Znajści
Ałharytmičny łacinski varyjant
28.11.2023 / 15:23RusŁacBieł

U Japonii asudzili dyrektara arhanizacyi, jakaja adpraŭlała pacyjentaŭ na pierasadku orhanaŭ u Biełaruś

Dla Japonii heta pieršy vypadak, kali vynosicca prysud mienavita pa takoj katehoryi złačynstva, paviedamlaje japonski telekanał NHK World-Japan. Raniej u Biełarusi zahinuli dva japonskija pacyjenty paśla transpłantacyi orhanaŭ.

Alaksandr Łukašenka naviedaŭ 25 lutaha 2022 hoda Minski navukova-praktyčny centr chirurhii, transpłantałohii i hiematałohii

Havorka idzie pra takijskuju niekamiercyjnuju arhanizacyju «Padtrymka pacyjentaŭ ź ciažkimi zachvorvańniami».

U 2021—2022 hadach jana biez admysłovaha dazvołu adpraviła ŭ Biełaruś troch pacyjentaŭ ź Japonii i atrymała za pasłuhi bolš za 130 młn ijen (kala 1 młn dalaraŭ).

Dyrektar NKA 62-hadovy Chiramičy Kikučy (Hiromichi Kikuchi) byŭ aryštavany 7 lutaha 2023 hoda pa padazreńni ŭ parušeńni zakona ab pierasadcy orhanaŭ.

Palicyja kanfiskavała ŭ źviazanych z NKA asob śpis sa 150 proźviščami, jakija byli zacikaŭleny ŭ apieracyi pa transpłantacyi.

Padčas apieracyj pa transpłantacyi orhanaŭ u adnoj z klinik Biełarusi tady zahinuli dva japonskija pacyjenty, bo ŭ ich raźvilisia ŭskładnieńni «z-za nieprafiesijnaha padychodu miascovych chirurhaŭ», pa acency daktaroŭ Japonskaha tavarystva transpłantołahaŭ. 

Zdymak z fotarepartažu pra naviedvańnie Łukašenkam Minskaha navukova-praktyčnaha centra chirurhii, transpłantałohii i hiematałohii ŭ 2022 hodzie

Vyžyć zdoleŭ tolki adzin pacyjent z troch. Usie jany pierad hetym zapłacili za apieracyi ŭ Biełarusi značna bolš za rynkavuju canu, paviedamili tady ŭ japonskaj palicyi.

I ciapier, pavodle rašeńnia akruhovaha suda Tokia ad 28 listapada, dyrektar NKA Chiramičy Kikučy byŭ pryhavorany da 8 miesiacaŭ pazbaŭleńnia voli i 6700 dalaraŭ štrafu. Sam Kikučy nie pryznaŭ siabie vinavatym i padaŭ apielacyju ŭ Viarchoŭny sud Japonii.

Hety prysud źjaŭlajecca biesprecedentnym dla krainy pa dadzienaj katehoryi złačynstva, adznačyŭ telekanał NHK World-Japan.

Adnym z matyvaŭ złačynstva było nazvana žadańnie zabiaśpiečyć pacyjentam chutčejšy dostup da apieracyj pa pierasadcy orhanaŭ, bo «ŭ Japonii ludzi zvyčajna ich čakajuć doŭha».

Nahadajem, što pośpiechami ŭ halinie transpłantałohii ŭ lutym 2022 hoda ŭ prysutnaści Alaksandra Łukašenki vychvalaŭsia dyrektar Minskaha navukova-praktyčnaha centra chirurhii, transpłantałohii i hiematałohii Aleh Rumo.

Mienavita hety centr pravodzić navukovyja daśledavańni pa ŭsich napramkach sučasnaj miedycyny, zychodziačy z napracovak, źviazanych z transpłantałohijaj.

Za pieryjad z 2008 da 2021 hoda było vykanana bolš za 3 tysiačy transpłantacyj orhanaŭ.

Pa słovach Rumo, u 2021 hodzie centr zarabiŭ na zamiežnych pacyjentach bolš za 10 młn dalaraŭ.

Rumo asabliva chvaliŭsia pierad Łukašenkam klijentami ź Izraila i Japonii.

Čytajcie taksama:

«Heta katastrofa dla kankretnaha čałavieka, ale nie dla sistemy». Pacyjenty i doktar raspaviali pra niedachop lekaŭ u špitalach

«Nas kantrabandaj pieravieźli ŭ Biełaruś». Mihranty na miažy ź Finlandyjaj raspaviali, jak jany tudy trapili

«Jość novyja abstaviny». MUS Litvy prapanuje viarnucca da pytańnia ŭnifikacyi sankcyj u adnosinach da biełarusaŭ i rasiejcaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera