Znajści
Ałharytmičny łacinski varyjant
07.11.2023 / 16:431RusŁacBieł

U vydaviectvie «Skaryna» vyjdzie zbornik da 140-hodździa Vacłava Łastoŭskaha

Da 140-hodździa Vacłava Łastoŭskaha, jaki naradziŭsia 8 listapada 1883 hoda, łondanskaje vydaviectva «Skaryna» padrychtavała zbornik «Movaznaŭčyja pracy» hetaha vybitnoha navukoŭca, litaratara i dziaržaŭnaha dziejača. Knihu ŭkłaŭ palitołah i sacyjalinhvist Uładzisłaŭ Harbacki (Vilnia), a paślasłoŭje napisała prafiesarka Nina Barščeŭskaja (Varšava), piša «Novy čas».

Movaznaŭčaja spadčyna Vacłava Łastoŭskaha ŭvasablaje bahaty, raznastajny i dasiul aktualny materyjał, jaki achoplivaje roznyja śfiery: historyju movy, leksikahrafiju, fanietyku, anamastyku, leksikałohiju, sacyjalinhvistyku, dyjalektałohiju, hrafiku. Va ŭsich hetych śfierach Łastoŭski pakinuŭ śmiełyja i navatarskija napracoŭki.

Jon stajaŭ la vytokaŭ biełaruskaj sacyjalinhvistyki, bo ad pieršaha movaznaŭčaha tekstu ŭ 1912 hodzie ŭ jaho tłumačeńniach i padychodach vyrazna čytalisia ekstralinhvistyčnyja čyńniki. Upieršyniu čytačam prapanujecca dosyć poŭny zbor movaznaŭčych tekstaŭ — kala siamidziesiaci artykułaŭ i natatak roznych pamieraŭ, jakija z 1912 pa 1927 hady drukavalisia ŭ pieryjadyčnych vydańniach («Naša Niva», «Kryvič», «Uzvyšša») i kalendarach.

Vacłaŭ Łastoŭski viadomy svajoj słoŭnikatvornaj pracaj. Słoŭniki zajmajuć asobnaje miesca ŭ spadčynie vybitnoha daśledčyka. Aktualizacyja ich spadčyny — asobnaja zadača. Lepiej zrazumieć hety płast dziejnaści Łastoŭskaha dapamohuć sabranyja pad adnoj vokładkaj tearetyčna-praktyčnyja movaznaŭčyja pracy.

Kniha adrasujecca movaznaŭcam, etnohrafam, historykam i ŭsim, chto cikavicca spadčynaj vołata biełaruskaj navuki.

Čytajcie taksama:

Telehram-kanał biblijateki i muzieja imia Franciška Skaryny ŭ Łondanie pryznany «ekstremisckim». Što treba viedać pra lehiendarnuju Skarynaŭku

Ekstremisckimi pryznali telehram-kanał i łahatyp Skarynaŭskaj biblijateki ŭ Łondanie i tyktok Franaka Viačorki

Jak vyhladajuć dziońniki Jazepa Drazdoviča

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
mikola/adkazać/
07.11.2023
Lastouskaga ? Jago z rastraljali ?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera