Znajści
Ałharytmičny łacinski varyjant
24.11.2023 / 16:091RusŁacBieł

Mihranty, što imknucca pierasiekčy miažu ź Finlandyjaj, majuć biełaruskija vizy

Ministr unutranych spraŭ Łatvii Rychard Kazłoŭskis zajaviŭ, što na łatvijska-biełaruskaj miažy źnižajecca patok nielehalnych mihrantaŭ i jany imknucca znajści novyja šlachi, paviedamlaje lsm.lv.

Płot błakuje darohu da zakrytaj pustoj pamiežnaj stancyi Nujamaa pamiž Rasijaj i Finlandyjaj u Łapiejenrancie (Paŭdniovaja Finlandyja). Fota: Sergei Grits / AP

Jon źviarnuŭ uvahu na rost nielehalnaj mihracyi la ŭschodnich miežaŭ Litvy i Polščy. Taksama Finlandyja adčuvaje mihracyjny cisk na svajoj uschodniaj miažy.

«Praca va ŭzmocnienym režymie [na miažy ź Biełaruśsiu], adnak, dała peŭnyja vyniki. Jość infarmacyja, što tyja asoby, jakija sprabujuć pierasiekčy miažu ŭ Finlandyi, majuć biełaruskija vizy. Heta aznačaje, što jany prarabili dosyć vialiki šlach, kab dabracca tudy», — skazaŭ Kazłoŭskis.

Jon adznačyŭ, što ciapierašniaje pasłableńnie nie aznačaje, što patoki nielehalnych mihrantaŭ nie mohuć adnavicca.

Ministr źviarnuŭ uvahu na toje, što ŭ RF biaźvizavy režym ź Iranam, a taksama na pramoje avijazłučeńnie pamiž krainami.

Finlandyja zakryła amal usie pamiežnyja pierachody na miažy z Rasijaj, pakinuŭšy tolki adzin na poŭnačy krainy.

Palityk taksama padkreśliŭ, što kantrol na ŭschodniaj miažy ciapier asłablacca nie budzie. «My nie budziem dziejničać hetak paśpiešliva i nie budziem padavać sihnał ab tym, što my rassłabilisia», — skazaŭ Kazłoŭskis.

Łatvijskim žurnalistam udałosia ŭkaranicca ŭ adnu z hrupovak kantrabandystaŭ. Jany vyśvietlili, što pierapraŭkaj ludziej ź biełaruskaj miažy ŭ Niamieččynu zajmajecca mnostva hrupovak. Za transparciroŭku adnaho nielehała kiroŭcam abiacajuć ad 800 da 1600 jeŭra.

Raniej u pamiežnaj achovie adznačali, što miažu sprabujuć adnačasova pierasiekčy vialikija hrupy z 20-30 čałaviek z udaskanalenaj arhanizacyjaj, lepš abstalavanyja, čym raniej, i pavodziać jany siabie bolš upeŭniena.

Čytajcie taksama:

Finlandyja ź piatnicy zakryła ŭsie pamiežnyja punkty na miažy z Rasijaj, aprača samaha paŭnočnaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
0
Ха-ха
0
Ого
0
Сумна
2
Абуральна
6
2
jevropiejskij raj dla afrikanca/adkazać/
24.11.2023
Finlandyja zakryła amal usie pamiežnyja pierachody na miažy z Rasijaj, pakinuŭšy tolki adzin na poŭnačy krainy.

"naivnyje!" finy, dumajut "dikariej" iz Afriki, Azii i Kavkaza eto ostanovit.... Ničieho podobnieho.Tam sovieršienno druhije ciennosti v hołovie. Tiem boleje jeśli 2 diktatora, biełorusskij i rośsijskij takije diejstvija poddierživajut.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031