Znajści
Ałharytmičny łacinski varyjant
09.11.2023 / 16:062RusŁacBieł

Stała viadoma, čym budzie zajmacca eks-ministr lesu, jakoha pasadzili na siem hadoŭ za chabar, ale nieŭzabavie vypuścili

Vital Drožža, jaki nie adbyŭ u kałonii jašče i pałovy termina za chabarnictva, staŭ kiraŭnikom lesapalaŭničaj haspadarki. Biełaruski rasśledavalnicki centr znajšoŭ hetuju infarmacyju na aficyjnym sajcie Nacyjanalnaha parku «Biełaviežskaja pušča».

Hetu infarmacyju ŭ samoj haspadarcy taksama paćvierdzili «Miedyjazonie».

Vital Drožža, jaki z 5 krasavika 2018 hoda pa 5 maja 2022 hoda zajmaŭ pasadu ministra lasnoj haspadarki, značycca načalnikam adnaho z padraździaleńniaŭ Nacyjanalnaha parku «Biełaviežskaja pušča» — lesapalaŭničaj haspadarki «Vyhanaŭskaje». Pry hetym u krasaviku minułaha hoda čynoŭnika zatrymali, a ŭ studzieni hetaha — sudzili za chabar u asabliva bujnym pamiery. Eks-ministra pryhavaryli da 7 hadoŭ i 6 miesiacaŭ kałonii ŭzmocnienaha režymu i pazbavili prava zajmać kiroŭnyja pasady na 5 hadoŭ.

12 studzienia 2023 hoda dziaržaŭnyja ŚMI pisali, što da Vitala Drožžy prymianili amnistyju — skaracili termin na adzin hod. Akramia taho, jamu zaličyli ŭ termin asnoŭnaha pakarańnia čas, praviedzieny pad vartaj da suda — prykładna 270 ź lišnim dzion. Dzień pad vartaj ličyli jak paŭtara pazbaŭleńnia voli. Heta značyć, heta źmienšyła termin jašče krychu bolš čym na hod. Na momant publikacyi eks-ministru zastałosia b siadzieć jašče kala 4,5 hoda.

Vital Drožža taksama atrymaŭ štraf 2 000 bazavych (74 tys. rubloŭ). Jak paviedamiŭ žurnalistam dziaržabvinavaŭca, asudžany «vypłaciŭ dachod, atrymany złačynnym šlacham».

Śledstva kazała, što čynoŭnik atrymlivaŭ chabar z kastryčnika 2020-ha pa krasavik 2022-ha ad zasnavalnika i dyrektara zamiežnaj kampanii za ŭkazańnie padparadkavanym rabotnikam Minlashasa i lashasaŭ kuplać sušylnyja kompleksy dla suški piłapradukcyi tolki ŭ rasterminoŭku. Na takich umovach ich pradavała tolki zhadanaja vyšej kampanija. Pa śćviardžeńniach śledstva, hrošy byłomu ministru pieradavali trojčy — pa $ 10 tys. Jašče adnu sumu — € 9,2 tys. Drožža atrymać nie paśpieŭ.

14 vieraśnia niezaležnyja ŚMI paviedamili, što były čynoŭnik moh vyjści na volu, nie adbyŭšy termin poŭnaściu. Pramych dokazaŭ hetamu nie pryvodziłasia, adnak krynica «Biełsata» raspaviała, što ŭ kałoniju, dzie adbyvaŭ pakarańnie Vital Drožža, pryjazdžała kamisija pa pamiłavańni. Paśla hetaha źniavolenaha adpuścili na spatkańnie. Nazad jon nie viarnuŭsia.

Čytajcie taksama:

Ministr, asudžany za chabar na 7,5 hoda, vierahodna, vyjšaŭ praz paŭtara — Biełsat

Eks-ministra lasnoj haspadarki asudzili na siem z pałovaj hadoŭ kałonii

Stała viadoma, u čym vinavaciać byłoha ministra lasnoj haspadarki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
8
Ха-ха
2
Ого
0
Сумна
1
Абуральна
15
0
daviedka /adkazać/
09.11.2023
Łukašienko daleko nie každomu žestačajše pozvolajet otbyvať nakazanije v ekołohičieski zapoviednych miestach.
0
Andruś/adkazać/
09.11.2023
I heta nie adzinkavy vypadak, kali fihuranty hučnych spravaŭ, na jakich prapahanda vybudoŭvała bačnaść niaščadnaje baraćby łukašenki z karupcyjaj, paśla taho, jak pra ich padzabyvalisia ŭ hramadstvie, spakojna vyzvalalisia i zajmali kiroŭnyja pasady. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031