Znajści
Ałharytmičny łacinski varyjant
09.11.2023 / 18:516RusŁacBieł

Iosif Siaredzič sudzicca za viartańnie damiennaha imia i sajta «Narodnaj Voli» 

Były hałoŭny redaktar vydańnia choča, kab sud pryznaŭ niesapraŭdnaj damovu ź ciapierašnim uładalnikam «Narodnaj Voli» — tavarystvam z abmiežavanaj adkaznaściu «Hipier PK», jakim kiruje Mikałaj Zinievič. Jon nibyta i redahuje sajt «NV-online.info».

Tak «Narodnaja Vola» vyhladała ŭ drukavanym vyhladzie. Fota: sacyjalnyja sietki

Pra heta daviedalisia čytačy «Narodnaj Voli», kali cikavilisia, čamu sajt ź listapada nie abnaŭlajecca. Infarmacyju jany paviedamili «Našaj Nivie».

Nahodaj dla sudovaj ciažby najchutčej stała niezadavolenaść Iosifa Siaredziča tym, jak źmianiłasia vydańnie.

Raniej jon raskazvaŭ u intervju žurnalistam, što jaho aburaje, što ciapierašniaja «Narodnaja Vola» adyšła ad pazicyi niezaležnaha miedyja, akramia taho ciapierašni ŭładalnik nie vykanaŭ umovu nie zvalniać žurnalistaŭ, jakija doŭhi čas pisali dla «Narodnaj Voli».

Jak stała viadoma ad čytačoŭ «Narodnaj Voli», Iosif Siaredzič źviarnuŭsia ŭ sud, kab viarnuć sajt i damiennaje imia ŭnitarnamu pradpryjemstvu «Narodnaja Vola». Pazoŭ adchileny, i były hałoŭny redaktar vydańnia čakaje matyvirovačnaj častki sudovaha rašeńnia, kab vyznačycca, što rabić dalej.

Damova ab pieradačy damiennaha imia była vusnaj, a tamu, pavodle farmalnych padstavaŭ, nie moža być zakonnaj. Dźvie jurydyčnyja asoby mielisia zaklučyć aficyjnaje pahadnieńnie, a «Hipier PK» pavinna była pieraličyć na rachunak UP «Narodnaja vola» peŭnuju sumu hrošaj, a hetaha nie było zroblena. Uhoda była bieź finansavych patrabavańniaŭ.

Iosif Siaredzič. Fota: Taćciana Tkačova / Pres-kłub

Damiennaje imia «Narodnaj Voli» było pieradadzienaje «Hipier PK» 1 vieraśnia. 

Užo tydzień sajt nie abnaŭlajecca. Apošnija naviny na im datavanyja 31 kastryčnika.

Na sajcie niama danych ab asobie, jakaja jaho redahuje.

Raniej paviedamlałasia, što na čale sajta staić sam kiraŭnik «Hipier PK» Mikałaj Zinievič. Jon paźbiahaŭ havaryć pra heta, ale nazyvaŭ siabie mieniedžaram internet-prajektaŭ. U miedyjnaj śfiery Zinievič asabliva nikomu nie byŭ viadomy.

Sajt «NV-online.info» (raniejšaj «Narodnaj Voli») tydzień nie abnaŭlajecca. Fota: skryn nv-online.info

Paćvierdzić infarmacyju ab sudzie ŭ samaho Zinieviča nie ŭdałosia. Numar redakcyjnaha telefona, paznačany na sajcie vydańnia, taki ž jak u «Hipier PK» i pracuje ŭ režymie «hałasavoj skrynki».

Pavodle raniejšaha kamientara Siaredziča, ad supracoŭnictva z sajtam «NV-Anłajn», niahledziačy na damoŭlenaść, byli adchilenyja Śviatłana Kalinkina, Maryna Koktyš, Aleś Sivy dy inšyja žurnalisty.

«Heta infarmacyja jak śniežny kamiak na hałavu. Mnie škada žurnalistaŭ. Ja byŭ upeŭnieny, što jany buduć pracavać na adpaviednym uzroŭni, a apynulisia kala raźbitaha karyta. Mnie niezrazumiełyja dziejańni tych, kamu ja biaspłatna pamyłkova pieradaŭ sajt», — pryznavaŭsia tady Iosif Siaredzič i abiacaŭ, što «budziem dziejničać z tym, kab adnavić zakonnaść».

Pradprymalnik Mikałaj Zinievič. Fota: Mikałaj Zinievič / WhatsApp

Iosif Siaredzič kazaŭ taksama, što kiraŭnik «Hipier PK» nie prafiesijny žurnalist. A svoj vybar tłumačyŭ tym, što supracoŭniki «Narodnaj Voli», ź jakimi pracavaŭ na praciahu 28 hadoŭ, praź situacyju ŭ Biełarusi, pabajalisia ŭziać na siabie adkaznaść za dalejšuju dziejnaść sajta i admovilisia.

Sioleta ŭ žniŭni raniejšy sajt «Narodnaj Voli» užo zmaŭkaŭ na 8 dzion, a kali adnaviŭsia, to ad raniejšaj nazvy zastałasia tolki «NV». Źmienienyja byli i rekvizity vydańnia.

Tady ž stała viadoma, što šmathadovy hałoŭny redaktar «Narodnaj voli» Iosif Siaredzič pakidaje pasadu, a novym uładalnikam vydańnia stanovicca firma «Hipier PK».

«Naša Niva» — bastyjon biełaruščyny

PADTRYMAĆ

Hladzicie taksama:

Iosif Siaredzič: Kali b u 1995-m deputaty abaranili «Narodnuju hazietu», moža, pa-inšamu raźvivalisia b padziei 

Zabłakavany dostup da sajta haziety «Narodnaja vola»

Nakład — 700 tysiač biez prymusovaj padpiski. Što stała z hazietami, jakija čytali ŭsie biełarusy 

«U žurnalista pavinny być svaje ludzi ŭ Ministerstvie ekanomiki, ź jakimi jon chodzić na piva». Razmova ź Iosifam Siaredzičam

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
5
Ха-ха
1
Ого
1
Сумна
5
Абуральна
8
0
Čytač/adkazać/
09.11.2023
Dyk zabiary jak addaŭ, niachaj jon pa sudach ciahajecca
0
Josik/adkazać/
09.11.2023
Spadar Siaredzič, u krainie niama sudoŭ, vašaja hazieta patrapiła ŭ ruki łukašystaŭ, nichto vam ničoha nie viernie. Hladzicie, kab u škodzie dziaržavie nie abvinavacili dy hadoŭ 10 nie zaprasili dla vas. Novyja advakaty, byłyja musaŭcy, usio zrobiać, kab vam dali hadoŭ 12.
0
Anatol Starkou/adkazać/
10.11.2023
Jeho nie raźvieli. On sam raźviołsia. Śpiektakl eto vsio. Komiedija po sdačie / pieriedačie Narodnoj Voli nyniešniej vłasti.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031