Znajści
Ałharytmičny łacinski varyjant
04.10.2023 / 18:075RusŁacBieł

Biełarus pamienšyŭ sabie straŭnik, kab skinuć vahu, i ledź nie pamior

Kali sproby skinuć vahu skančajucca niaŭdačaj i dadatkova nabranymi kiłahramami, niekatoryja zadumvajucca pra bolš radykalny sposab — baryjatryju, to-bok apieracyju pa źmianšeńni straŭnika. Ale mahčymaści takoj chirurhii nie biaźmiežnyja, kali čałaviek nie moža źmianić svoj ład žyćcia. Historyja 35-hadovaha Rusłana (imia źmieniena) jarki tamu prykład: jon ledź nie pamior paśla ŭstanoŭki kalca na straŭnik, ale nie z-za samoj apieracyi, a z-za svajho «kasiaka». Mužčyna raskazaŭ svaju historyju vydańniu Tochka.by.

Fota: Anna Shvets / Pexels.com

Važyŭ 140 kiłahramaŭ

U Rusłana prablemy sa ščytapadobnaj załozaj, adsiul i lišniaja vaha. Ale chłopiec ščyra pryznajecca: pajeści jon taksama lubić. I raniej heta dachodziła da krajnaściaŭ.

«U mianie babula — kucharka, jana lubić hatavać, a ja lublu pajeści. Usio skłałasia. I na momant pastupleńnia va ŭniviersitet ja ŭžo važyŭ centnier. Viadoma, mnie vypisvali i harmony, i rekamiendavali schudnieć, ale ŭsio było nijak. Straŭnik raźbiŭsia», — kaža Rusłan.

Padčas hutarki chłopiec niekalki razoŭ padkreślivaje: heta ciapier jon usio razumieje i ćviaroza aceńvaje svoj ład žyćcia i charčovyja zvyčki. Ale tady ŭsie sproby schudnieć samastojna zakančvalisia pravałam (u tym liku i emacyjnym, što znoŭ viało da pierajadańnia).

«Ja nie moh pajści ŭ trenažorku: takoje adčuvańnie, što tudy tolki i chodziać pryhožyja nakačanyja ludzi, a tut ja sa svaimi 140 kiłahramami. Mnie było soramna i niajomka.

Kupiŭ viełatrenažor. Ale ŭsio było biez tołku, entuzijazm chutka zakančvaŭsia. Ja ŭvieś čas chacieŭ jeści. I pačak pielmieniaŭ z majanezam dla mianie ŭ toj čas byŭ lohkim pierakusam», — uspaminaje Rusłan.

Ale ŭsio ž jon razumieŭ: treba niešta rabić. I apieracyja pa źmianšeńni straŭnika zdavałasia samym prostym sposabam pazbavicca ad nienavisnaj vahi. I hadoŭ ź dziesiać tamu Rusłan advažyŭsia na pachudańnie takim sposabam. Kiłahramy sapraŭdy syšli chutka, ale ŭsio było nie tak lohka.

Apieracyja i novaje žyćcio

«Takuju apieracyju prosta tak nie zrobiać: pavinny być pakazańni i peŭnaja masa cieła. Doktar sa mnoj razmaŭlaŭ, napeŭna, kab zrazumieć, ci nie źviazanyja maje prablemy «z hałavoj». Miesiac ja vioŭ dziońnik charčavańnia, prajšoŭ kuču abśledavańniaŭ», — raspaviadaje Rusłan.

Było try varyjanty apieracyi: reziekcyja straŭnika, ustanoŭka bałona, jaki pakidaje ŭ straŭniku mienš miesca, i bandaž — jon dzielić straŭnik na dźvie častki, i ŭ čałavieka chutčej źjaŭlajecca pačućcio sytaści.

Rusłan abraŭ apošni mietad: bałon byŭ časovym rašeńniem, pamianšeńnie straŭnika — zanadta radykalnaja miera, a bandaž chaciełasia «na pastajanna», kab nazaŭždy zastavacca chudym i strojnym. Nazaŭždy nie atrymałasia. Ale pra ŭsio pa paradku.

«Apieracyja była pałasnaja, mnie čamuści nielha było pravieści jaje łaparaskapična, ź minimalnymi razrezami. Ale ja prosta staŭlusia da takich umiašańniaŭ, tamu nie bajaŭsia. Viedaŭ, što pračnusia — i ŭ mianie pačniecca novaje žyćcio», — kaža Rusłan.

Apieracyja prajšła dobra. Kala dvuch tydniaŭ u balnicy, dalej — strohija abmiežavańni pa charčavańni: maleńkija drobnyja porcyi, nijakich škodnych praduktaŭ, dyjetyčnaje mieniu z paravymi katletkami. Daktary papiaredzili: jeści fastfud i inšuju niekarysnuju ježu niebiaśpiečna.

