Znajści
Ałharytmičny łacinski varyjant
08.11.2023 / 18:26RusŁacBieł

Rasijskaha ŭciekača vykrali z Hruzii

Udzielnik rasijskaj ultralevaj i anarchisckaj arhanizacyi «Artpadrychtoŭka» Rafaił Šepieleŭ vyjšaŭ z domu ŭ Tbilisi i źnik. Imavierna, jaho vyvieźli ŭ Rasiju i pasadzili pad aryšt, paviedamili pravaabaroncy z arhanizacyi «Pieršy adździeł».

Rafaił Šepieleŭ

Pavodle źviestak «Pieršaha adździeła», 12 kastryčnika Šepieleŭ vyjšaŭ z domu na vulicy Mtacminda ŭ Tbilisi, paśla čaho źnik. U domie zastalisia jaho rečy.

Paplečniki aktyvista raskazali, što jon nie źbiraŭsia viartacca ŭ Rasiju. Na nastupny dzień paśla źniknieńnia, 13 kastryčnika, Saviecki rajonny sud Uładzikaŭkaza paviedamiŭ na svaim sajcie, što Rafaił Šepieleŭ pryciahnuty da administracyjnaj adkaznaści pavodle artykuła ab «drobnym chulihanstvie».

«Pieršy adździeł» śćviardžaje, što, pa infarmacyi krynicy, Šepieleva źmiaścili pad administracyjny aryšt, a paśla vyzvaleńnia źmiaścili pad vartu ŭ SIZA pa abvinavačvańni ŭ ździajśnieńni złačynstva terarystyčnaj nakiravanaści.

Rafaił Šepieleŭ — uradženiec Jekaciarynburha. U Rasii jaho nieadnarazova zatrymlivali na akcyjach pratestu, u tym liku ŭ padtrymku Alaksieja Navalnaha. U listapadzie 2017 hoda Šepieleva zatrymali ŭ Maskvie ŭ suviazi z akcyjaj prychilnikaŭ «Artpadrychtoŭki». U vieraśni 2021 hoda Šepieleŭ pravioŭ u Jekaciarynburhu pikiet pierad vybarami ŭ Dziarždumu. Jon vyjšaŭ na akcyju z płakatam «Tam, dzie na lačeńnie dziaciej skidvajucca ŭsim miram, prezident pavinien iści nie na vybary, a ŭ Śledčy kamitet».

Šepieleŭ, sa słoŭ jahonych paplečnikaŭ, pierajechaŭ u Hruziju jakraz u vieraśni 2021 hoda.

Jak adznačaje «Pieršy adździeł», heta nie adzinkavy vypadak, kali rasijskija anarchisty źnikajuć z krain, u jakich chavalisia ad pieraśledu, i paśla znachodziacca ŭ rasijskich SIZA.

Praź niekalki dzion paśla źniknieńnia Šepieleva ŭ Hruzii anałahičnaja historyja adbyłasia ŭ inšaj krainie. Aktyvist Leŭ Skarakin, jaki byŭ pryznany palitviaźniem i źjechaŭ z Rasii paśla źmieny miery strymańnia, pierastaŭ vychodzić na suviaź u Kyrhyzstanie. 2 listapada jaho znajšli ŭ maskoŭskim SIZA. Dva tydni jon znachodziŭsia tam biez pracesualnaha statusu i, pa słovach pravaabaroncaŭ, padviarhaŭsia katavańniam.

Čytajcie taksama:

Jany mohuć mianie tolki padšturchnuć rabić našmat lepš, čym ja mahu — błohier BalaganOFF

Chto i navošta atakuje Centr biełaruskaj salidarnaści

«Pravilnyja vykanaŭcy z pravilnym pasyłam». Pierad prezidenckimi vybarami ŭ Rasii ŭ rehijonach projduć kancerty praŭładnych zorak

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
1
Ого
2
Сумна
1
Абуральна
25
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031