Znajści
Ałharytmičny łacinski varyjant
28.11.2023 / 18:251RusŁacBieł

Finlandyja całkam zakryvaje ŭschodniuju miažu

Urad Finlandyi pryniaŭ rašeńnie ab poŭnym zakryćci miažy z Rasijaj z 30 listapada da 13 śniežnia. Pra heta paviedamili na pres-kanfierencyi 28 listapada premjer-ministr krainy Pietery Orpa i kiraŭnica MUS Mary Rantanien, piša Yle.fi.

Zdymak ilustracyjny. Fota: Steffen Trumpf/picture alliance via Getty Images

Pavodle tłumačeńnia Orpa, hetym krokam Finlandyja choča ŭziać pad kantrol sproby hibrydnaha ŭpłyvu z boku Rasii.

«Heta arhanizavanaja dziejnaść, — zajaviŭ jon. — Rasija stała pryčynaj situacyi, jakaja skłałasia, i jana moža pakłaści joj kaniec».

Pa słovach Mary Rantanien, Dziaržrada pastanaviła časova zakryć usie KPP na ŭschodniaj miažy i zasiarodzić na dva tydni pryjom zajaŭ ab nadańni prytułku ŭ aeraportach i ŭ punktach pierasiačeńnia miažy pa vadzie.

Pradstaŭnik pamiežnaj słužby Finlandyi Maci Sarasmaa zajaviŭ, što pryniataje rašeńnie nie tyčycca čyhunačnaha punkta Vajnikkała, praź jaki iduć hruzapieravozki. Pa jahonych słovach, rašeńnie zakryć usie KPP było zasnavana na novaj raźviedvalnaj infarmacyi, jakaja nie była viadomaja na minułym tydni.

Jak zajaviŭ Sarasmaa, terminy zakryćcia mohuć być skaročanyja abo padoŭžanyja ŭ zaležnaści ad situacyi na miažy. Pryniatyja siońnia miery admianiajuć papiaredniaje rašeńnie finskaha ŭrada ab zakryćci ŭsich KPP na ŭschodniaj miažy, akramia Raja-Joasepi na samaj poŭnačy krainy, da 23 śniežnia.

Čytajcie taksama:

Finlandyja płanuje spynić pryjom prośbitaŭ prytułku na miažy z Rasijaj

«Nas kantrabandaj pieravieźli ŭ Biełaruś». Mihranty na miažy ź Finlandyjaj raspaviali, jak jany tudy trapili

Mihranty, što imknucca pierasiekčy miažu ź Finlandyjaj, majuć biełaruskija vizy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
9
Ennot/adkazać/
28.11.2023
Piervoje zakrytije na 3 mies. do fievrala 24h. vtoroje do 23 diekabria. Tiepieŕ do 13 diekabria! Nalico prohriess-- bojatsia ,čto narod na viły posadit. A finskij zakon o biežiencam možno prosto pomieniať i nie vpuskať.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031