Znajści
Ałharytmičny łacinski varyjant
07.11.2023 / 18:393RusŁacBieł

«Tabie da doma 440 kiłamietraŭ». Taksist raspavioŭ pra klijenta z Homiela, jaki nie razumieŭ, jak apynuŭsia ŭ Połacku

Doŭhija vychadnyja dla mnohich stanoviacca nahodaj dobra vypić. Pra adzin z kurjoznych vypadkaŭ raspavioŭ u tyktoku chłopiec, jaki pracuje taksistam u Połacku.

Skrynšot videa ŭ tyktoku

Taksist raskazaŭ, jak adpracavaŭ źmienu ŭ «Jandeks.taksi», na jakuju pryjšłasia noč ź piatnicy na subotu — heta byŭ jakraz pačatak doŭhich listapadaŭskich vychodnych. Chłopiec adznačyŭ, što niećviarozych klijentaŭ było šmat. Tamu kali jon pryjechaŭ pa čarhovym adrasie i pabačyŭ dobra apranutaha maładoha čałavieka, to byŭ vielmi rady — narešcie narmalnaja zamova. Ale radaść była niadoŭhaj: klijent litaralna loh u aŭto, a ŭ sałonie źjaviŭsia ŭstojlivy pach ałkaholu. 

@donerrsf Kto-to popadał v takuju situaciju? #taksi#voditieltaksi#iandieks#passažir#riek#iandiekstaksi#rabotavtaksi#riekomiendacii♬ orihinalnyj zvuk - Danił

— Raptam ja ŭ lusterka baču, što zzadu źziajuć vočy, u jakich niama žyćcia. Klijent kaža: «My ž na Sielmaš jedziem?». Ja adkazvaju: «Zdajecca, nie». «U ciabie adras — Jakuba Kołasa?» — «Tak». — «Nu značyć na Sielmaš» — «Niama tam anijakaha Sielmašu, ab čym ty havoryš uvohule?!»

Klijent ščyra aburyŭsia tym, što taksist pracuje ŭ Homieli, ale ničoha nie viedaje pra horad. Ale byŭ niuans: historyja adbyvałasia zusim u inšym miescy — u Połacku. Heta infarmacyja dapamahła pasažyru raptam stać ćviarozym. Zhadać, jak ža jaho zaniesła tak daloka ad domu, chłopiec nie moh.

Taksist patłumačyŭ:

— Ty ŭ Połacku, tabie da doma 440 kiłamietraŭ, piać z pałovaj hadzin jazdy. Da Homiela 600 rubloŭ — i my tam, niama pytańniaŭ.

Pasažyr vyrašyŭ, što heta zanadta doraha, i taksist advioz jaho na vakzał. Ciapier taksist spadziavajecca, što chłopiec dabraŭsia da domu i ź im usio dobra.

Videa zavirusiłasia ŭ tyktoku — jano sabrała amal 665 tysiač prahladaŭ. Siarod kamientataraŭ znajšlisia i tyja, chto traplaŭ u anałahičnyja situacyi:

«Ja tak adnojčy ŭ Mazyry apynuŭsia. Dobra, što sam ja sa Žłobina», «Ja adnojčy vyjšaŭ z domu za cyharetami ŭ Hrodnie… Praz dvoje sutak u Smalensku pračnuŭsia», «Jon jak ja pahulaŭ: ja z homielskaha Sielmaša ŭ Minsku apynuŭsia».

Pa aficyjnaj statystycy, spažyvańnie ałkaholu na dušu nasielnictva (va ŭzroście 15 hadoŭ i starej) u Biełarusi składaje 10,8 litra. Apošnija hady heta ličba krychu źnižajecca, ale spažyvańnie ałkaholu ŭ krainie ŭsio jašče istotna pieravyšaje rekamiendacyi Suśvietnaj arhanizacyi achovy zdaroŭja (da 8 litraŭ na dušu nasielnictva za hod). Akramia taho, Biełaruś zastajecca ŭ lidarach pa spažyvańni mocnaha ałkaholu — 6 litraŭ na čałavieka.

Čytajcie taksama:

«Jon prosta sini ŭžo». U Viciebsku padčas treš-strymu pamior čałaviek

U Biełarusi zrobiać vakcynu ad ałkahalizmu? Spytali mierkavańnie narkołaha

Pad Stoŭbcami prajšła zakrytaja rejv-viečarynka, jakaja skončyłasia trahiedyjaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
20
Ха-ха
25
Ого
7
Сумна
11
Абуральна
11
07.11.2023
Viasiolyja historyi biela-ruskich liudziej u dzień narodnaha biela-ruskaha sviata
3
rom/adkazać/
07.11.2023
Bieł-bydła… jano internacyjanalnaje! Jak i polskaje jaje i afrykanskaje… ich lepiej usich na dambas adpraulať..
1
Daunbas čakaje/adkazać/
08.11.2023
rom, pryjdziecca pałovu adpravić, bolšuju
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930