Znajści
Ałharytmičny łacinski varyjant
21.11.2023 / 21:517RusŁacBieł

Piśmieńnik Saša Filipienka raspavioŭ pra ciapierašni stan baćki i padrabiaznaści jaho zatrymańnia

«Padtrymlivaje svaich sukamiernikaŭ, zaŭsiody žartuje».

Piśmieńnik Saša Filipienka. Fota: fejsbuk Filipienki

Baćku biełaruskaha piśmieńnika Sašy Filipienki niadaŭna zatrymali siłaviki i na 13 sutak źmiaścili na Akreścina — farmalna za repost z «Lusterka», ale faktyčna za publičnuju dziejnaść syna.

Filipienka raskazaŭ vydańniu Tages-Anzeiger, što ŭ jaho zaraz niama niepasrednaj suviazi z baćkam, ale dniami piśmieńniku patelefanavaŭ adzin ź jahonych sukamiernikaŭ, jaki ŭžo vyzvaliŭsia, i raspavioŭ padrabiaźniej pra jahony ciapierašni stan.

«Adnojčy patelefanavaŭ mužčyna, jaki siadzieŭ z maim baćkam u adnoj kamiery i ciapier užo na voli. Jon skazaŭ, što moj baćka vielmi advažny, što jon padbadziorvaŭ i padtrymlivaŭ svaich sukamiernikaŭ, zaŭsiody žartavaŭ. Mužčyna taksama skazaŭ, što baćka mocna niepakoicca za nas z mamaj, cikavicca, jak našy spravy. Ja vielmi hanarusia im i viedaju, što jon taksama mnoj mocna hanarycca»,

— padzialiŭsia apošniaj infarmacyjaj Saša Filipienka z vydańniem Tages-Anzeiger.

Piśmieńnik taksama raspavioŭ pra toje, jak mienavita prachodziła zatrymańnie baćki. Jon adznačyŭ, što kanfiskavany siłavikami telefon jaho mamy paśla pieratrusu ŭsio jašče bačny ŭ anłajnie.

«Uzbrojenyja ludzi ŭvarvalisia ŭ kvateru da maich baćkoŭ i zahadali im lehčy na ​​padłohu, nadzieli na ich kajdanki. Majmu baćku 62 hady, a maci — 60. Zanadta žorstka, uličvajučy, što maje baćki nijak nie mahli naškodzić vaśmi siłavikam sa zbrojaj. 

Maje baćki nie mahli mnie patelefanavać, bo ŭsie telefony zabrali. Ja padtrymlivaŭ suviaź z mamaj praz susiedziaŭ i maju babulu. Kanfiskavany telefon mamy, darečy, usio jašče možna ŭbačyć u anłajnie», — dadaŭ Filipienka.

Nahadajem, što Saša Filipienka — viadomy biełaruski piśmieńnik, žurnalist i publicyst. Aŭtar knih «Były syn», «Kremulatar», «Čyrvony Kryž», «Viartańnie ŭ astroh», «Ckavańnie». Jahonyja ramany pierakładzienyja na mnohija movy. Filipienka rezka krytykuje ŭłady Biełarusi i Rasii. 

Z 2004 da 2020 hoda žyŭ u Rasii, dzie pracavaŭ u niezaležnych ŚMI. 

Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.

Čytajcie taksama:

«Rasijskaje hramadstva navat nie pasprabavała». Saša Filipienka — pra roźnicu pamiž rasijanami i biełarusami

Saša Filipienka daŭ intervju Miełkazioravu: «Łukašenka nie pračytaŭ nivodnaj knihi»

Nazvanyja najlepšyja architekturnyja pracy Biełarusi apošnich hadoŭ ŠMAT FOTA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
0
Ого
1
Сумна
4
Абуральна
18
0
Tak/adkazać/
22.11.2023
U karotkaj daviedcy pra Filipienku nie chapaje vielmi istotnaj detali, a mienavita, što jon rehularna abaraniaje rasiejskuju movu ŭ Biełarusi i adstojvaje jaje pravy ŭ budučyni buduŝiem.
0
Vierojatnyj /adkazać/
22.11.2023
12345, Saša zaniaty: jon abaraniaje russkuju prastoru i svaju svabodu havarić pa-russki! 
0
Vład/adkazać/
22.11.2023
Nu tak słučajetsia kohda 20 let živioš v Rośsii i ničieho nie słyšiš i nie vidiš čto proischodit na rodinie.Nado było krajniuju chatku tožie v Rośsii pokupať.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera