Znajści
Ałharytmičny łacinski varyjant
25.11.2023 / 08:192RusŁacBieł

Trubačka ŭ karycy — češski trdzielnik. Hatujem doma: recept i sakrety

Biez hetych «zavitych» trubačak u pasypcy z cukru i karycy nie abychodzicca nivodzin kaladny kirmaš šmat u jakich jeŭrapiejskich krainach. Padčas śviat ich hatujuć na adkrytym ahni, ale možna heta zrabić i ŭ zvyčajnaj duchoŭcy.

Trdzielnik — heta tradycyjnaja vypiečka rodam z horada Skalica ŭ Słavakii. Padčas hatavańnia ciesta namotvajecca na śpiecyjalny požah pa śpirali. Fota: Getty Images

Nazva trubačak pachodzić ad słova trdlo, jakoje pierakładajecca jak «durań». Vierahodna, sens źviazany z tym, što trdzielnik — heta połaja trubačka, jakaja tolki zdajecca vialikaj, unutry ž jana — pustaja, to bok chto kupić, toj budzie «abdurany». Taksama trdlo — heta mietaličny prut abo požah, na jakim hatujuć trdzielnik, a jašče hetym słovam nazyvajuć vielmi ruchomych dziaciej.

Choć mnohim trdzielnik viadomy jak češski łasunak, nasamreč jon ličycca słavackaj nacyjanalnaj stravaj. Inšyja krainy taksama pretendujuć na toje, kab ličyć trdzielnik svajoj vypiečkaj, — siarod ich Aŭstryja i Vienhryja. Vienhry nazyvajuć łasunak kürtoskalacs («kiurcioškałač»), što aznačaje «kaminny piroh».

Hałoŭnaja składanaść u hatavańni trdzielnika — dla jaho patrebnaja forma-cylindr, vakoł jakoj treba nakručvać ciesta. Kali ŭ vas takoj formy niama, možna vykarystać niešta sa spadručnych rečaŭ: maleńki słoik dla džemu abo skručanyja ŭ trubku staryja časopisy, zmacavanyja humkaj i abhornutyja folhaj.

Kab pryhatavać trdzielnik, spatrebicca (na 4 štuki):

  • 250 h muki
  • 120 mł ciopłaha małaka
  • 60 h niesalonaha masła
  • 15 h cukru
  • 7 h suchich droždžaŭ (paŭpačka)
  • 3 jaječnyja žaŭtki
  • 1 uźbitaje jajka
  • ščopać soli

Dla pasypki:

Jak hatavać:

  1. Nahrejcie małako, kab jano stała ciopłym. Usypcie suchija droždžy i trochi cukru, raźmiašajcie da adnastajnaści. Pakińcie draždžavuju sumieś u ciopłym miescy na 10 chvilin, kab jana padniałasia.
  2. Usypcie muku ŭ misku. Dadajcie pakinuty cukar, ščopać soli i jaječnyja žaŭtki.
  3. Rastapicie masła (na patelni, na plicie abo ŭ mikrachvaloŭcy) i dadajcie da muki.
  4. Ulicie draždžavuju sumieś u muku.
  5. Rukami zamiasicie inhredyjenty da hładkaha ciesta. Kali ciesta zanadta mocna lipnie, dadajcie trochi muki.
  6. Nakryjcie misku čystaj tkaninaj i pastaŭcie ŭ ciopłaje miesca. Dajcie ciestu padniacca na praciahu 45 chvilin.
  7. Kali ciesta padniałosia, padzialicie jaho na kavałački i raskačajcie ŭ pałoski taŭščynioj 1-1,5 sm.
  8. Abharnicie pałoski vakoł formy (pustoj šklanki). Kali vy vykarystoŭvajecie niekalki pałosak dla adnaho trdielnika, ščylna pryciśnicie ich adnu da adnoj.
  9. Vyšmarujcie ciesta ŭźbitym jajkam.
  10. Vypiakajcie ŭ razahretaj da 180°S duchoŭcy 20 chvilin.
  11. Dla pasypki źmiašajcie cukar i karycu.
  12. Akuratna dastańcie zapiečany trdzielnik z formy, vyšmarujcie rastoplenym masłam i pasypcie z usich bakoŭ cukram i karycaj.

Čytajcie taksama:

Nie ŭsia karyca adnolkavaja. Dva hatunki varta adroźnivać, bo adzin ź ich — škodny

Bułački z karycaj. Stary recept siamji stolinskaj šlachty 

Recept na vychadnyja: bliny-sinabony

Što daje pićcio kavy z kurkumaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
zialonaja/adkazać/
26.11.2023
hladziš na padobnyja pryspasoby i dumaješ - kolki mietału, dreva, kab śpiačy, prabačcie, niejkuju chreń (połaja trubačka, jakaja tolki zdajecca vialikaj, unutry ž jana — pustaja, to bok chto kupić, toj budzie «abdurany»)
0
trdzielnik/adkazać/
26.11.2023
a dzie vaskresny zaŭtrak? nu ci užyn?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031