Znajści
Ałharytmičny łacinski varyjant
16.11.2023 / 13:00RusŁacBieł

Pa fakcie śmierci biełarusa ŭ varšaŭskim izalatary zaviedziena kryminalnaja sprava pa artykule «daviadzieńnie da samahubstva»

Pa fakcie śmierci byłoha biełaruskaha palitviaźnia Kiryła Kieturki, jakoha znajšli paviešanym u varšaŭskim izalatary, zaviedziena kryminalnaja sprava pa artykule 151 Kryminalnaha kodeksa Polščy «Daviadzieńnie da samahubstva», piša Most.

Ciapier idzie zbor dokazaŭ. Prakuror zrabiŭ vizualny ahlad miesca zdareńnia. Akramia taho, było praviedziena vykryćcio. 

Byłoha palitviaźnia ź Biełarusi 19-hadovaha Kiryła Kieturku znajšli miortvym 20 kastryčnika ŭ kamiery śledčaha izalatara ŭ Varšavie. Papiaredniaja viersija śledstva — suicyd.

Maładoha čałavieka zatrymali 10 kastryčnika ŭ Varšavie za machlarstva ŭ internecie. Ale ŭ samahubstva byłoha palitviaźnia ź Biełarusi vierać nie ŭsie.

«Jon prajšoŭ biełaruskuju turmu, dzie ździekujucca ź ludziej. Jaho nie złamali tam, i jon vyjšaŭ. I tut rezka ŭ varšaŭskaj turmie jon rašajecca na suicyd. Ciažka pavieryć. Moža, jamu dapamahli heta zrabić, kab ničoha lišniaha nie skazaŭ?» — miarkuje jaho znajomy. 

«Naša Niva» pisała pra zatrymanaha ŭ Varšavie biełarusa, jakoha vinavacili ŭ machlarstvie. Ašukancy telefanavali palakam i, pradstaŭlajučysia supracoŭnikami banka, pa viadomaj biełarusam schiemie vymańvali hrošy. Imavierna, heta była historyja Kieturki.

Čytajcie taksama:

U śledčym izalatary Varšavy znajšli paviešanym 19-hadovaha chłopca, byłoha palitviaźnia z Hrodna

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera