Znajści
Ałharytmičny łacinski varyjant
24.11.2023 / 12:372RusŁacBieł

Vyjšła kniha pra lehiendarnyja biełaruskija muzyčnyja miedyja. Losy niekatorych jaje aŭtaraŭ skłalisia niečakana

Muzyčnyja žurnalisty Źmicier Burbuć i Nastaśsia Samatyja napisali knihu pra biełaruskuju muzyku 90-ch i 00-ch — ci pra tych, chto jaje aśviatlaŭ. Heta historyja «Muzykalnaj haziety» i «M-žurnała», lehiendarnych minskich muzyčnych vydańniaŭ, jakija źnikli ŭ nulavyja.

Fota: patreon.com

Svaju pracu biełarusy raspačali jašče ŭ 2015-m, a skončyli tolki ciapier — pryznajucca, što reč u prakrastynacyi. Atrymałasia vydańnie «Chroniki «Niestara» — 148 staronak u PDF-farmacie, sotnia zdymkaŭ i dziasiatki intervju ź ludźmi, jakija stvarali «Muzykalnuju hazietu» i «M-žurnał». 

Atrymać knihu možna za 10 jeŭra na Patreon.

«Naša kniha ŭnikalnaja ŭ tym sensie, što maksimalna dakładna i praŭdziva (bo słovami tych ludziej, jakija, ułasna, stvarali hetyja vydańni) apisvaje toje, jak byli prydumanyja i čamu pryjšli ŭ zaniapad «Muzykalnaja hazieta» i «M-žurnał». Dla hetaha my zdoleli pahutaryć, badaj, z usioj redakcyjaj, i daloka nie ŭsie z hetych ludziej siońnia zachacieli b adkazvać. Naprykład, Źmicier Basik, jaki byŭ niekali aŭtaram «M-žurnała», a siońnia asabisty pierakładčyk Łukašenki. A niekatorych hierojaŭ našaj knihi ŭžo i niama ŭ žyvych», — raskazvaje Źmicier Burbuć.

Žurnalist raskazvaje, što chacieŭ by, kab hetyja vydańni zapomnili jak unikalnyja dla ŭsioj postsavieckaj prastory: «Usio-tki nichto nie moh tak doŭha vypuskać muzyčnaje vydańnie štotydniova («Muzykalnaja hazieta») i z takoj jakaściu palihrafii («M-žurnał»). Hetyja vydańni rabilisia sapraŭdnymi fanatami svajoj spravy, i čytačy nie mahli hetaha nie adčuvać. Usiakaje byvała ŭ historyi hetych vydańniaŭ, ale my ŭ svajoj knizie pastaralisia skancentravacca tolki na dobrym. Niachaj ich tak i pamiatajuć — jak simvał epochi, jakaja nazaŭsiody syšła ŭ historyju».

«Naša Niva» — bastyjon biełaruščyny

PADTRYMAĆ

Što słuchać pa-biełarusku? Top papularnych piesień u Spotify na rodnaj movie PŁEJLIST

U Brytaniju viarnułasia bitłamanija. Sinhł «Bitłz» uznačaliŭ chit-parad upieršyniu z 1969 hoda

Što treba viedać pra hurt Tor Band — muzykaŭ, jakich pakarali žachlivymi terminami za ich chity

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
49-j floor/adkazać/
24.11.2023
Za vozmožnosť kupiť onłajn otdielnyj rieśpiektiŝie! Niedavno storrientił vsie vypuski m-žurnała v pdf. Smotriu na riekłamu, hdie Leśli Najf chvalit Vicious Crusade... Dla tiech, kto v tiemie, mało čieho najdiotsia nastolko ironičnoho i trahičnoho.
0
biełaruska/adkazać/
25.11.2023
to bok unutry Biełarusi iznoŭ kupić niešta našaje novaje nielha? patryjon pracuje ź vialikimi pierabojami. ci heta praca dla dyjaspary onli? zalejcie jaje na buści
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera