Znajści
Ałharytmičny łacinski varyjant
28.11.2023 / 22:487RusŁacBieł

U Paŭnočnaj Karei ŭpieršyniu za 67 hadoŭ ludzi na vybarach prahałasavali suprać

«99,91% za, i 0,09% suprać».

Tvar lidara KNDR Kim Čen Yna. Fota: Bloomberg / Contributor Getty Images

U Paŭnočnaj Karei (KNDR) prajšli čarhovyja vybary kandydataŭ u deputaty abłasnych i haradskich narodnych schodaŭ, u jakich upieršyniu možna było abirać adnaho z dvuch kandydataŭ u biuleteniach (hetuju normu ŭviali tolki ŭ žniŭni hetaha hoda).

Vybary pryviali da niečakanaha pavarotu, bo ŭpieršyniu za 67 hadoŭ na ich aficyjna zafiksavali hałasy suprać abranych kandydataŭ u deputaty. Pra heta siońnia napisała ahienctva Reuters sa spasyłkaj na paŭnočnakarejskaje dziaržaŭnaje vydańnie KCNA.

«Paviedamlajučy pra vyniki niadzielnych vybaraŭ deputataŭ rehijanalnych narodnych schodaŭ, dziaržaŭnyja ŚMI Poŭnačy zajavili, što 0,09 pracentaŭ i 0,13 pracentaŭ vybarščykaŭ prahałasavali suprać abranych kandydataŭ u pravincyjnyja i haradskija schody adpaviedna», — paviedamiła ahienctva Reuters sa spasyłkaj na paŭnočnakarejskaje KCNA.

Reuters adznačaje, što apošni raz padobnaja niazhoda padčas vybaraŭ u KNDR aficyjna pryznavałasia tolki ŭ 1956 hodzie, kali krainaj kiravaŭ Kim Ir Sen, dzied Kim Čen Yna i stvaralnik ciapierašniaha paŭnočnakarejskaha palityčnaha režymu. Sami vybary ŭ deputaty abłasnych i haradskich narodnych schodaŭ ładziacca ŭ KNDR raz na 4 hady, a jaŭka na ich zaŭsiody aficyjna składaje bolš za 99% (jaŭka abaviazkovaja pa zakonach krainy).

Jość niekalki mierkavańniaŭ, čamu kiraŭnictva KNDR dazvoliła śvietu ŭbačyć u siabie prynamsi mizerny pracent niazhodnych.

Pierš za ŭsio, jak piša Reuters, heta moža śviedčyć pra sproby «pakazać usim vobraz narmalnaha hramadstva ŭ Paŭnočnaj Karei». Pa-druhoje, heta taksama moža być sprobaj «umacavać svaju lehitymnaść u vačach susiedziaŭ i vorahaŭ», asabliva pierad zachodnimi demakratyjami.

I treci varyjant, samy małavierahodny — heta prykmieta nievialikaha pavieličeńnia pravoŭ i svabod, a taksama pasłableńniaŭ dla žycharoŭ KNDR.

Čytajcie taksama:

«Tut pakazać realnyja hałasy, a ŭ vybarkam zdać, što paprasili». Źjaviłasia VIDEA, jak kamisija vyrašaje, jaki pratakoł pakazać

Łukašenka prapanavaŭ Pucinu padumać na traich. Jany dvoje i Kim Čen Yn

U Rasii jość užo 110 pomnikaŭ Stalinu. 95 ź ich pastavili pry Pucinie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Pieratrachčanka=0/adkazać/
28.11.2023
U zdymak hetaja tłustaja istota nie źmiaščajecca… brydki, jak jaho siabruki - vołodzija (s) dy sania-7rubloŭ (hety, jašče i virusołah bulbiany na trachtary)…
0
Kazik/adkazać/
29.11.2023
Byccam niechta tam niekali ličyŭ hałasy
0
Dumki usłych /adkazać/
29.11.2023
Usio-ž taki jesť dumka ,adnosna Biełarusi, što na vybary treba chadzić. Heta budzie aznačać , što hramadstva praciahvaje zmahańnie za svai pravy. Falsifikataram budzie ciažiej maralna rabić svaju čornuju spravu, hetaja niervovaść biedzie raźjadać uładu znutry. Dumajcie haspadary što rabić sa stratehijaj łukašystkich vybaraŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031