Znajści
Ałharytmičny łacinski varyjant
07.11.2023 / 20:303RusŁacBieł

Ci možna zarabić na starych rečach? Pahladzicie, što ŭ internecie pradajecca za šalonyja hrošy

Dzieści ŭ nietrach kładoŭki pylicca videakasieta z multfilmam «Rusałačka»? Pasprabujcie pradać jaje za 18 tysiač dalaraŭ. Myfin.by pahladzieŭ, što sprabujuć zbyć na eBay. Siarod vašaha «druzu» napeŭna znojducca padobnyja rečy, košt jakim — tysiačy dalaraŭ. Voś 10 prykładaŭ, što heta moža być.

Fota nosić ilustracyjny charaktar. Krynica: stylishbag.ru

Multfilmy na videakasietach

Takim čynam, užo zhadanaja «Rusałačka». Videakasieta ŭ płastykavaj ŭpakoŭcy dla VHS-płejera. Vypuščanaja ŭ 1990 hodzie. Była va ŭžyvańni, ale ŭ dobrym stanie.

Cana — 18007 dalaraŭ.

Inšyja łoty ź videakasietami kaštujuć našmat tańniej, ale taksama prystojna. Naprykład, multfilm «101 dałmacin» z 1992 hoda — 5101 dalar. Na hetym fonie za «Karol Leŭ» zusim kryŭdna: pradaviec acaniŭ dźvie kasiety ŭsiaho ŭ niejkija 378 dalaraŭ.

Aŭdyjakasiety

U pryvatnaści, kasieta ź pieśniami hurta Metallica na eBay pradajecca za 4000 dalaraŭ.

Kali nie škada, to možna pasprabavać pradać na placoŭcy tajemna ŭviezienyja ŭ Saviecki Sajuz kasiety papularnych zachodnich hrup. Abo paekśpierymientavać ź miascovymi vykanaŭcami.

Knihi

Prodaž i kupla knih na eBay vielmi papularnyja. Tak, kniha 1881 hoda pra pakutnicki skon impieratara Alaksandra Mikałajeviča na placoŭcy pradajecca za 40 tys. Na samoj knizie paznačnaja cana — 1 srebny rubiel. A vy kažacie — bitkojn! U pravilnuju papieru ŭkładacca treba!

Voś jašče prykłady bolš sučasnych knižnych łotaŭ. Kalekcyjnaje vydańnie 12 tamoŭ Valancina Pikula pradaviec acaniŭ u 2000 dalaraŭ. Stolki ž kaštujuć i 6 tamoŭ «Historyja biełaruskaha mastactva».

Matroški

Hetyja dakładna ŭ kožnaha druhoha znojducca. Čym unikalniejšaje adzieńnie «siamiejstva», tym lepš. Naprykład, cana na 6 matrošak u słavianskich «kaściumach» — amal 3000 dalaraŭ.

Lalki

U jakoj dziaŭčynki ŭ dziacinstvie nie było takoj lalki? Ciapier jana z padbitym vokam i vyviernutaj nahoj zachoŭvajecca nieviadoma dzie. Viadoma, niadobra pradavać siabroŭku dziacinstva, ale za amal dziesiać tysiač čamu b nie?

Kišennyja hulni

«Voŭk łović jajki» pad handlovaj markaj «Elektronika» — heta kopija elektronnaj cacki, što vypuskałasia kampanijaj Nintendo z 1980 pa 1991 hod. Na eBay pakul niama savieckaj varyjacyi cacki, zatoje pradajecca aryhinał z pamyłkaj druku na advarotnym baku hulni. Cana — 3600 funtaŭ sterlinhaŭ (kala 4368 dalaraŭ).

Postar

Jašče adzin prykład inviestycyj u «kaštoŭnuju papieru». Staryja postary zaŭsiody vyklikajuć cikavaść u kalekcyjanieraŭ. Uziać choć by płakat «Słava VŁKSM!» za 2000 dalaraŭ.

Fotakamiera

Nie sakret, što staryja fotakamiery taksama cikaviać kalekcyjanieraŭ pa ŭsim śviecie. Prykład z eBay — niaspraŭny fotaaparat FED-Zorki 1948 hoda z abjektyvam ZK SSSR. Košt — 2600 dalaraŭ.

Majki

Staryja majki z łahatypami znakamitych rok-hurtoŭ, jak akazałasia, taksama kaštujuć niatanna na elektronnaj handlovaj placoŭcy. Dla pafasu ŭ abjavie možna dapisać «Majka z redkim pryntam» i pasprabuj dakažy, što prynt samy zvyčajny.

Voś staraja majka Nirvana. Jaje nie nasiŭ Kurt Kabejn, ale kaštuje futbołka 4126 dalaraŭ. Vyćviłaja majka z Queens abydziecca ŭ 1800 dalaraŭ.

Inšapłanietny hość

I apošniaje: kali da vas u aharod zalacieŭ mietearyt, ličycie pašancavała. Za hram mietearyta prosiać ad 50 da 5000 dalaraŭ. Nibyta Brahinski mietearyt, da prykładu, na eBay pradajecca za 37800 dalaraŭ.

Viadoma, nie fakt, što pradaŭcy na eBay atrymajuć žadanyja hrošy za svaje łoty. Bo košt tavaraŭ vyznačajuć jany sami, a pakupnikoŭ moža i nie znajścisia. Adnak pasprabavać pradać staryja niepatrebnyja rečy na handlovaj placoŭcy za dobryja hrošy moža kožny.

Čytajcie taksama:

U Minsku raspradajuć biblijateku Maksima Łužanina i Jaŭhienii Pflaŭmbaŭm

Kniha XV stahodździa, padarunak na viasielle i aŭtohraf Niła Hiejmana. Padviali vyniki konkursu na samyja bujnyja i cikavyja pryvatnyja biblijateki Biełarusi

Na aŭkcyjonie ŭ Polščy pradali ŭnikalnyja ihralnyja karty z Hrodna. Im amal sto hadoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
10
Ха-ха
14
Ого
12
Сумна
6
Абуральна
9
4
IMIA/adkazać/
07.11.2023
Niejki niedareka panaadčyniaŭ aŭkcyjonaŭ na słabo, a NN pra heta piša. Hetaje śmiećcie i za dalar nie pradajecca, nu a vilhotnyja siabroŭ aŭtara artykuła tak imi i zastanucca.
0
JANKA/adkazać/
07.11.2023
• (PRY)DZIRKA DA ABARANKA • 🍋 Niaŭžo ž absalutniejša niaŭciamna, što hetak peŭnyja pryšpilvajucca?! Takija to katka, sabačku vystaviać ŭ siecivie raz-poraz za «limon», a to čezły limon za tyšču. Ja maŭču ŭžo pra pryłady, suveniry, jakija, hledziačy na ceńnik, byccam ź Miesiacu zvalilisia. 🏢 Voś kahadzie ichni brat zdavaŭ na «Avita» zadrypanuju adnapakaëvuju kvaterku ŭ ekvivaleńcie za 340 tysiačaŭ dalaraŭ — i heta tolki za miesiac! Choć, viadoma, sam poŭny košt takoj biarłohi značna mienšy, chaj tamaka choć naradziŭsia ci daŭ dubu jakiści zorkanuty dziejačoks. Dy što kazać, meta henaha «ryełtara» była nia zdać žytło, a paviesialić dosyć narodu. Što jamu, źziajučami ŭ pieršych radkoch raty kvateraŭ, całkam udałosia. 🫖 Ale, bač, znachodziacca asobki, što takoje ŭsprymajuć usurjoz. Kali što, hetkija nie prapuściać pacikavicca: a dzirki ad abarankaŭ pradajuć śviežyja? I ci praŭda, što kožny pakupnik harbaty atrymaje pa imbryku? I chočacca vieryć, što «harbaty» heny abaviazkova atrymaje!
1
A pačemu by i da/adkazać/
08.11.2023
Pradaju pradziraŭleny łapsierdak z-za Lozna z dalokaha 1994. Doraha
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930