Znajści
Ałharytmičny łacinski varyjant
25.11.2023 / 14:277RusŁacBieł

«Tut spyniaŭsia apošni karol Rečy Paspalitaj». Staražytnuju siadzibu ŭ Mastoŭskim rajonie adnaviła miascovaja haspadarka

Siadziba znachodzicca ŭ baku ad vioski Vialikaja Rahoźnica. Ciapier u hetym vieličnym budynku znachodzicca kantora miascovaha sielhaspradpryjemstva, piša «Źviazda».

Raboty zbolšaha zavieršany, ale na čarzie haspadarčaja pabudova pablizu majontka i vialikaja prysiadzibnaja terytoryja, dzie kaliś, vidavočna, byŭ raskinuty park. Jaho taksama buduć adnaŭlać.

Siadziba znachodzicca na ziemlach KSUP «Imia Adama Mickieviča». Namahańniami staršyni Uładzimira Pisareviča tut praviedzieny značnyja raboty. Darečy, sam dyrektar haspadarki taksama viedaje pra byłych uładalnikaŭ majontka. 

— Staražytny budynak zakłaŭ viadomy na toj čas dziaržaŭny dziejač Antonij Suchadolski. Zatym pałac pierachodziŭ da roznych uładalnikaŭ. Ciapier siadziba naležyć KSUP «Imia Adama Mickieviča». My praviali davoli istotny ramont. Adnavili fasad i dach, padabrali adpaviednuju kałarystyku. Taksama adramantavali ŭjaznyja kałony. Jašče treba admostku zrabić i pryvieści ŭ naležny vyhlad budynak la siadziby. U pierśpiektyvie ačyścim uvieś učastak, jość namier pasadzić sad, pładovyja drevy. Dziakujučy rentabielnaści haspadarki, usie raboty viadziom za ŭłasnyja srodki.

Siadzibu jašče naprykancy XVIII stahodździa zakłaŭ ułaśnik hetych miaścin, viadomy na toj čas dziaržaŭny dziejač Antonij Suchadolski. Cikava, što ŭ siejmach Rečy Paspalitaj jon vystupaŭ za toje, kab u skład vajennaj kamisii ŭvachodzili nie tolki palaki, ale i ŭradžency biełaruskich ziemlaŭ. 

Nastupnym uładalnikam siamiejnaj siadziby i Rahoźnicy staŭ syn Antonija Suchadolskaha — Jan. Jon, jak i baćka, słužyŭ pry vysokim dvary, a ŭ 1794 hodzie byŭ udzielnikam paŭstańnia razam z Tadevušam Kaściuškam. Dvoje druhich synoŭ pajšli pa tvorčym šlachu — adzin ź ich staŭ paetam, druhi — mastakom. Januaryja Suchadolskaha navat ličać pieršym biełaruskim mastakom-batalistam. 

Sama siadziba pabudavana ŭ styli kłasicyzmu, adnapaviarchovaja i z porcikam na centralnym fasadzie. Jość niamała architekturnych asablivaściaŭ, naprykład, vierch porcika, ci, bolš dakładna, franton, upryhožany hirlandaj i karnizam. Raniej tut stajali bronzavyja vazy, ale ich, pa daviedkach, źniali jašče padčas Pieršaj suśvietnaj vajny. Kažuć, pierapłavili na zbroju. 

Paźniej, dzieści pry kancy XIX stahodździa, byŭ prybudavany bałkon z kałonami. 

Pamiaškańni, bačna, byli davoli raskošnymi. Praŭda, zaraz ad byłoj vieličy ničoha nie zastałosia, akramia vysokich stolaŭ i staražytnych ścien.

A kaliści tut stajaŭ kamin ź biełaha marmuru ź lusterkam, kruhłaja pieč ź biełaj kafli, ścieny ŭpryhožvała bahataja kalekcyja žyvapisu. Na žal, pra aryhinalnyja interjery staražytnaj siadziby mała što viadoma. Majontak časta mianiaŭ uładalnikaŭ.

Ale jość źviestki, što tut haściavaŭ apošni karol Rečy Paspalitaj Stanisłaŭ Aŭhust Paniatoŭski. U jaho navat byŭ svoj «karaleŭski» pakoj — samaje hanarovaje miesca ŭ majontku. 

Rahoźnica nieŭzabavie pierajšła da siamji Šabanskich. Małady haspadar braŭ udzieł u paŭstańni 1863 hoda i zahinuŭ kala vioski padčas bitvy z kazakami. Darečy, na miescy bitvy ŭstanoŭleny vałun, jaki śviedčyć ab hetaj histaryčnaj padziei. Nie tak daŭno jaho adnavili. 

Nu i apošnim ułaśnikam na pačatku XX stahodździa staŭ Oskar Miaštovič, jaki vałodaŭ Rahoźnicaj da 40-ch hadoŭ. Admietna, što za hety čas jon paśpieŭ pabudavać davoli vieličny kaścioł u niearamanskim styli. Zaraz heta adna sa słavutaściaŭ hetych miaścin, jak i siadziba i jaje ŭjaznaja brama.

Za saviecki pieryjad tut šmat što pierabudavana, ale sam fasad i ŭjaznaja brama znachodziacca ŭ adnosna zdavalniajučym stanie. Paśla maštabnaha ramontu abličča budynka źmianiłasia, nieŭzabavie ŭ adpaviednym styli aformiać prysiadzibny park. 

U Mahiloŭskim rajonie stvaryli etnachatku paślavajennych hadoŭ

U Ščorsach znoŭ pasprabujuć pradać za biescań viandlarniu Chraptovičaŭ

Biełaja dača stała absalutna biełaj. Jak źmianiŭsia znakamity abjekt u Kurasoŭščynie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
2
Ха-ха
0
Ого
1
Сумна
8
Абуральна
2
0
Ł/adkazać/
26.11.2023
Ja adzin baču hetyja biełyja płastykavyja vokny j dźviery ź bližejšaha budaŭničaha rynka?
0
Juzik sa stancyi Kruleŭščyna/adkazać/
27.11.2023
Adziny maleńki kałhasik u vialikim kałhasie pad nazovam Respublika Biełaruś, jaki vyklikaje maju pavahu!
Nie razumieju, čamu tut u kamientataraŭ toje vyklikaje ahidu?

Kraina Biełaruś chranična biednaja na cikavostki!  U malusieńkaj Łatvii, jakich mo 4 źmieścicca na terytoryi RB -- 140 zamkaŭ!!! Jak ja nie ličyŭ -- kolki ž  zamkaŭ u Biełarusi -- bolej za 15 nie naličvaŭ! Ja ŭžo ličyŭ i dom-krepaść u Hajciuniškach, zamki u Smalanach i Bychavie... Bolš za 15 razam razam ź Lidaj, Hrodnam, Niaśvižam, Miram, Krevam, Kosavym ... -- nijak nie sabrać! Takich zamkaŭ u Łatvii nakštałt kosaŭskaha -- paŭsotni. Inšaja  rešta -- zamki abaronnaha typu nakštałt mirskaha.
Dy ŭ nas niama nivodnaha narmalnaha voziera! Nu, voś u krainach, mienšych za Biełaruś, Kirhizii, naprykład -- voziera Issyk-Kul, u jakoha bierahoŭ nie bačna, karabli chodziać, party jość. Vienhryja -- voziera Bałaton, Armienija -- Sievan...

Nu, adramantavaŭ kałhas pałacyk pad kantoru! Nie razabrali ž na cehłu! Jak razabrali sotni inšych. Dziakuj, što źbierahli, jak mahli -- da lepšych časoŭ!  Ale, u mianie vialiki sumnieŭ, što jany niekali nastanuć! Ale hety pałacyk -- źbierahli!
0
Maksim Dizajnier/adkazać/
27.11.2023
Chm...

Da, puskaj łučšie by shniła. A na miestie śniesiennoj usad́by łučšie by votknuli biezdšnuju stieklannuju korobku v skandinavskom stdie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031