Znajści
Ałharytmičny łacinski varyjant
05.11.2023 / 14:59RusŁacBieł

Załužny paśmiarotna ŭznaharodziŭ biełaruskaha dobraachvotnika

Hałoŭnakamandujučy Ukrainskimi ŭzbrojenymi siłami paśmiarotna ŭznaharodziŭ Źmitra Rubašeŭskaha «Chriestom chorobrich».

Fota z fejsbuka Alaksieja Franckieviča

«Siońnia [u subotu — NN] małaja dačka biełaruskaha hieroja, Źmitra Rubašeŭskaha z pazyŭnym Hans, jaki addaŭ svajo žyćcio va Ukrainie za našu z vami svabodu, atrymała ad hałoŭnakamandujučaha Uzbrojenych sił Ukrainy Załužnaha, uznaharodu baćki «Chriest chorobrich» paśmiarotna. Słava Hieroju!», — napisaŭ u svaim fejsbuku kiraŭnik fondu «Vilna Biełaruś» Alaksiej Franckievič.

Źmicier Rubašeŭski. Fota: Radyjo Svaboda

30-hadovy Źmicier «Hans» Rubašeŭski zahinuŭ 12 krasavika 2022 hoda padčas bajoŭ u Łuhanskaj vobłaści. Byŭ u składzie rotnaj taktyčnaj hrupy, jakaja rabiła vyłazki ŭ tył praciŭnika. Pierad śmierciu «Hans» źniščyŭ kamandzira rasijskaj hrupy.

Rubašeŭski rodam ź Bieraścia. Vučyŭsia ŭ budaŭničym vučyliščy. Vajavaŭ z 2015 hoda. Pryjechaŭ u Lvoŭ na futbolny matč zbornych Biełarusi i Ukrainy, tak i zastaŭsia.

Vajavaŭ u šerahach «Pravaha siektara». Za abaronu šachty Butaŭka mieŭ hramadskuju ŭznaharodu «Narodny hieroj Ukrainy». Rubašeŭski mieŭ niekalki ranieńniaŭ. U 2019 hodzie ŭ bajach straciŭ voka. Paśla ranieńnia jaho dahladała siastra zahinułaha pabracima. U chutkim časie jany pabralisia šlubam, naradzili dačku.

U pačatku vieraśnia hetaha hoda Uładzimir Zialenski ŭznaharodziŭ jaho ordenam «Za mužnaść» III stupieni.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
1
Ха-ха
0
Ого
1
Сумна
22
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031