Znajści
Ałharytmičny łacinski varyjant
27.11.2023 / 07:59RusŁacBieł

Łaŭreatam Bukieraŭskaj premii staŭ piśmieńnik-irłandziec

Pavodle siužeta, Irłandyja znachodzicca va ŭładzie ŭrada, jaki skatvajecca da tyranii.

Piaty raman Poła Linča «Pieśnia praroka» (Prophet Song) staŭ łaŭreatam Bukieraŭskaj premii 2023 hoda, paviedamlajecca na sajcie premii.

Poł Linč. Fota: thebookerprizes.com

Siužet nastupny: ciomnym daždžlivym viečaram u Dublinie navukoviec i maci čaćviarych dziaciej Ajliš Stek adkryvaje dźviery i bačyć na parozie dvuch supracoŭnikaŭ niadaŭna stvoranaj tajnaj palicyi Irłandyi, jakija chočuć pahavaryć ź jaje mužam. Usio razvalvajecca, Irłandyja znachodzicca va ŭładzie ŭrada, jaki skatvajecca da tyranii. Ajliš vymušana rabić usio mahčymaje, kab zachavać svaju siamju razam.

«Heta tryumf emacyjnaha apoviedu, badzioraha i śmiełaha. «Pieśnia Praroka» ź vialikaj jarkaściu adlustroŭvaje sacyjalnyja i palityčnyja tryvohi našaha biahučaha momantu. Čytačy znojduć jaje ščymlivaj i praŭdzivaj i nie chutka zabuduć jaje papiaredžańni», — havorycca ŭ tłumačeńni da naminacyi.

Bukieraŭskaja premija — adna z samych prestyžnych uznaharod u śviecie anhlijskaj litaratury. Uručajecca z 1969 hoda. Da 2013-ha prysudžałasia aŭtaru, jaki pražyvaje ŭ adnoj z krain Sadružnaści nacyj, Irłandyi abo Zimbabve, za raman, napisany na anhlijskaj movie. Ź siezona 2014 hoda premija ŭručajecca za raman, napisany na anhlijskaj, niezaležna ad hramadzianstva aŭtara. Pieramožca atrymlivaje 50 tysiač funtaŭ sterlinhaŭ. Z 2005 hoda taksama prysudžajecca Mižnarodnaja Bukieraŭskaja premija za ramany, pierakładzienyja na anhlijskuju. 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031