Parušyŭ usie rekamiendacyi lekaraŭ

Spačatku ŭsio išło dobra: niekalki miesiacaŭ Rusłan adkazna vykonvaŭ usie pradpisańni lekaraŭ, sačyŭ za charčavańniem. Vaha sychodziła na vačach — radasna. Ale potym zachaciełasia «paekśpierymientavać».

«Nu lublu ja pajeści, tak. Heta maja prablema. Raz źjeŭ kavałačak picy, pasprabavaŭ hamburhier — niby narmalna ŭsio. Na druhi raz — niešta nie toje, ale ŭmierana. I ja niejak niezaŭvažna viarnuŭsia da taho, z čym zmahaŭsia ŭsio žyćcio: znoŭ jeŭ smačnuju ježu», — uspaminaje Rusłan.

Fota: marker_photography / Pixabay.com

Spraŭdziłasia toje, pra što papiaredžvali lekary: z-za kalca-bandaža straŭnik prosta zabiŭsia.

«Ja nie moh jeści, nie moh pić — młosnaść žudasnaja, usio lezła nazad, ledź nie padaŭ u hałodnyja vobmaraki, pačalisia halucynacyi. U takim stanie ja pravioŭ amal miesiac.

Dumaŭ, samo projdzie, dy i soramna było, kali ščyra. Bo vydatna razumieŭ, praz što heta ŭsio. Viadoma, ciahnuć było nielha. U vyniku ja znoŭ trapiŭ u balnicu da taho ž doktara: hety «zasor» mnie pračyścili», — raspaviadaje chłopiec.

Spałoch paśla balnicy byŭ niadoŭhim: nieŭzabavie Rusłan znoŭ pačaŭ padjadać škodnuju ježu. Jak vynik — straŭnik znoŭ zabiŭsia.

«U vyniku bandaž pryjšłosia źniać — znoŭ pałasnaja apieracyja. Doktar skazaŭ, što ja trapiŭ u tyja 10-15% ludziej, jakija potym viartajucca, kab usio viarnuć jak było. Heta całkam moj «kasiak», viedaju. Nie zmoh», — kaža Rusłan.

Jon sapraŭdy schudnieŭ — sa 140 kiłahramaŭ da 75-80. Asabliva šmat skinuŭ u apošnija miesiacy, kali pačalisia prablemy. Zrabiŭ jašče adnu apieracyju — pa vydaleńni lišniaj skury.

Novaja vaha chłopcu padabajecca.

«Ja pajšoŭ u trenažorku, staŭ nabirać masu. Ale razam ź ciahlicami nabiraŭsia jašče i tłušč. Potym da kučy jašče i «zabiŭ» na treniroŭki.

Ciapier maja vaha — u rajonie sotki. Ja ŭsio jašče niezadavoleny svaim ciełam, ale ciapier chudnieju sam i bieź niejkaha pastajannaha cisku i samajedstva, akuratna», — dadaje Rusłan.

Jon padkreślivaje, što razumieje ŭsie svaje «kasiaki» i prablemy, nie šukaje sabie apraŭdańniaŭ, bo za apošnija hady biez bandaža vyvučyŭ i temu pravilnaha charčavańnia, i sportu. Zajmajecca samastojna doma, šmat chodzić pieššu, sočyć za tym, što jeści (ale nie chavaje, što zdarajucca dni, kali moža kupić niešta «hetkaje»).

«Nie treba dumać, što baryjatryja vyrašyć vašyja prablemy. U mnohich za atłuścieńniem kryjecca kuča psichałahičnych prablem, pracavać nad jakimi treba ŭ pieršuju čarhu. Treba mianiać ład žyćcia, a nie spadziavacca na cud», — reziumuje surazmoŭca.

Čytajcie taksama:

Bolš za pałovu infarktaŭ i insultaŭ možna praduchilić — navukoŭcy

Helicobacter pylori — niebiaśpiečnaja bakteryja. Jakija simptomy chvarob, jakija jana vyklikaje

Trend na vydaleńnie tłušču sa ščok zachoplivaje sacyjalnyja sietki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
mikola/adkazać/
04.10.2023
ACDC, / ni use idyioty....sustrakaiuca narmalnyja.....na vjaliki zal-takih ni smat..../ Var*jacka Kraina !
0
chmyk/adkazać/
04.10.2023
ACDC, łukašenku jon tak nie nazyvaje ) 
0
mikola/adkazać/
05.10.2023
chmyk, / jak ni nazyvaiu ? *Ion* Persy Idyiot....
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera