Znajści
Ałharytmičny łacinski varyjant
23.11.2023 / 19:276RusŁacBieł

Były pres-sakratar KDB uznačalvaje kampaniju z ofisam u Polščy

Vydańnie «Lusterka» daviedałasia, što były pres-sakratar KDB Dźmitryj Pabiaržyn źjaŭlajecca ŭłaśnikam i kiraŭnikom kampanii, jakaja zajmajecca raspracoŭkaj kampjutarnych hulniaŭ. Ci zvolniŭsia IT-kiraŭnik sa śpiecsłužby — nieviadoma. Miž tym u jaho biznesu jość ofis u Polščy, a siarod byłych saŭładalnikaŭ — achoŭnik Alaksandra Łukašenki.

Dźmitryj Pabiaržyn. Fota: Facebook

Chto taki Dźmitryj Pabiaržyn

Dźmitryj Pabiaržyn vystupaŭ u roli aficyjnaha śpikiera KDB u 2016—2017 hadach. Jaho reprezientavali jak kiraŭnika pres-słužby arhanizacyi.

Zatym na niekalki hadoŭ Pabiaržyn źnik z publičnaha pola. U pačatku 2020 hoda jon i pałkoŭnik KDB Andrej Milčanka stali ŭdzielnikami bojki ŭ kaviarni ŭ Homieli — byŭ źbity dyrektar ustanovy. U kamientary «Našaj Nivie» Pabiaržyn tady zajaviŭ, što jon «hetaha złačynstva nie ździajśniaŭ».

U lipieni 2020-ha adbyŭsia sud: asudžany byŭ tolki Milčanka, jamu dali 7 hadoŭ i pazbavili zvańnia pałkoŭnika. Ci panios jakoje-niebudź pakarańnie Pabiaržyn, nieviadoma.

Skrynšot ź videa z kamier u kaviarni ŭ Homieli, dzie ŭ 2020 hodzie adbyłasia bojka z udziełam supracoŭnikaŭ KDB (Dźmitryj Pabiaržyn — źleva). Fota: Komsomolskaja pravda

U jakim hodzie Pabiaržyn zvolniŭsia z KDB (i ci zvolniŭsia naohuł), dakładna nieviadoma. Nieviadoma i jahonaje zvańnie na momant mahčymaha zvalnieńnia. Belpol paviedamiŭ «Lusterku», što jon kiravaŭ pres-słužbaj KDB prykładna da 2018 hoda, zatym jaho panizili na pasadzie.

«Pabiaržyn byŭ pieraviedzieny na nižejšuju pasadu zahadam staršyni KDB z-za «niapravilnaha afarmleńnia dakumientacyi pa kamandzirovačnych vydatkach u zamiežnaj kamandziroŭcy», — raskazali krynicy Belpol. — Jon pakazaŭ niapravilnyja źviestki i atrymaŭ lišnija hrošy, padrabiaznaści ŭ zahadzie nie raśpisvalisia. Pa hetaj situacyi pravodziłasia słužbovaje rasśledavańnie Upraŭleńniem ułasnaj biaśpieki KDB».

15 maja 2023 hoda Dźmitryj Pabiaržyn raźmiaściŭ na vokładku svajoj staronki ŭ Facebook emblemu hulniavoj kampanii GameMod. Z tych časoŭ u Facebook i LinkedIn jon pradstaŭleny jak jaje kiraŭnik (SIEA) i zasnavalnik.

Staronka Dźmitryja Pabiaržyna ŭ LinkedIn

Hiejmdzieŭ — kampanija z ofisam u Polščy i niezvyčajnymi ŭłaśnikami

Miarkujučy pa vypiscy z ADR, u TAA «HiejmMod» dva ŭłaśniki. 60% jurydyčnaj asoby naležyć Dźmitryju Pabiaržynu, 40% — Anatolu Puško.

Skrynšot vypiski na TAA «HiejmMod» z ADR

Takija ž ułaśniki ŭ polskaj SOO Gamemod. U joj doli ŭłasnaści pamiž Pabiaržynym i Puško padzielenyja paroŭnu.

Profil kampanii SOO Gamemod u rejestry jurydyčnych asob Polščy. Skrynšot: rejestr.io

Anatol Puško ŭznačalvaje jašče adnu kampaniju — «Płastma-Kansałt». Jana budavała ŭ Biełarusi drevaapracoŭčyja zavody i ŭdzielničała ŭ madernizacyi abjektaŭ celułozna-papiarovaj pramysłovaści. U LinkedIn možna znajści Arciemija Puško, jaki padpisany jak saŭładalnik GameMod. Mahčyma, heta syn Anatola.

U arhanizacyi «HiejmMod» cikavaja historyja. Da krasavika 2022 hoda jurydyčnaja asoba nasiła inšuju nazvu — «JURANEKS-biaśpieka». Naŭrad ci kampanija z takoj nazvaj zajmałasia kampjutarnymi hulniami. U adnym sa starych biznes-katałohaŭ jaje śfiera dziejnaści apisvajecca jak «kansultavańnie pa pytańniach kamiercyjnaj dziejnaści i inšaje kansultavańnie pa pytańniach kiravańnia».

Skrynšot vypiski na TAA «HiejmMod» z ADR

Razam ź Dźmitryjem Pabiaržynym kampanijaj vałodali Alaksandr Ramanoŭski i «Kłub vialikaha tenisa».

Skrynšot vypiski na TAA «HiejmMod» z ADR

«Kibierpartyzany» razam z BRC raskazvali, što Alaksandr Ramanoŭski — heta były supracoŭnik Słužby biaśpieki Łukašenki. Jon byŭ saŭładalnikam (vierahodna, naminalnym) kampanij «Hłobałkastam-mieniedžmient» i «Hłobałkastam-komiers», jakija źviazvajuć ź Viktaram Šejmanam. Hetyja arhanizacyi stali zasnavalnikami «Hardservisa» — adzinaj achoŭnaj kampanii ŭ Biełarusi, jakaja maje prava vałodać ahniastrelnaj zbrojaj.

«Kłub vialikaha tenisa» ciapier nosić nazvu «Kłub vialikaha sportu». Pavodle ADR, adzin ź jaho ŭładalnikaŭ — były namieśnik dyrektara Fiederacyi chakieja na travie Alaksandr Čarnijčuk. Miarkujučy pa infarmacyi servisu kartoteka.by, spravy ŭ kłuba iduć nie vielmi: roznyja arhanizacyi sprabujuć ź jaho spahnać amal miljon rubloŭ.

Jašče adzin były ŭładalnik «HiejmMod» (užo paśla pierajmienavańnia) — baćka eks-pres-sakratara KDB Zbyšak Pabiaržyn. Da 2000 hoda jon byŭ deputatam spačatku Viarchoŭnaha Savieta, a potym Pałaty pradstaŭnikoŭ Nacyjanalnaha schodu. Taksama pracavaŭ namieśnikam hałoŭnaha lekara Kryčaŭskaj centralnaj rajonnaj balnicy.

Pra dziejnaść samoj GameMod viadoma nie tak šmat. Aficyjnaha sajta ŭ kampanii niama. U LinkedIn jana apisvajecca jak «mižnarodnaja studyja raspracoŭki AAA-hulniaŭ dla PC i kansolaŭ poŭnaha cykłu». U industryi «AAA-hulniami» nazyvajuć vysokabiudžetnyja biestselery — naprykład, Call of Duty abo The Last Of Us. «Lusterku» nie ŭdałosia znajści choć by jakoje dačynieńnie GameMod da jakoj-niebudź znakamitaj hulni.

U kampanii, miarkujučy pa LinkedIn, pracuje 82 čałavieki (ź ich 14 — u Polščy), jana źjaŭlajecca rezidentam PVT. Arhanizacyja davoli aktyŭna najmaje supracoŭnikaŭ. Za apošni miesiac jaje rekruciory šukali prahramistaŭ i mieniedžaraŭ hulniavych płatformaŭ.

Krynicy «Lusterka» z hulniavoj haliny raskazali, što «HiejmMod», chutčej za ŭsio, nie raspracoŭvaje ŭłasnyja hulni, a zajmajecca aŭtsorsam. Ale nad jakimi mienavita prajektami pracuje kampanija, nieviadoma.

Čytajcie taksama:

Aficery KDB, zamiašanyja ŭ homielskaj bojcy, bolš u viedamstvie nie pracujuć

«Pa bilinhu možna daviedacca ŭsio žyćcio čałavieka» — Łupanosaŭ

Jak vyznačyć ahienta ŭ svaim atačeńni

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
12
Ха-ха
4
Ого
1
Сумна
0
Абуральна
41
2
Maksim Dizajnier/adkazać/
23.11.2023
Kołchoznoje ojti. Nanimajut rabov po 1000-1500, prodajut amierikancam ot 6000. Čto jeŝie eti KHBšnyje biźniasmieny, kotoryje Vordom polzovaťsia nie umiejut, mohut pridumať. 20 let ničieho v otraśli nie mieniajetsia.
0
UF/adkazać/
23.11.2023
Nu heta zvyčajnaja historyja dla biełaruskaj ajciški... Pałova z realnych ułaśnikaŭ kampanij byłyja abo dziejnyja śpiecsłužbisty. Abo vy dumajecie, što u Biełarusi sapraŭdy tak šmat zamožnych ludziej, nie źviazianych ź dziaržavaj, jakija mohuć inviestavać ŭ adkryćcie mižnarodnaha biźniesu...
0
Amatar spraviadlivaści i zakonnaści/adkazać/
24.11.2023
Nu vot takich diełkov, kak diejstvujuŝij khbst Pobieržin, Romanovskij, Puško i pročije, nie nado vysyłať, diełať im niedovierije v śviazi s intieriesami nac.biezorasnosti Polši, Litvy i pr. Jeŝie vyjaśnitsia, čto diejstvujuŝiemu khbstu Pobieržinu i pasport vydali kak vładielcu karty polaka s "polskimi korniami". Nadiejemsia, tiepieŕ polaki pieriesmotriat svoi riešienija.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera