Znajści
Ałharytmičny łacinski varyjant
29.11.2023 / 10:051RusŁacBieł

Zamiežnikaŭ, jakija ŭjazdžajuć u Rasiju, abaviažuć padpisvać «pahadnieńnie ab łajalnaści» krainie

Ministerstva ŭnutranych spraŭ Rasii vystupiła ź inicyjatyvaj abaviazać usich zamiežnych hramadzian, jakija ŭjazdžajuć u krainu, padpisvać śpiecyjalnaje pahadnieńnie ab łajalnaści. Dakumient chutka budzie ŭniesieny ŭ Dziarždumu.

Krasnaja płošča padčas eskałacyi napružanaści pamiž Kramlom i kiraŭnikom rasijskaj vajenizavanaj hrupoŭki «Vahnier», Rasija, 24 červienia 2023 h. Fota: Sefa Karacan / Anadolu Agency via Getty Images

Zhodna z zakonaprajektam, ź jakim aznajomiłasia TASS, zamiežniku, jaki ŭjazdžaje ŭ Rasiju ŭ pieryjad znachodžańnia (pražyvańnia) na terytoryi dziaržavy ŭ adpaviednaści z «pahadnieńniem ab łajalnaści» budzie zabaroniena «dyskredytavać u lubych formach źniešniuju i ŭnutranuju dziaržaŭnuju palityku RF, orhanaŭ publičnaj ułady i ich słužbovych asob».

Akramia zabarony na dyskredytacyju dziaržaŭnaj palityki RF, zamiežnikam zabaraniajecca admaŭlać «tradycyjnyja siamiejnyja kaštoŭnaści», skažać układ savieckaha naroda ŭ pieramohu nad fašyzmam.

«Zhoda ab łajalnaści — heta dazvoł dziaržaŭnych orhanaŭ RF na ŭjezd zamiežnaha hramadzianina ŭ RF, z adnaho boku, i zhoda zamiežnaha hramadzianina, vykazanaja šlacham ujezdu ŭ RF, z vykanańniem zabaron, ustanoŭlenych u metach abarony nacyjanalnych intaresaŭ RF, z druhoha boku», — havorycca ŭ dakumiencie.

Zakonaprajektam praduhledžvajecca, što inšaziemcam taksama budzie zabaroniena prajaŭlać niepavahu da raznastajnaści rehijanalnych i etnakulturnych układaŭ žyćcia nasielnictva Rasii, tradycyjnych rasijskich duchoŭna-maralnych kaštoŭnaściaŭ.

Pavodle MUS, dakumient abmiarkoŭvajecca i chutka budzie ŭniesieny ŭ Dziarždumu.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
a horse with no name/adkazać/
29.11.2023
Moža pryjdzie momant, kali i ŭ Biełarusi zrobim niešta padobnaje dla hramadzian rasiei. Naprykład, u Biełarusi ŭsio budzie nadrukavana na vulicach na dźvuch movach: biełaruskaj i anhielskaj, kali vy nie razumiejecie - Google translate vam u dapamohu - u nas jon budzie pracavać. Žarty pra "movu piatikłašiek", "hovoritie normalno", "hy-hy oni Moskvu čieriez A pišut, vo nieuči", "strana kartoški", "ia poprosił razohrieť chołodnik - i tiepieŕ eto normalnyj borŝ" i.t.d. - departacyja. Cikava tolki, što kali jany robiać takija praviły dla zamiežnikaŭ, to heta "zaŝita tradicionnych ciennostiej", a nie śvietafobija, a voś kali naadvarot, to "rusofobija"...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031