Znajści
Ałharytmičny łacinski varyjant
21.11.2023 / 20:456RusŁacBieł

«Jašče ŭ turmie kazała, što pačnu ŭłasny biznes». Byłyja palitźniavolenyja adkryli ŭ Varšavie chosteł

Volha Rytus i Volha Skraščuk paznajomilisia ŭ Varšavie. Nieŭzabavie jany zrazumieli, što mohuć pracavać razam i ŭsiaho za dva tydni adkryli chosteł O2N. Zaraz płanujuć zaniacca jašče adnym. I dumajuć, jak dapamahać represavanym.

Volha Rytus (źleva) i Volha Skraščuk (sprava). Fota: mostmedia.io

Da vymušanaj emihracyi žyćcio žančyn składałasia pa-roznamu. Volha Rytus zajmałasia biznesam, Volha Skraščuk pracavała spačatku ŭ Nacyjanalnym banku, a potym u ARIP. Ale ŭ vyniku jany abiedźvie stali palitźniavolenymi.

Volhu Skraščuk zatrymali ŭ 2021 hodzie pa «spravie Zielcera» — za kamientaryj u fejsbuku žančynie dali dva hady pazbaŭleńnia voli ŭ kałonii va ŭmovach ahulnaha režymu. Jana poŭnaściu adbyła svoj termin i ŭ pačatku 2023 hoda vyjechała ź siamjoj u Polšču.

Volhu Rytus zatrymali ŭ 2022 hodzie pa «narodnym» 342 artykule i prysudzili try hady chatniaj chimii. Jana taksama vyjechała z radzimy — spačatku ŭ Biełastok, a potym u Varšavu.

Pra toje, jak pačynaŭsia sumiesny biznes, «Našaj Nivie» raspaviała Volha Skraščuk.

«Zdajecca, pačałosia ŭsio z taho, što pačali stvarać Asacyjacyju biełaruskich palitviaźniaŭ — tak my z Volhaj apynulisia ŭ adnym čacie. Jon patrebny dla padtrymki, dapamohi, kab ludzi nie adčuvali siabie samotnymi, tamu što nie ŭsie emihrujuć ź siamjoj. Ale ž, viadoma, my nie viedali adna adnoj, bo ŭ metach biaśpieki šmat chto vykarystoŭvaje niejtralnyja niknejmy zamiest imionaŭ i niejkija abstraktnyja avatary».

Kali źjavilisia źviestki pra trahičnuju śmierć biełaruskaha mastaka-palitviaźnia Alesia Puškina, šmat chto z dyjaspary pajechaŭ na akcyju da biełaruskaj ambasady. Tam žančyny i paznajomilisia.

«Potym my z Volhaj pačali źbirać pasyłki dla tych palitviaźniaŭ, jakija ciapier za kratami — sabrali hrošy, zakupili ŭsio nieabchodnaje. Nam spadabałasia pracavać razam. My pačali dumać pra toje, jak my možam bolej dapamahać, i zrazumieli, što zrabić heta mahčyma, kali my pačniom zarablać tak, kab finansaŭ chapała nie tolki na ŭłasnyja siemji, ale i na dabračynnaść».

Ideja adkryć mienavita chosteł źjaviłasia tamu, što ŭ Volhi Rytus užo byŭ dośvied pracy ŭ hetaj śfiery. Toje, što adbyvałasia dalej, sapraŭdy možna ličyć cudam: litaralna za try dni trapiŭsia budynak, u jakim, da taho ž, raniej isnavaŭ chosteł, — a heta značyć, byli atrymanyja ŭsie nieabchodnyja dazvoły na toje, kab vykarystoŭvać pamiaškańnie takim čynam. Inakš, kaniešnie, historyja b mahła b zaciahnucca na niekalki miesiacaŭ.

Fota: mostmedia.io

Volha Skraščuk navat kaža, što jany maralna rychtavalisia da taho, što ŭsio zojmie z hod, a pamiaškańnie treba budzie šukać z dapamohaj ryełtara, bo zdavać budynak pad chosteł nie šmat achvočych:

«Kažuć, voś vy siudy zasielicie emihrantaŭ, jany ŭsio vypackajuć, pałomiać, i nam potym daviadziecca poŭny ramont rabić».

Ale ž zorki syšlisia. Na toje, kab chosteł pačaŭ prymać haściej, spatrebiłasia ŭsiaho dva tydni — heta ad źjaŭleńnia idei da pieršaha zaniataha numara.

Volha paśmichajecca: pra svoj biznes jana kazała jašče ŭ turemnaj kamiery:

«Pakul ja siadzieła ŭ SIZA, było šmat času na roznyja dumki. U mianie źjaŭlalisia idei i płany nakont budučaha žyćcia i taho, jak jaho budavać. Kaniešnie, ja nie viedała, što zajmusia chostełam. Umieju dobra šyć i dumała pra biznes u hetaj śfiery».

Chosteł znachodzicca na ŭskrajku Varšavy na pieršym paviersie trochpaviarchovaha budynku: u vaśmi pakojach mohuć žyć da dvaccaci čałaviek. Pracuje O2N dva miesiacy. Pośpiechami ŭładalnicy pakul zadavolenyja:

«Atrymać prybytak atrymałasia ŭžo paśla pieršaha miesiaca pracy. My nie tolki adbili arendu i kamunałku, ale ž atrymali i hrošy zvyš hetaha».

Składanaści ŭźnikli z tym, kab znajści piersanał: ciapier žančyny pa čarzie sami vykonvajuć rolu administratara, zajmajucca pytańniami zasialeńnia i vysialeńnia.

Volha Skraščuk u chostele. Fota: mostmedia.io

«Ciažka znajści administratara: my vielmi patrabavalnyja da siabie, tamu i ad inšych patrabujem šmat. Chočacca znajści čałavieka, jaki b staŭ sapraŭdnym haspadarom ci haspadyniaj. Kab jon nie tolki dumaŭ pra toje, što možna zrabić lepiej, ale i moh parazmaŭlać z haściami. A bolšaść stavicca da takoj pracy sucha, biez dušy. Kali pačynajecca «Za heta mnie płaciać, a za heta nie płaciać», heta nie vielmi padabajecca».

Kanfliktnych situacyi, adznačaje Volha, było niašmat. Naprykład, adnojčy hościa, jaki złoŭžyvaŭ ałkaholem, pryjšłosia vysialać z dapamohaj palicyi. Ale heta vyklučeńnie.

Partret siaredniestatystyčnaha pastajalca taki: heta mužčyna va ŭzroście ad 30 da 40 hadoŭ, jaki pracuje ci ŭ transparcie, ci ŭ budoŭli. Jak praviła, heta zamiežnik (ludzi z Azierbajdžana, Uźbiekistana, Hruzii, biełarusaŭ i ŭkraincaŭ taksama niamała), jaki zarablaje ŭ Polščy hrošy i adpraŭlaje siamji na radzimu.

«Šmat chto ŭ nas zastajecca z-za dobrych čałaviečych adnosin. My zaŭsiody imkniomsia ŭličvać pažadańni. Naprykład, kali muž z žonkaj zasialajucca ŭ trochmiascovy pakoj i prosiać nie padsialać treciaha čałavieka, my tak i zrobim. Kali raźmiarkoŭvajem ludziej pa pakojach, starajemsia ŭličvać ich intaresy».

Ciapier biznesvumien znajšli budynak dla svajho druhoha chosteła — kažuć, enierhii na heta chopić. Ale pracavać jon budzie dla inšaj metavaj aŭdytoryi.

«Heta budzie ŭžo chosteł u centry Varšavy dla turystaŭ. A jašče ŭ našych płanach stvaryć šełtar dla byłych biełaruskich palitviaźniaŭ, jakim časova niedzie žyć. Bo dla nas vielmi važna rabić svoj niejki sacyjalny ŭniosak».

U abiedźviuch žančyn jość dzieci, jany spałučajuć biznes i maciarynstva. 

«Spałučać usio nie vielmi prosta. Treba ž uličvać i toje, što my hadujem dziaciej u emihracyi — a heta značyć, treba nie prosta pravieryć chatnija zadańni, a dapamahčy vyvučyć novuju movu, asvoicca na novym miescy. Ale my imkniomsia padtrymlivać adna adnu. My sapraŭdy kamanda. Maja partniorka kazała, što dzieci — heta nie pieraškoda, a stymuł ruchacca dalej. I ja z hetym zhodnaja.

A jašče vielmi pryjemna słuchać, jak tvoj syn taboj zachaplajecca: «Mama, ty takaja krutaja, u ciabie jość svoj hatel!» Mnie daje šmat siłaŭ toje, što syn mnoj hanarycca».

Čytajcie taksama:

«Ukłali 30 000 dalaraŭ». Biełarusy bolš za 10 hadoŭ adnaŭlali pad Minskam staražytnuju kaplicu

«Nie chapiła majho žyćcia, kab niešta samavitaje zrabić». Fiermier raskazaŭ, ci možna ŭ Biełarusi razbahacieć, hadujučy aviečak

«Paŭtaryć u nas smak syru, zvaranaha ŭ Italii, — z haliny fantastyki». Baranavicki syravar raskazaŭ, što samaje ciažkaje ŭ hetym biznesie

Hanna Stafanovič

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
0
Ха-ха
3
Ого
0
Сумна
0
Абуральна
2
1
Soniejka /adkazać/
22.11.2023
rom, a to, čto do tiuŕmy ludi mohli rabotať i otkładyvať dieńhi vam voobŝie v hołovu nie prichodit? I da, rabotaja na siebia možno zarabotať bolšie, čiem v najmie
1
Tania/adkazać/
22.11.2023
rom, zavidujtie mołča. 
1
Soniejka/adkazać/
22.11.2023
S - success, chapaje. A voś zajzdraść nie samaje lepšaje pačućcio
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera