Znajści
Ałharytmičny łacinski varyjant
03.12.2023 / 15:25RusŁacBieł

Jak adčyścić žujku z adzieńnia

Prylipańnie žavalnaj humki da vašaj ulubionaj pary džynsaŭ moža sapsavać uvieś dzień. Ale ničoha strašnaha: vy možacie lohka vydalić jaje niekalkimi sposabami.

Fota: gettyimages

Va ŭsich vypadkach hałoŭnaje, što vam spatrebicca, kab źniać žujku z adzieńnia, — heta trochi lodu. Ale nie čakajcie zanadta doŭha, tamu što vydalić žujku, kali jana vysachnie, značna składaniej.

Sposab 1

Hety sposab bolš za ŭsio padychodzić dla patoŭščanaha abo bolš abjomnaha adzieńnia. Vam spatrebiacca kubiki lodu i nož z tupym lazom. Vaźmicie zamarožany ŭ pakiecie lod (asobnyja kubiki možna pakłaści ŭ zip-pakiet, kab paźbiehnuć kantaktu vady z humkaj) i pakładzicie na žujku, pakul taja nie zaćviardzieje, a zatym akuratna saskrabicie žujku nažom.

Sposab 2

Hety sposab padychodzić dla dalikatnaha adzieńnia. Vam spatrebiacca tyja ž kubiki lodu (abo marazilnik u jakaści alternatyvy), płastykavy pakiet i zubnaja ščotka. 

Dla pačatku adarvicie palcami stolki žujki, kolki zmožacie. Zaharnicie vopratku ŭ płastykavy pakiet i pakładzicie ŭ maraziłku da zaćviardzieńnia humki. U jakaści alternatyvy pakładzicie na žujku zamarožany ŭ pakiecie lod, pakul jana nie zaćviardzieje, jak u pieršym sposabie.

Kali žujka zaćviardzieje, znovu adarvicie stolki žujki, kolki zmožacie, ale budźcie aściarožnyja, kab nie paškodzić materyjał. Zatym akuratna pačyścicie plamu zubnoj ščotkaj, kab vydalić reštki.

Sposab 3

Vam spatrebicca lod, pralny parašok (lepiej toj, jaki źmiaščaje enzimy), nož z płoskim, niezavostranym kancom. Źmiaścicie adzin kubik unutry paškodžanaj vopratki: prama pad žujkaj. Pamiž lodam i žujkaj pavinna być jak maha mienš materyjału.

Druhi kubik lodu źmiaścicie niepasredna nad pieršym kubikam lodu, kab žujka akazałasia pamiž imi. Pačakajcie kala 30 chvilin abo pakul humka nie stanie vielmi chałodnaj i ćviordaj.

Pakładzicie vopratku na roŭnuju pavierchniu. Aściarožna saskrabicie zamarožanuju humku niezavostranym krajem naža. Zatym apracujcie miesca, dzie była humka, myjnym srodkam i papiarycie adzieńnie ŭ mašyncy z režymam, jaki pasuje tkaninie.

Jašče alternatyvy

Taksama vy možacie vykarystać myjny srodak dla posudu razam z zubnoj ščotkaj. Raścirańnie razryvaje vałokny žujki i dazvalaje lohka saskrebci jaje.

Vocat možna vykarystoŭvać dla rastvareńnia luboj žavalnaj humki, palahčajučy jaje vydaleńnie ź luboj pavierchni.

Taksama možna skarystacca zubnoj pastaj. Prosta pakładzicie trochi pasty na miesca z humkaj. Pryciśnicie troški liniejkaj, kab humka apynułasia roŭna pakrytaj. Dajcie pastajać niekalki chvilin, pakul zubnaja pasta nie vysachnie na pavietry. Paśla taho, jak heta budzie zroblena, humka pavinna stać dastatkova ćviordaj, kab adarvacca.

Jak vydalić žavalnuju humku z dyvana?

Tut parada ad Howstuffworks amal taja ž: pakładzicie lod u zip-pakiet i pakińcie jaho na humcy na 15-20 chvilin. Kali taja zaćviardzieje, akuratna saskrabicie jaje tupym nažom.

Ci dapamoža lod dastać žujku z vałasoŭ?

Jak tolki humka trapiła ŭ vałasy, skarystajciesia ŭsio tym ža pakietam ź lodam na praciahu 10-15 chvilin, kab zamarozić jaje. Heta pavinna pamienšyć lipkaść i palehčyć jaje źniaćcie.

Čytajcie taksama:

Jak pačyścić biełyja čaraviki: całkam pravieranyja mietady

Jak ačyścić i pradezynfikavać matrac

Doktarka raskazała, ci sapraŭdy žavalnaja humka abaraniaje ad karyjesu

«Žujka z kamiennaha vieku»: navukoŭcy atrymali DNK žančyny, jakaja žyła 6000 hadoŭ tamu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031