Znajści
Ałharytmičny łacinski varyjant
05.12.2023 / 19:555RusŁacBieł

Enierhija ź ziamli: zapracavaŭ praryŭny prajekt Google — hieatermalnaja elektracentral

Čystaja biezvuhlarodnaja elektraenierhija pačała pastupać u sietku, jakaja absłuhoŭvaje centry apracoŭki danych Google u Nievadzie.

Fota: Google / Fervo Energy

U 2021 hodzie Google abjadnaŭsia sa startapam Fervo Energy dla pracy nad tak zvanaj «pašyranaj hieatermalnaj sistemaj» (EGS). U adroźnieńnie ad inšych krynic biezvuhlarodnaj enierhii, takich jak sonca i viecier, hieatermalnyja prajekty mohuć pracavać u luby čas dnia i nočy i niezaležna ad atmaśfiernych umoŭ. Jany pracujuć za košt ciapła ziamli.

Niadaŭna my pisali pra pośpiech, jakoha dasiahnuła kampanija Fervo Energy ŭ raźvićci hieatermalnych technałohij, dasiahnuŭšy rekordnaj chutkaści vypracoŭki elektraenierhii i mahutnaści. Ciapier Google zajaviŭ, što pieršy takoha maštabu hieatermalny enierhietyčny prajekt užo zabiaśpiečvaje kruhłasutačnuju padaču biezvuhlarodnaj elektraenierhii ŭ sietku.

Heta novy krok Google u kirunku dasiahnieńnia pastaŭlenaj mety całkam pieravieści svaje centry apracoŭki danych i ofisy na biezvuhlarodnuju enierhiju da 2030 hoda.

Fervo Energy dasiahnuła hieatermalnaha praryvu ŭ pačatku hetaha hoda, kali była dasiahnutaja zdolnaść sistemy vyrablać 3,5 miehavat elektraenierhii. Hetaha dastatkova dla zabieśpiačeńnia enierhijaj kala 2600 damoŭ. Kampanija dakazała, što EGS zdolnyja pracavać u kamiercyjnych maštabach.

Na svajoj placoŭcy ŭ štacie Nievada Fervo praśvidravała hrunt na hłybiniu 8000 futaŭ (kala 2,5 km), a potym pašyryła śvidravinu haryzantalna. Zatym była zroblena druhaja haryzantalnaja śvidravina, kab pierasiekčy raskoliny ŭ parodzie. Chałodnaja vada ź pieršaj śvidraviny pierapampoŭvajecca praz ščyliny ŭ druhuju śvidravinu, takim čynam vada pahłynaje ciapło navakolnych parod. Heta i vykarystoŭvajecca dla vypracoŭki pary i biezvuhlarodnaj enierhii.

Ministerstva enierhietyki ZŠA pryznała, što, u adroźnieńnie ad frekinhu hazu i nafty, ustanoŭki EGS nie pahražajuć čyścini hruntovych vodaŭ. Reziervuary EGS, jak praviła, znachodziacca značna hłybiej, čym naftavyja i hazavyja, i nie znachodziacca blizka da pavierchnievych zapasaŭ pitnoj vady. Hieatermalnyja elektrastancyi taksama nie vypuskajuć vadu na pavierchniu.

Ministerstva enierhietyki ZŠA prahnazuje, što hieatermalnyja stancyi buduć hienieravać da 120 hihavat čystaj enierhii da 2050 hoda. Hetaha budzie dastatkova, kab pakryć bolš za 16% patreb ZŠA ŭ elektraenierhii.

Fervo ŭžo buduje novuju placoŭku EGS u štacie Juta, jakaja, jak miarkujecca, budzie pastaŭlać 400 miehavat biezvuhlarodnaj elektraenierhii ŭ dzień, što dastatkova dla zabieśpiačeńnia enierhijaj 300 000 damoŭ. Fervo abiacaje, što hetaja placoŭka pačnie pastaŭlać elektraenierhiju ŭ sietku ŭ 2026 hodzie i vyjdzie na poŭnuju mahutnaść za dva hady.

Čytajcie taksama:

Praryŭnaja hieatermalnaja technałohija vyrablaje 3,5 miehavata biezvuhlarodnaj enierhii

Hieatermalnaja enierhija: usio bolš krain raspracoŭvajuć technałohii vykarystańnia ciapła ziamnych nietraŭ

Ci zmohuć akijanskija chvali stać dla čałaviectva nievyčerpnaj krynicaj enierhii?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Biudžiet rozzii/adkazać/
05.12.2023
Čie tam s cienami na uhlerody?
9
Chreń usie heta/adkazać/
05.12.2023
Pamiataju Mierkiel vučyła eka raźvivać. Dzie taja Mierkiel? Dzie taja eka? A Rasija jašče bolš razbahacieła pad durnyja razmovy
2
hramaciej/adkazać/
05.12.2023
Vilnia naša, durak ty!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera