Znajści
Ałharytmičny łacinski varyjant
02.12.2023 / 21:1835RusŁacBieł

Byłaja prapahandystka STB pracavała ŭ «Žoŭtych źlivach», a paśla pierajechała ŭ Polšču i adkryła tam biznes

Jana była ŭ łukašenkaŭskim pule, a padčas pieradvybarčaj kampanii pierajšła na pracu ŭ źliŭnyja bački prapahandy. «Biełpoł» zaŭvažyŭ, što ciapier jana pierajechała ŭ Polšču i adkryła tam biznes.

Kaciaryna Žylanina. Fota: STB

Kaciarynie Žylaninaj 41 hod. Jana skončyła žurfak BDU ŭ 2004-m. Paśla hetaha pracavała žurnalistkaj, a ŭ 2010-ch pryjšła na STB. Nieŭzabavie patrapiła ŭ łukašenkaŭski puł, ale telezorkaj tak i nie stała. Były kaleha Kaciaryny apisvaje jaje tak:

«Jana doŭhi čas była ŭ pule, ale jaje nie tak časta śviacili, bo Žylanina, jak kažuć, nie nadta fotahieničnaja. Ale niešta vychodziła rehularna.

Zaciatym łukašyzmam jana nie adroźnivałasia, ale ličyłasia takoj «patryjotkaj». U 2020-m pra hvałt zmaŭčała. Taksama zaŭždy spakojna ŭsprymała zatrymańni kalehaŭ z palityčnych matyvaŭ».

«U mai 2020-ha jana syšła ŭ redakcyju «Žoŭtych źlivaŭ», kab jašče mienš śviacicca. I paśla vybaraŭ tam pracavała. Kali jana i syšła adtul u 2020-m, to nie praz palityčnuju pazicyju, heta nie demarš», — miarkuje były kaleha.

Skrynšot z kanała «MatolkaPamažy» pra Žylaninu

Zhodna sa źviestkami, jakimi padzialiŭsia Anton Matolka, 29 śniežnia 2020-ha Žylanina zvolniłasia z STB i sa studzienia 2021-ha pierajšła na pracu na telekanał MIR — praŭda, u kadry jaje nie było, a na sajcie niama anijakich zhadak. Pa jahonaj infarmacyi, taksama jana była zapisanaja «źniešnim analitykam» praŭładnaha Biełaruskaha instytuta stratehičnych daśledavańniaŭ.

U «Kibierpartyzanaŭ» niama źviestak pra dalejšuju pracu žančyny. Viadoma, što ŭ jaje było IP, śfierami dziejnaści jakoha ŭkazanyja «inšyja śfiery adukacyi». Jano było zakrytaje ŭ kastryčniku 2022-ha.

U žniŭni 2022-ha Kaciaryna razam z bratam pierakupili jurydyčnuju asobu P66A u Varšavie. Paśla hetaha jany ci to pierakupili, ci to adkryli kaśmietyčny sałon u rajonie Ursynaŭ. Paru miesiacaŭ tamu jany akurat šukali tudy mieniedžara.

Vakansija ŭ firmu Kaciaryny, datujecca 25 vieraśnia 2023-ha

Taksama ŭ žniŭni jany adkryli firmu K&M23 (brat i siastra, Kaciaryna i Maksim, 2023 — heta hod adkryćcia). Jak vid dziejnaści paznačana «pasłuhi, źviazanyja z palapšeńniem fizičnaha stanu».

Profil Kaciaryny na sajcie, jaki pakazvaje, chto vałodaje jakim biznesam

«Naša Niva» napisała Kaciarynie ŭ miesiendžary, ale pakul nie atrymała adkazu.

Čytajcie taksama:

«Heta byli ŭžo nie šarahovyja apładysmienty, jakija hučać u padziaku kožnamu vystupoŭcu». Chto apładziravaŭ Łukašenku stojačy na klimatyčnym samicie?

«Dziŭnaje sacspabornictva, chto bolš napryznaje». TH-kanał, jaki źviazvajuć z Markavym, pakrytykavaŭ siłavikoŭ za toje, što ekstremistami stali ŭsie

«Usio, vy zdradniki». Prapahandysty zaklikajuć zabrać kvateru ŭ Aleksijevič i pazbavić emihrantaŭ spadčyny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Pravdoriez/adkazać/
03.12.2023
Maksim Dizajnier, Maksimka, odin vopros - počiemu nie v usłovnom biełorusskom kopyle? Počiemu v Vavie?) Vied́ v usłovnom kopyle tak vsie chorošo i stabilno!;)
0
Kub/adkazać/
03.12.2023
"Pojechała myť polskije unitazy..." (s)hryša
0
O kak/adkazać/
03.12.2023
Maksim Dizajnier
…i biesstrašno oleń poskakał po hrablam. Eto ž nado,kakoj nieviezučij—našieho pryŝavoho dartiańjana uhorazdiło sriedi pamiarkounych biełarusikrv rodiťsia. A nie,naprimier,sriedi aleksandrov makiedonskich. Nu raz łobotomija nie pomohła—iesť jeŝie odno sriedstvo. Stienu vidiš? Razhoniś. No ot duši. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031