Znajści
Ałharytmičny łacinski varyjant
30.11.2023 / 10:436RusŁacBieł

Ci pavinny dzieci čynoŭnikaŭ adkazvać za baćkoŭ?

U efiry «Biełsat» na hetu temu spračalisia vykanaŭčy dyrektar Fondu spartyŭnaj salidarnaści Alaksandr Apiejkin i žurnalist Siarhiej Padsasonny.

Alaksandr Apiejkin u studyi «Biełsata». Skryn videa: @belsat_news / YouTube

U efiry razvažali, ci nie lepš źniać sankcyi ź dziciača-junackaha sportu. Padčas dyskusii Siarhiej Padsasonny zaŭvažyŭ, što tak na spabornictvy zmohuć patrapić i dzieci namienkłatury.

Na heta Apiejkin adkazaŭ, što dzieci čynoŭnikaŭ taksama biełarusy.

«My nie možam ciapier brać i padzialać dziaciej. Tut treba hladzieć trochi šyrej. Zrazumieła, što jość prablema palitviaźniaŭ. Ale nielha dzialić našu budučyniu. Bo dzieci — naša budučynia. Nielha kazać, što hetyja dzieci naležać čynoŭnikam, a hetyja nie. Dzieci ŭvohule ni za što nie adkazvajuć».

«Režym robić manipulacyi siarod hetych dziaciej. Apranaje ich u dziaržaŭnuju simvoliku. I režym trymaje ŭ turmach niepaŭnaletnich», — nahadaŭ Padsasonny.

Pa słovach kiraŭnika Fondu spartovaj salidarnaści, kali dzieci siońnia buduć praciahvać jeździć na turniry ŭ Rasiju i padsiłkoŭvacca jaje ducham, to i ŭ dalejšym buduć apałahietami hetaj idei.

«Naša zadača — realna ideałahična dazvolić im bačyć inšaje. Realna intehravać ich u jeŭrapiejskuju prastoru. Kab jany heta bačyli, kab tut znachodzili siabroŭ. Kab z nami sustrakalisia, kali jany siudy pryjeduć», — adznačaje Apiejkin.

Padsasonny pacikaviŭsia, što budzie, kali ŭ zamiežnych pajezkach da dziaciej buduć prystaŭleny kadebešniki, jakija nie dazvolać nijakich sustreč. Jon spasłaŭsia na dośvied Savieckaha Sajuza i Paŭnočnaj Karei.

Apiejkin ličyć, što takoha nie budzie. «Ja nie dumaju, što ŭžo da takoj krajniaj miery dojdzie, što ź dziciačymi kamandami buduć pryjazdžać kadebešniki. Navat kali ŭ Savieckim Sajuzie isnavała takaja praktyka, heta nie pieraškadžała ludziam bačyć, jak žyvuć jeŭrapiejskija krainy, ZŠA. A paraŭnoŭvać Biełaruś i Paŭnočnuju Kareju jašče rana. Naša zadača — doŭhaterminovaja».

Pa słovach Apiejkina, jon bačyć, kolki času kaštuje vychavańnie adnaho aktyvista demakratyčnych sił. «Ludzi nie robiacca aktyvistami voś prosta tak, na raz-dva. Heta realna hady pracy. Treba, kab čałaviek intehravaŭsia ŭ niejkija prahramy, mieŭ kantakty z supolnaściu».

«Kali my budziem na dziciačym uzroŭni adsiakać kantakty, stvarać izalacyju, atrymlivajecca, što dzieci buduć bačyć adziny śviet», — padkreślivaje kiraŭnik Fondu spartovaj salidarnaści.

Pa słovach Padsasonnaha, ciapier moładź ź dziaržaŭnaj simvolikaj možna rehularna sustreć u aeraporcie Vilni. Značyć, niekatoryja dzieci ŭsio-taki lotajuć. Nakolki jany stali jeŭrapiejskimi ź dziaržaŭnaj simvolikaj?

Apiejkin raspaviadaje, što ciapier moładź prymaje ŭdzieł u niekatorych pryvatnych turnirach. A adnosna dziaržaŭnaj simvoliki zaŭvažaje, što šmat spartoŭcaŭ, jakija padtrymali pratesty ŭ 2020 hodzie, taksama lotali ź dziaržaŭnaj simvolikaj.

Apiejkin adznačaje, što nie lubić padziełu: «Što značyć niedemakratyčnyja dzieci ci dzieci čynoŭnikaŭ? Dzieci nie adkazvajuć za baćkoŭ. Heta ŭ nas asnoŭny pryncyp. Niama takoha nadzialeńnia. Nielha jaho štučna stvarać».

«Pry hetym adkazvajuć dzieci palitźniavolenych. Maci zastajucca za kratami. Dziaciej vychoŭvajuć babuli ci niechta ź blizkich. My na heta pavinny zakryć vočy?» — spytaŭ Padsasonny.

«Što pasieješ, to pažnieš. Kali my budziem siejać padzialeńnie i realnuju nianaviść pamiž biełarusami, to budziem heta padtrymlivać. Dzieci nie pavinny za heta adkazvać», — upeŭnieny Apiejkin.

Čytajcie jašče:

Fond spartovaj salidarnaści choča łabiravać źniaćcie sankcyj ź dziciača-junackaha sportu. Heta vyklikała sprečku

«Z vašaj rytorykaj možna skazać, što i Łukašenka lubić Biełaruś». Słovy Apiejkina ŭ fejsbuku ŭźniali sprečku

Alaksandru Hierasimieniu i Alaksandra Apiejkina dadali ŭ «Śpis ekstremistaŭ»

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Pacisnu šyju apošniamu łukašystu/adkazać/
30.11.2023
Dzieci łukašystaŭ nie buduć adkazvać za svaich haniebnych baćkoŭ tolki paśla lustracyi, kali ŭsia ich skradzienaja majemaść budzie kanfiskovana na karyść biełaruskaha naroda. A da hetaha jašče daleka.
0
Bahdan/adkazać/
04.12.2023
Apiejkin u apošnija dni zanadta aktyvizavaŭsia z antysankcyjnaj rytorykaj, byccam u jaho ŭ hetym svoj intares. Kansierva ŭskryłasia?
0
Maksim Dizajnier/adkazać/
05.12.2023
Niet, koniečno. Puskaj živut siebie spokojno v Jevropie i SŠA. V kuplennych na papkiny dieńhi domach i kvartirach, učatsia na papkiny dieńhi v jevropiejskich i amierikanskich vuzach. Zavodiat novyje znakomstva nie s kołchoźnikami i proletarijami, a s priličnymi lud́mi, v riestoranach i na kurortach na papkiny čiestno zarabotannyje.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031