Znajści
Ałharytmičny łacinski varyjant
21.11.2023 / 16:357RusŁacBieł

Mask padaŭ «termajadzierny pazoŭ» na Media Matters za abvinavačvańni ŭ antysiemityźmie

Sacyjalnaja sietka X (były Twitter) padała ŭ sud na hramadzianskuju hrupu levaha kirunku, jakaja abvinavaciła płatformu ŭ tym, što jana dazvalaje raźmiaščać antysiemickija dopisy pobač z rekłamaj. U pazovie Ch śćviardžajecca, što arhanizacyja Media Matters for America manipulavała danymi, sprabujučy razburyć płatformu, raniej viadomuju jak Twitter, piša Bi-bi-si.

Iłan Mask. Fota: Dimitrios Kambouris / Getty Images

Paśla taho jak arhanizacyja apublikavała svoj analiz, niekalki bujnych rekłamadaŭcaŭ časova spynili raźmiaščać rekłamu ŭ sacsietcy.

U čaćvier IBM stała pieršaj kampanijaj, jakaja vyrašyła prybrać svaju rekłamu z sajta X paśla publikacyi Media Matters, zajaviŭšy, što źjaŭleńnie jaje rekłamy pobač z nacysckim kantentam całkam nieprymalnaje.

Za joj takoje rašeńnie pryniali Jeŭrapiejskaja kamisija, Comcast, Apple, Disney, telekampanija Paramount i kinastudyja Lionsgate.

Mask pryhraziŭ sudovym pazovam, Media Matters u adkaz nazvała jaho chulihanam.

Na minułym tydni pravaabarončaja hrupa zajaviła, što rekłama na sajcie X źjaŭlałasia pobač z dopisami, jakija padtrymlivajuć nacyzm, naprykład, z cytatami Hitlera i admaŭleńniem Chałakostu.

Akramia taho, na minułym tydni samoha Maska abvinavacili ŭ tym, što jon spryjaje rostu antysiemityzmu na płatformie.

U pazovie, padadzienym u paniadziełak u Techasie, śćviardžajecca: «Media Matters śviadoma i złamysna spradukavała vyjavy, jakija pakazvajuć dopisy rekłamadaŭcaŭ u sacyjalnaj sietcy X Corp pobač z marhinalnymi nieanacysckimi i nacyjanalistyčnymi materyjałami, a zatym pradstaviła hetyja vyrablenyja vyjavy tak, jak byccam heta mienavita toje, što bačać na płatformie typovyja karystalniki X».

«Media Matters raspracavała jak hetyja vyjavy, tak i svaju miedyjastratehiju z metaj adšturchnuć rekłamadaŭcaŭ ad płatformy i źniščyć X Corp», — havorycca ŭ pazovie.

Kampanija X zajaviła ŭ pazovie, što rekłama kampanij Comcast, Oracle i IBM źjaŭlałasia tolki pobač z materyjałami Media Matters, i ni ź jakimi inšymi.

Linda Jakaryna, vykanaŭčaja dyrektarka kampanii X, napisała ŭ paniadziełak: «Nivodny sapraŭdny karystalnik X nie bačyŭ rekłamy IBM, Comcast abo Oracle pobač sa źmieścivam, pra jaki havorycca ŭ artykule Media Matters».

U minułuju subotu Mask paabiacaŭ padać «termajadzierny pazoŭ» suprać Media Matters i ŭsich, chto ŭdzielničaŭ u hetaj «ašukanskaj atacy» na kampaniju.

U adkaz prezident Media Matters Andžeła Karuzonie zajaviŭ, što jany vyjhrajuć luby sudovy praces.

«Mask — daloka nie toj abaronca svabody słova, za jakoha siabie vydaje, a chulihan, jaki pahražaje nieabhruntavanymi sudovymi pazovami ŭ sprobie prymusić zamaŭčać źviestki, jakija jon navat asabista nazvaŭ dakładnymi», — havorycca ŭ zajavie Karuzonie.

Zasnavanaja ŭ 2004 hodzie arhanizacyja viadomaja svaim krytyčnym staŭleńniem da kansiervatyŭnych miedyja.

Media Matters nazyvaje siabie niekamiercyjnym prahresiŭnym daśledčym i infarmacyjnym centram, jaki zajmajecca ŭsiebakovym manitorynham, analizam i karekcyjaj kansiervatyŭnaj dezynfarmacyi ŭ amierykanskich ŚMI.

Sutnaść abvinavačvańniaŭ

Skandał razhareŭsia paśla taho, jak Mask publična padtrymaŭ dopis adnaho z karystalnikaŭ X, jaki zajaviŭ, u adpaviednaści ź viadomaj teoryjaj zmovy, što habrejskija supolnaści «raspalvajuć nianaviść da biełych ludziej». U svaim kamientary pad dopisam Mask napisaŭ: «Naohuł ty skazaŭ praŭdu».

Mask adkazaŭ tvitam, jaki tłumačyć jaho pazicyju, i abiacaŭ sudzicca. Jon zajaviŭ, što choć i horača adstojvaje svabodu słova, ale antysiemityzmu nie moža być miesca ŭ jaho sacsietcy, i sam abvinavaciŭ niekatorych svaich krytykaŭ u raspalvańni antysiemickich nastrojaŭ.

Mask taksama admaŭlaje padazreńni ŭ tym, što jon prytrymlivajecca antysiemickich pohladaŭ, i nastojvaje, što jaho adkaz pad skandalnym dopisam mieŭ inšy sens.

U subotu ŭviečary Mask apublikavaŭ tvit, u jakim zajaviŭ: «Jak ja ŭžo kazaŭ raniej na hetym tydni, łozunhi «dekałanizacyja», «ad raki da mora» i tamu padobnyja eŭfiemizmy abaviazkova majuć na ŭvazie hienacyd».

«Vidavočnyja zakliki da ekstremalnaha hvałtu supiarečać praviłam karystańnia našym servisam i ciahnuć za saboj vydaleńnie», — dadaŭ jon.

Tym časam hienieralny prakuror Techasa Kien Pakstan zajaviŭ u paniadziełak, što jon pačaŭ rasśledavańnie ŭ dačynieńni da Media Matters u suviazi z mahčymymi ašukanskimi dziejańniami paśla napadak hetaj arhanizacyi na sacsietku X.

Jaho ofis apublikavaŭ zajavu, u jakoj libieralnaja hrupa nazvanaja radykalnaj arhanizacyjaj, jakaja vystupaje suprać svabody słova.

Kien Pakstan zapeŭniŭ, što hramadskaść nie atrymajecca padmanuć, jak jon skazaŭ, «intryhami radykalnych levych arhanizacyj, jakija nie žadajuć ničoha inšaha, jak abmiežavać svabodu šlacham skaračeńnia ŭdziełu ŭ hramadskim žyćci».

Čytajcie taksama:

Mask paabiacaŭ błakavać akaŭnty ŭ tvitary za antyizrailskija łozunhi

Apple i Disney admoviacca ad rekłamy ŭ X z-za antysiemickich dopisaŭ

«Mask straciŭ ciarpieńnie». Iłan Mask moža zabłakavać tvitar (X) na terytoryi Jeŭrasajuza — Business Insider

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
6
Ха-ха
1
Ого
4
Сумна
0
Абуральна
4
4
Vład/adkazać/
21.11.2023
[Red. vydalena]
6
Kazik/adkazać/
21.11.2023
"Prahresiŭnyja", katoryja padtrymlivajuć Paleścinu, abvinavačvajuć Maska ŭ antysiemityźmie. Kapiec marazm.
Kali prybiraješ cenzuru, zaŭsiody znojducca niezadavolennyja. Asabliva tyja, kamu cenzura była vyhadnaja raniej. Zyču Masku pośpiechu ŭ sudzie.
5
Realnaść/adkazać/
21.11.2023
Mask nie hieroj svabody słova. Jon nachabny, amaralny, bahaty svavolnik, jaki flirtuje z teoryjami zmovy, palitykaju nianaviści j zamiežnymi dyktatarami, kali jamu nadakučyli hrošy abo jon adčuvaje, što jamu nie chapaje hramadzkaj uvahi. Jon čałaviek biez pryncypaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031