Biełarus stvaryŭ skulptury dla ałtara biełastockaha kafiedralnaha kaścioła
U kafiedralnym kaściole Biełastoka źjaviŭsia novy nieahatyčny ałtar — kanstrukcyja vyšynioj bolš za 20 mietraŭ mieścić u sabie 15 draŭlanych skulptur, paviedamiła Radio Białystok. Ałtar byŭ vyrableny dvuma cieślarami ź Biełastoka, a skulptury stvaryŭ biełaruski mastak Uładzimir Čykvin, piša Mostmedia.io.
Ałtar kafiedralnaha kaścioła Uniebaŭziaćcia Najśviaciejšaj Panny Maryi ŭ Biełastoku. Krynica: Joanna Szubzda / Radio.bialystok.pl
Uładzimir Čykvin naradziŭsia ŭ Kamianieckim rajonie, užo va ŭzroście 16 hadoŭ zacikaviŭsia raźboj pa drevie. Spačatku Uładzimir pryjazdžaŭ u Polšču, kab pradavać svaje vyraby, a paźniej paznajomiŭsia ź ludźmi, jakija zaprasili mastaka na pracu ŭ kaścioł.
Raniej Uładzimir raspaviadaŭ, što ŭsiaho pry kaściole pracuje kala 20 hadoŭ. Akramia hetaha, Uładzimir zajmaŭsia restaŭracyjaj Pałaca šlubaŭ u pałacava-parkavym kompleksie kniazioŭ Branickich u Biełastoku. Ciapier u mastaka jość ułasnaja majsternia ŭ Biełastoku.
Čytajcie taksama:
Pravasłaŭny ŭ kaściole. Jak raźbiar ź Biełarusi pracuje ŭ katalickim chramie ŭ Polščy
«A ja zusim blizka ad Biełarusi»
U Kafiedralnym kaściole Minska spaviadacca ciapier možna ŭvieś dzień
