Znajści
Ałharytmičny łacinski varyjant
19.11.2023 / 21:3228RusŁacBieł

«Pieršyja dźvie chviliny dumaŭ, što heta žart». Naviednik sieminara pa biaśpiecy, da jakoha dałučyŭsia KDB, raskazaŭ, što tam adbyvałasia

Vyjaviłasia, što KDB apłaciŭ arhanizacyju sieminara.

Ihar Tur u hrymie padčas prezientacyi «sponsara i arhanizatara sieminara». Skrynšot ź videa ANT

Sam sieminar naviedniku spadabaŭsia nie nadta — maŭlaŭ, kazali tam zanadta ahulnyja i banalnyja rečy. «Z taho, što ja čuŭ, było mała realna karysnaha — byŭ niejki ajcišnik, jaki raspaviadaŭ pra virusy i fišynh, i Viačasłaŭ Siŭčyk, jaki bolš zhadvaŭ bajek z 90-ch, čym pra biaśpieku kazaŭ. Siadzieŭ i dumaŭ, što, moža, darma pryjšoŭ», — kaža surazmoŭca.

«Paśla, padčas lekcyi ajcišnika Aksionaŭ uskokvaje, akuratna jaho pierabivaje i kaža — maŭlaŭ, z nami choča pahutaryć «sponsar i arhanizatar». Ja dumaju — čaho, jaki jašče sponsar? Bo byŭ peŭny, što sieminar tranślujuć u zumie dla tych, chto nie zdoleŭ paŭdzielničać afłajn.

U efir vyjšaŭ zahrymiravany [prapahandyst Ihar] Tur, a paśla kadebešnik. U zali paŭstała poŭnaja cišynia, nichto ničoha nie kazaŭ, tolki čałaviek z Chaba padbieh i vyklučyŭ Byčaka (prapahandyst Ihar Tur paśla skazaŭ, što zrabili heta niekarektna i było čuvać usio, što adbyvajecca ŭ zali. — NN). Ja padumaŭ, što heta peŭna žart i zaraz skažuć, maŭlaŭ, kab tak nie było — dbajcie pra biaśpieku.

Ale zrazumieŭ, što nie, bo čałaviek z Chaba pabieh kudyści telefanavać, a sieminar na hetym skončyli. Siŭčyk zapytaŭsia ŭ Aksionava pra toje, dzie jon znajšoŭ hetaha «sponsara i arhanizatara», Aksionaŭ byŭ u poŭnaj razhublenaści, adkazvaŭ niešta niaŭciamnaje. U vyniku Siŭčyk skazaŭ: «Aleh, nu ty b choć paraiŭsia».

Astatnija siadzieli moŭčki ŭ šoku, častka pačała vychodzić z zały. Ja nieŭzabavie taksama vyjšaŭ».

Druhi naš surazmoŭca, jaki byŭ na sieminary, raskazaŭ amal identyčnuju historyju.

My źviarnulisia da Aleha Aksionava, jaki paćvierdziŭ nam, što arenda pamiaškańnia i kava-brejk vyjšli «za košt KDB». Na astatnija pytańni Aleh adkazać pakul nie hatovy.

«Naša Niva» — bastyjon biełaruščyny

PADTRYMAĆ

Čytajcie taksama:

Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie

«Navat takija sivyja babry patraplajuć u pastku». Aleh Aksionaŭ patłumačyŭ, jak jaho raźvioŭ KDB

«Karty pakazvajuć, što jon dobry». Ja takaja: «B…, vy čo?». Novyja fakty pra ČKB i hubazikaŭca Artura ŭ joj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
95
Ха-ха
63
Ого
4
Сумна
8
Абуральна
10
0
ch/adkazać/
20.11.2023
hoblen, spasibo, čto dielišsia svoim opytom.
1
=-=-=/adkazać/
21.11.2023
Chto-ta urot i pilit, Łukašysty sa svajoj šarmankaj "ofis pilit hrošy","kokoko"
Idzicie za karblem, kłouny z pałacu biednaści, oj niezaležnaści ....
Ni adnaho dokazu niama, ale dumajuć što Hiebielsaščyna pra 1000 razoŭ paŭtoranuu chłuśniu spracuju


Biełaruś budzie žyć, a łukašysty na kaleni, prasicie dazvołu trapić u Jaŭropu 
1
Łukaboty ablanilisia/adkazać/
21.11.2023
Dieła i Vyvody, Jašče adzin łukabot, dapabačeńnia.
Niejkaja ty adstałaja viersija łukabotaŭ, novyja ŭžo choć praz huhł transłejt na čałaviečuju movu pierakładajuć, a hety łupić na starabałharskaj 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera