Znajści
Ałharytmičny łacinski varyjant
03.12.2023 / 21:3318RusŁacBieł

«My dojdziem da kanca. Buduć jašče zatrymańni, buduć jašče kryminalnyja spravy» — namieśnik ministra ŭnutranych spraŭ Kazakievič

Hienadź Kazakievič u efiry telekanała ANT prakamientavaŭ apošnija zatrymańni kiraŭnictva «Babuškinoj krynki» i Biarozaŭskaha miasakansiervavaha kambinata.

Namieśnik ministra Hienadź Kazakievič. Fota: telehram-kanał Unutranych vojskaŭ MUS

Zakranajučy karupcyjnuju spravu na Biarozaŭskim miasakansiervavym kambinacie, namieśnik ministra ŭnutranych spraŭ — načalnik kryminalnaj milicyi nazvaŭ jaho kłasičnym faktam sistemnaj dziełavoj karupcyi. 

«My dojdziem da kanca ŭ śfiery pierapracoŭki i miasa, i małaka. Buduć jašče zatrymańni, buduć jašče zaviedzienyja kryminalnyja spravy», — paabiacaŭ načalnik kryminalnaj milicyi.

Pavodle jaho słovaŭ, znajšoŭsia pradprymalnik, jaki pastaŭlaŭ na pradpryjemstva dabaŭki dla vytvorčaści miasnych vyrabaŭ. Anałahičnaja schiema da hetaha była vyjaŭlena pry pastaŭkach zapasnych častak i vietpreparataŭ.

«Znachodzicca kamiersant, jaki robić karupcyju častkaj svajho biźniesu. Inšymi słovami, dla ažyćciaŭleńnia svajoj markietynhavaj stratehii, prasoŭvańnia tavaru dla jaho całkam narmalna dać chabar. Ź inšaha boku siadzić niesumlenny kiraŭnik, dla jakoha hetak ža narmalna chabar uziać», — rastłumačyŭ Hienadź Kazakievič.

Na jaho dumku, takija dziejańni akazvajuć niehatyŭny ŭpłyŭ na ekanomiku, bo zavyšany košt tavaru kładziecca na sabiekošt.

«Usio heta ŭ kančatkovym vyniku ŭpłyvaje na pryvabnaść pradukcyi. My potym dumajem, jak ža pradać jaje na źniešnim ci ŭnutranym rynkach», — adznačyŭ Hienadź Kazakievič.

Jon dadaŭ, što karupcyjnaja schiema pracavała ciaham 15 hadoŭ.

«Pavažany kiraŭnik ciapier znachodzicca ŭ SIZA. Kamiersant, śfiera dziejnaści jakoha achoplivała ŭsiu respubliku (Biarozaŭski miasakambinat — tolki adzin epizod, byli inšyja kambinaty ŭ inšych abłaściach respubliki), taksama znachodzicca ŭ SIZA i daje pakazańni. I my dojdziem da kožnaha, kaho zakranuła hetaja karupcyjnaja schiema».

Pieršaja infarmacyja pra aryšty kiraŭnikoŭ niekalkich małakazavodaŭ pryjšła 1 listapada. U ramkach maštabnaj «małočnaj spravy» byli zatrymanyja ŭ tym liku hienieralny dyrektar «Babuškinoj krynki» Hienadź Skitaŭ i kiraŭnik Biarozaŭskaha miasakansiervavaha kambinata Uładzimir Žukovič. Jak adznačaŭ staršynia KDB Ivan Cierciel, usiaho pa spravie było zatrymana 26 čałaviek, na ciapierašni momant 15 aryštavany.

«Naša Niva» — bastyjon biełaruščyny

PADTRYMAĆ

Čytajcie taksama:

Niekudy źnik dyrektar Rahačoŭskaha małočnakansiervavaha kambinata. Heta supała z aryštami pa «małočnaj» spravie

Vykładaŭ fota ŭ majcy Russia, a Łukašenka nakazvaŭ jamu zaziamlicca. Šeść faktaŭ pra Ihara Bryło, zatrymanaha pa «małočnaj spravie»

Zatrymany Ihar Bryło, eks-kiraŭnik Minsielhascharča i pamočnik Łukašenki pa Viciebskaj vobłaści 

Byŭ Elkind, staŭ Skitaŭ. Historyja dyrektara «Babuškinaj krynki» i zakuliśsie impieryi kiraŭnictva spraŭ Łukašenki

«Adnym ź pieršych jaho ŭkazańniaŭ stała ŭstanoŭka videakamier». KDB raskazaŭ bolš pra aryšt dyrektara «Babuškinoj krynki»

Čym admietnaja «Babuškina krynka», kiraŭnika jakoj zatrymali za karupcyju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Doroha v Drozdy/adkazać/
04.12.2023
o,Nikohda poka on živ i dyšit.
0
daviedka /adkazać/
04.12.2023
Kazakievič kommientiruja niedielu nazad ariest diriektora miasokombinata, prodiemonstrirovał v kamieru bolšoje kolco na palcie, raskryvajuŝij jeho prinadležnosť to li k vielikoj masonskoj łožie, a to li k mafii.
0
Pieratrach nie za harami./adkazać/
05.12.2023
Samazvaniec, čuŭ? Usiu tvaju kamandu pasodziać.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031