Znajści
Ałharytmičny łacinski varyjant
20.11.2023 / 15:401RusŁacBieł

Šakira nie paŭstanie pierad sudom pa spravie ab niaspłacie padatkaŭ

Śpiavačka pahadziłasia na dasudovaje pahadnieńnie i vypłatu salidnaha štrafu.

Šakira pakidaje budynak suda sa svaimi advakatami. Fota David Oller / Europa Press via Getty Images

Kałumbijskaja śpiavačka Šakira nie paŭstanie pierad sudom u Ispanii pa spravie ab uchileńni ad vypłaty padatkaŭ na miljony jeŭra. U apošni momant jana pahadziłasia pajści na ździełku ź ispanskimi ŭładami, piša La Vanguardia.

Siońnia pavinien byŭ pačacca sud nad Šakiraj pa spravie ab uchileńni ad vypłaty padatkaŭ. Ale pierad pieršym pasiadžeńniem stała viadoma, što śpiavačka i jaje jurysty damovilisia ź ispanskimi ŭładami ab mirnym vyrašeńni spravy. Šakira pahadziłasia zapłacić bujny štraf.

Pierad pačatkam słuchańniaŭ sudździa abviaściŭ, što ŭ apošni momant baki damovilisia zaklučyć pahadnieńnie, kab paźbiehnuć suda. Sudździa spytaŭ Šakiru, ci viedała jana ab hetaj uhodzie i ab sumie štrafaŭ, na što śpiavačka adkazała śćviardžalna.

Kałumbijskaja śpiavačka pryznała fakty niaspłaty padatkaŭ u 2012—2014 hadach i pahadziłasia na trochhadovaje turemnaje źniavoleńnie, jakoje budzie zamieniena vypłataj štrafu 7,3 miljona jeŭra dla pakryćcia naniesienaj škody. Akramia taho, kab nie trapić pad vartu, jana zapłacić 432 000 jeŭra.

Takaja damova vyhadnaja Šakiry. Bo joj u advarotnym vypadku pahražaŭ štraf pamieram 23,8 miljona jeŭra i vosiem hadoŭ źniavoleńnia.

Śpiavačku abvinavačvali ŭ tym, što z 2012 da 2014 hoda jana ŭchiliłasia ad vypłaty 14,5 miljonaŭ jeŭra, žyvučy ŭ Barsiełonie i, takim čynam, pavinna była płacić padatki ŭ ispanskuju kaznu. Akramia taho, abvinavačvańnie ličyła, što śpiavačka stvaryła sietku padstaŭnych kampanij, kab schavać svaje dachody i majomaść.

Kałumbijskaja śpiavačka źjaviłasia ŭ sudzie a dziasiataj ranicy i pry ŭvachodzie ŭ zału suda adkazała «Voś i my», kali žurnalisty spytali jaje, jak jana majecca. Sprava była razhledžana siońnia za piać chvilin. Šakira padyšła da mikrafona, skazała, što prymaje zaklučanaje pahadnieńnie i začytała jaho, zatym sudovaje raźbiralnictva było spyniena.

Čytajcie taksama:

Ad kachańnia da skonu da sudovaha pazovu. Historyja składanych adnosin Šakiry i Žerara Pikie

Śpiavačka Šakira i futbalist Žerar Pikie razvodziacca

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
0
Сумна
1
Абуральна
1
0
mikola/adkazać/
20.11.2023
Dobra nekali spjavala.....
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera