Znajści
Ałharytmičny łacinski varyjant
28.11.2023 / 14:39RusŁacBieł

U Indyi ratavalniki dabralisia da rabočych, jakija znachodzilisia pad zavałami tunela 17 dzion

Praz zavały ŭdałosia praśvidravać trubu dyjamietram kala 90 santymietraŭ, paviedamiŭ kiraŭnik urada miascovaha rehijona.

Fota: AP Photo

Apošnija niekalki mietraŭ ratavalnikam pryjšłosia kapać uručnuju. Ciapier 41 rabočy vyzvaleny.

Rabočyja z 12 listapada znachodzilisia ŭ aŭtadarožnym tuneli ŭ štacie Utarkchand u Himałajach daŭžynioj 4,5 kiłamietra, jaki padčas budaŭnictva častkova abrynuŭsia paśla apoŭźnia.

Rabočym pa vuzkich trubach padavali ježu, vadu, kisłarod i leki. U ich taksama była telefonnaja suviaź, praź jakuju jany mahli zastavacca na suviazi sa svajakami.

U vyratavalnaj apieracyi było zadziejničana bolš za sotniu čałaviek. Jaje sutnaść zaklučałasia ŭ tym, kab prakłaści bietonnuju trubu praz zavały.

Paviedamlajecca, što ratavalnikam zastałosia praśvidravać kala piaci mietraŭ, paśla čaho jany pačnuć padjom rabočych na pavierchniu.

«My spadziajemsia, što pry tym tempie, jaki jość ciapier, my vielmi chutka spravimsia ź situacyjaj», — kazaŭ hałoŭny ministr štata Utarkchand Puškar Sinhch Dami.

Jon patłumačyŭ, što spačatku pracy prasoŭvalisia pavolna, bo pry śvidravańni skroź zavały abstalavańnie raz-poraz natykałasia na mietaličnyja pieraškody. 

Uźviadzieńnie tunela praciahłaściu 4,5 kiłamietra było častkaj prajekta pa budaŭnictvie darohi ŭ hetym paŭnočnym himałajskim štacie, piša Bi-bi-si.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera