Znajści
Ałharytmičny łacinski varyjant
29.11.2023 / 12:30RusŁacBieł

Čatyry palicyjanty zahinuli, 17 atrymali ranieńni ŭ vyniku ŭdaru pa anieksavanaj častcy Chiersonskaj vobłaści — ASTRA

4 palicyjanty, uklučajučy «načalnika tyłu» i «namieśnika načalnika adździeła» zahinuli, 17 paranienyja ŭ vyniku ataki na akupacyjny adździeł palicyi «Novakachoŭski» ŭ Chiersonskaj vobłaści.

Jak paviedamlajuć krynicy ASTRA, ranicaj 28 listapada ŭ akupavanym siale Jubilejnaje Chiersonskaj vobłaści na levym bierazie Dniapra ŭ vyniku abstrełu byŭ razburany dvuchpaviarchovy budynak, dzie byŭ palicejski adździeł akupacyjnych uładaŭ.

Pry ŭdary tam zahinuli čatyry palicyjanty, 17 atrymali ranieńni, śćviardžaje Astra. Pavodle vydańnia, siarod zahinułych — namieśnik načalnika adździeła palicyi 33-hadovy major palicyi Artur Džunusovič.

Centr nacyjanalnaha supracivu, stvorany siłami śpiecyjalnych apieracyj USU, paviedamiŭ, što 28 listapada «dziakujučy infarmacyi, jakuju pradastaviła padpolle i nieabyjakavyja miascovyja žychary», byŭ naniesieny ŭdar pa budynku ŭ akupavanym siale Jubilejnaje Chiersonskaj vobłaści.

Paviedamlajecca, što ŭ vyniku zahinuli piać «vysokapastaŭlenych čynoŭnikaŭ».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera