzion paśla taho, jak parłamientu ledź udałosia ŭzhadnić časovy biudžet i praduchilić spynieńnie pracy fiederalnaha ŭrada.

Hałasavańnie 3 kastryčnika adznačyła pieršy vypadak u historyi Złučanych Štataŭ, kali Pałata pradstaŭnikoŭ adchiliła svajho lidara ź inicyjatyvy adnosna nievialikaj hrupy pravych respublikancaŭ pad kiraŭnictvam kanhresmiena Meta Hietca ad štata Fłaryda. Jon abvinavaciŭ lidara bolšaści ŭ pałacie ŭ tym, što toj nie raspačaŭ dastatkovych namahańniaŭ dla skaračeńnia fiederalnych vydatkaŭ.

Padčas debataŭ pierad hałasavańniem pa rezalucyi Hietc i niekalki jaho sajuźnikaŭ raskrytykavali Makarci za toje, što jon spadziavaŭsia na demakrataŭ pry pryniaćci zakonaprajekta pa časovym finansavańni.

«Nam patrebny śpikier, jaki budzie zmahacca za niešta — za što zaŭhodna — akramia taho, kab zastavacca śpikieram», — skazaŭ pradstaŭnik respublikancaŭ Bob Hud.

Prychilniki Makarci, u tym liku i niekatoryja z tych, kaho adnosiać da kansiervatyŭnaha kryła, nastojvali, što śpikier paśpiachova abmiežavaŭ vydatki i prasoŭvaŭ inšyja važnyja dla partyi pryjarytety. Hetyja dasiahnieńni mohuć apynucca pad pahrozaj, papiaredžvali abaroncy Makarci.

Časovym śpikieram Pałaty pradstaŭnikoŭ ZŠA abrany kanhresmien-respublikaniec ad štata Paŭnočnaja Karalina Patryk Makhienry, najbližejšy paplečnik adchilenaha śpikiera, paviedamlaje CNN. Jaho pryznačeńnie na pasadu časovaha śpikiera było padtrymana pradstaŭnikami abiedźviuch partyj u Kanhresie ZŠA. Kandydatura Makhienry była prapanavanaja Kievinam Makarci.

Čytajcie taksama:

Tramp pajechaŭ u pali i raśpisaŭsia na kambajnie

Sud pryznaŭ Trampa vinavatym u machlarstvie

Šturm Kapitolija: lidar Proud Boys asudžany na 22 hady turmy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
4
Ха-ха
2
Ого
2
Сумна
0
Абуральна
2
3
Je Ch-P/adkazać/
04.10.2023
Eto tolko piervyje trievožnyje zvonočki. Vnutri riespublikanskoj partii SŠA javno budiet protivostojanije. Pri etom Donald Tramp poddieržał MakKarti. Kak by povod zadumaťsia.
0
Zihmund niefriejd /adkazać/
04.10.2023
daviedka, i sdiełał intimnuju strižku
0
daviedka/adkazać/
05.10.2023
Nie chotieł pieried dorohimi hostiami upasť v hriaź broviami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031