Znajści
Ałharytmičny łacinski varyjant
01.12.2023 / 21:0925RusŁacBieł

«Heta byli ŭžo nie šarahovyja apładysmienty, jakija hučać u padziaku kožnamu vystupoŭcu». Chto apładziravaŭ Łukašenku stojačy na klimatyčnym samicie?

1 śniežnia Alaksandr Łukašenka vystupiŭ na pasiadžeńni Suśvietnaha samitu pa baraćbie sa źmianieńniem klimatu. Praŭładnyja prapahandysty jahonaje vystupleńnie pradstavili jak niešta niejmavierna praryŭnaje, i jamu nibyta ŭdzielniki samitu ad usioj dušy «apładziravali stojačy». Videa pry hetym pakazvałasia abrezanaje, ale «Lusterka» znajšło poŭnuju viersiju.

Hrupa padtrymki Łukašenki, jakaja ŭstała paplaskać jamu paśla zakančeńnia vystupleńnia. Napieradzie — Dźmitryj Baskaŭ. Skrynšot ź videa

Dva pasiadžeńni z udziełam kiraŭnikoŭ dziaržaŭ u ramkach Suśvietnaha samitu pa baraćbie sa źmianieńniem klimatu, jaki prachodzić u AAE, 1 śniežnia prajšli paralelna adno adnamu. Łukašenka sa svaim vystupleńniem trapiŭ u hrupu, dzie vystupali taksama lidary Polščy, Šviejcaryi, Słavienii, Čada, Čarnahoryi, Lichtenštejna, Luksiemburha, Manholii, Kyrhyzstana, Tadžykistana i inšych dziaržaŭ.

Raśpisvajučy pramovu Łukašenki, aficyjoznaje ahienctva BiełTA paviedamiła, što jon, maŭlaŭ, «adyšoŭ ad zapłanavanych tezisaŭ i dadaŭ rezkaści svajmu vystupleńniu» i heta nibyta pa-sapraŭdnamu zapaliła aŭdytoryju:

«U vyniku słovam biełaruskaha lidara zaapładziravali ŭ zale. I heta byli ŭžo nie šarahovyja apładysmienty, jakija hučać u padziaku kožnamu vystupoŭcu: kiraŭniku dziaržavy apładziravali stojačy».

Pry hetym karotkija roliki, jakija źjavilisia ŭ praŭładnych telehram-kanałach i ŚMI, byli abrezanyja, tryumfalnaja kancoŭka ŭ ich adsutničała. A na poŭnym videa vystupu Łukašenki, adšukanym «Lusterkam» na sajcie Ramačnaj kanviencyi AAN pa źmianieńni klimatu (paśla jano źjaviłasia i ŭ jutub-kanale ANT), bačna, što asoby, jakija apładziravali palityku stojačy, byli sapraŭdy.

Takich było, prynamsi, čaćviora. Usie jany siadzieli pobač i, jak miarkujecca, uvachodzili ŭ biełaruskuju delehacyju. Adnaho ź ich udałosia i apaznać: byłoha kiraŭnika Fiederacyi chakieja, a ciapier «sienatara» Dźmitryja Baskava, jaki padniaŭsia paplaskać pieršym.

Varta nahadać, što Dźmitryj Baskaŭ — adzin z tych, kaho padazrajuć u datyčnaści da śmierci Ramana Bandarenki vosieńniu 2020 hoda.

Čytajcie taksama: 

Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam

Łukašenka prybyŭ na adkryćcio klimatyčnaha samitu ŭ AAE

Mižnarodny Čyrvony Kryž prypyniŭ siabroŭstva biełaruskaha tavarystva

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
ničieho novoho/adkazać/
02.12.2023
łoł

połučajetsia, baskov do sich por "vjezdnoj" v jevropie?
dobiťsia protiv nieho piersonalnych sankcij - nieposilnaja zadača dla lidierki i jeje ofisa ili on "śliškom miełkaja fihura" (s) łatuška (pro bazanova)?

0
Nu tupyje...../adkazać/
02.12.2023
ničieho novoho, achacha, eto fiasko. Idi-ka hieohrafiju povtori, synok))) Otličnyj primier pokłońnika łukaša))
0
Mch/adkazać/
02.12.2023
Hetaje "abrezanaje" videa ŭčora ŭvieś viečar krucili. Takoje ŭradžańnie što heta byŭ vystup nie na mižnarodnym samicie, a čarhovaja sielektarnaja narada, z trochi inšyśmi słovami. Pretenzii byli da ŭsich kiraŭnikoŭ inšych krain, byccam by heta nie prezidenty/premjery/manarchi a padnačalenyja jamu staršyni kałhasaŭ i saŭhasaŭ na sielektarnaj naradzie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031