Znajści
Ałharytmičny łacinski varyjant
04.12.2023 / 15:441RusŁacBieł

Padčas štormu ŭ Sočy źnik 63-hadovy biełarus — jon žyŭ u łodcy 

Na minułym tydni ŭ Sočy bušavaŭ mocny štorm — chvali dasiahali 4 mietraŭ i znosili ŭsio na svaim šlachu. Jak stała viadoma Onlíner, adnym z paciarpiełych ad stychii staŭ 63-hadovy biełarus. Apošnija hady jon žyŭ u łodcy i rychtavaŭsia adpravicca ŭ kruhaśvietnaje padarožža.

Pra źniknieńnie mužčyny vydańniu raskazała Julijana, blizkaja znajomaja biełarusa.

— Vacłaŭ žyvie ŭ Sočy ŭžo piać hadoŭ. Jon rychtavaŭsia adpravicca ŭ kruhaśvietnaje padarožža nastupnym letam, a pakul vypraboŭvaŭ łodku i žyŭ u joj — jana była aficyjna zarehistravanaja ŭ pamiežnikaŭ pad bartavym numaram.

Pa słovach surazmoŭcy, siabry nieadnarazova prapanoŭvali mužčynu pierajechać zimoj na sušu i navat znajšli prydatny varyjant, ale nie paśpieli.

— Jamu dali klučy ad volnaj chatki, ale jon usio roŭna pajechaŭ načavać u svaju łodku. U noč z 26 na 27 listapada Vacłaŭ pierastaŭ vychodzić na suviaź, u siecivie z tych časoŭ nie byŭ. A ŭ tuju noč u Sočy jakraz bušavaŭ štorm strašnaj siły. Na nastupny dzień siabry pryjazdžali da taho miesca, dzie była łodka. Ubačyli tolki nižniuju častku asnoŭnaj łodki, na jakoj jon źbiraŭsia adpłyć u padarožža, i abłomki dvuch inšych. My miarkujem, što łodku sarvała ź jakara i zaniesła ŭ mora.

Ab płanach biełarusa na kruhaśvietku stała viadoma jašče ŭ 2016 hodzie. Tady jon pabudavaŭ svaju pieršuju samarobnuju łodku — płyt z padručnych materyjałaŭ — i adpłyŭ na joj z Adesy ŭ Paŭdniovuju Amieryku. Praŭda, pieršaje vandravańnie doŭžyłasia niadoŭha. Praź siem dzion biełarusa zatrymała marskaja palicyja Rumynii. Mužčynu departavali, łodku kanfiskavali, ale Vacłaŭ nie raźvitaŭsia sa svajoj maraj. Jon pierajechaŭ u Sočy i apošnija niekalki hadoŭ rychtavaŭsia da novaj vandroŭki.

Pa słovach siabroŭ Vacłava, zaraz jon ličycca źnikłym bieź viestak.

— Heta čałaviek śvietu, najdabrejšy, ale dzivakavaty — voś takaja ŭ jaho była niezvyčajnaja mara, — kaža Julijana.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Vład/adkazać/
04.12.2023
63 hoda, a uma... Kakaja kruhośvietka s takimi poniatijami o biezopasnosti? 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1234
567891011
12131415161718
19202122232425
26272829